Ads by Google Ads by Google

TALA I VAIFANUA


[ata: foa'i]

Pago Pago, AMERIKA SAMOA

 

PASIA AOGA MAUALUGA A LEONE & A’OGA MAUALGA FA’ASAO MARIST E LE WASC

 

Ua fa’ailoa fo’i le agaga fa’afetai o le susuga le Pulea’oga o le A’oga Maualuga a Leone le Laumua o le Liona, ina ua mae’a taua’aoina le latou tusi fa’ailo, ua matua pasia lelei i latou i aiaiga uma sa suesueina ai lo latou agava’a mo aoaoga Maualuluga i A’oga Maualuga ma Kolisi i le itu i sisifo o le Iunaite Setete o Amerika ma ona Teritori.

 

“O le fa’afetai i Matua ma le PTA, le vasega o Faia’oga ma le Pulega ae maise le aufaigaluega e tausia le mama ma le matagofie o falea’oga ma le lotoa uma i le Laumua o le Liona i Leone. E moni lava le tatou manulauti, o le “Tutu fa’atasi ma le loto e tasi, o le tatou Malosi’aga lea!”

 

“Ua tatou tapena fa’afafine to’aga i mea uma, fa’afetai i le fanau a’oga i le taimi o le asisiga a le WASC, aua ua mata’alia i latou i tali na fa’afesiligia ai i latou, ua matauina o latou togi ua ausia i mataupu ua avea ma isi mea lelei ua lautogia ai i tatou mo lenei asiasiga taua. Leone o lo’u Laumua lava oe!” O sana tala fiafia ma le fa’amalo ua tuuina atu aua ua loto e tasi i latou ua ausia le agava’a lenei mo le latou Laumua ma ua tali fo’i le Komiti suesue a le WAC ua fa tausaga o lo ua pasia mai ai.

 

Ua fa’apea fo’i ona tali fiafia mai le susuga le Sui Pule o le Faasao Marist High, Le’iato Fausia ma fa’ailoa mai, “Ua pasia fo’i e Fa’asao Marist le latou suega ma ua atofa mai le tolu tausaga atoatoa. Ua i ai nai mea iti e tatau ona fa’aleleia, ae o se mea sili ona fiafia ai le Komiti Suesue na malaga mai, ona ua oo mai ua matua matagofie le lotoa ma le falea’oga uma o aofia ai, ina ua tuu i lalo la’au tetele sa pogisa ma pei sa le ata mai ai le Laumua. O le tele fo’i o la’au tetele fa’apea o le lamatia fo’i lea o le soifua o le fanau a’oga a’o i ai i le lotoa ae tupu mai se fa’aletonu gau mai se lala poo le pa’u fo’i o le la’au ma lamatia ai lo latou soifua.”

 

O le aoga maualuga a Leone ma Fa’asao Marist sa tasi lava le aso na asia fa’atasi ai i latou e le komiti a le WASC na malaga mai. Sa tatalia fa’atasi fo’i latou fa’ai’uga mo nei a’oga, ma ua fa’afetaia lava, ua tali fa’atasi mai fo’i.

 

Fa’amalo le galulue ma le tauata’i o pulega ma le aufaigaluega fa’apea le vasega o Faia’oga, le PTA ma Fanau A’oga i nei Laumua i le lava papale i taumafaiga uma ina ia pasia latou Laumua mo le a’oa’oina o fanau talavou a le atunuu ma gafatia ona ulufale atu i Kolisi ma Iunivesite i fafo.

 

TAPUNIA MATAGALUEGA SOIFUA MALOLOINA - 50 FALE’AIGA TALU MAI IANUARI 2021

 

Talu mai le masina o Ianuari 2021, ua fa’amaonia lava le va’aia i pisinisi uma o lo’o gaosia mea taumafa ma fa’atau atu o lo’o tapunia mai e le matagaluega o le Soifua Maloloina, ma ua tau fesilisili fo’i tagata lautele, pe aisea lava?

 

O le mea e maofa ai, ona o nisi o fale’aiga nei e matua mama lava le nofoaga tonu o lo’o gaosia mai ai mea’ai. Peita’i e moni lava, e tele maga o le tulafono, e le ma faitaulia fo’i nisi o mea o lo ua mafua ai ona tapunia nei fale’aiga e fou toe mama, ae o lo’o matala nisi o fale’aiga o lo’o ua leva ma tuai latou umukuka, ae o lo’o tatala pea lava.

 

Ua le na’o fale’aiga fo’i ua asia e le vasega o le aufaigaluega mataala a le DOH, ae ua asia e i latou uma e aofia ai ma faleoloa o lo’o i ai vaega o lo’o faatau atu ai ma nai oloa tau mea taumafa mama e inu ai ti ma nai mea’ai vela fo’i, aua ua tutusa lelei lava tulafono o lo’o aiaia ai fale’aiga tetele ma na ituaiga o tautua.

 

Ua oo lava i nofoaga o lo’o tapena ma tao ai mea’ai mama e aofia ai falaoa. pani. panikeke, sanuisi ma mea’ai mama ua siakia fa’asolo atoa ina ia le sao lava se fa’aletonu tau le soifua maoloina i tagata uma o le atunuu.

 

O nisi o pisinisi sa tapunia e mafua mai ona ua le mama tulaga o nofoaga o loo gasese ai mea taumafa o soo se ituaiga. Ua va’aia lelei fo’i le tulaga o zinc fufulu ipu ma le suavai lafoa’i o lo’o fa’aalu ese mai poo lelei le nofoaga o lo’o aga’i i ai lea suavai lafoa’i.

 

O le tele o fale’aiga tetele ua fa’amalosia ina ia tapunia ae se’i mua’i fa’aleleia mea sa fa’atonuina e fa’aleleia mo le tautuaina o le mamalu lautele o le atunuu.

 

O fale’aig sa va’aia ua tapunia, sa le masani ai ona va’aia ua tapunia i tausaga ua te’a lea e aofia ai le McDonald’s; Carls Jr, Sadies by the Sea, Koko Bean, A & E Cafe, Henry’s Diner, Steven & Sons & I love Boba. O se mea e le o va’aia o tupu, o le tapunia lea o fale’aiga o Saina ma Korea lea e aofia ai le Jade, Famous, Taumafa ma isi.

 

Peita’i ua oo lava i le Canteen a Tafuna High School ua tapunia e le DOH, le fale’aiga o le A’oga Tafuna Elementary, Fale’aiga a le nuuuli Voc Tech High ma Fa’asao Marist High.

 

I le lipoti ua mae’a fa’auia mai mo le silafia a le au fa’asalalau ua fa’ailoa ai le mafuaga ua tapunia ai e i latou pisinisi uma nei ua tapunia ma ua fa’amauina fo’i ma tulafono tau le soifua maloloina ua solituina e lea fale’aiga ma lea fale’aiga, ma ua algatatau ai ona tapunia ae se’i galulue latou e toe fa’aleleia nei mea ma toe tatala ai.

 

O isi mea ua matauina fo’i e tele na’ua fale’aiga ua a’afia ai, o le i ai pea lea a ano manu fasi o loo teu i latopu fulisa ua te’a le taimi sa tatau ona fa’aaogaina ai. Ua le mama lelei uma ma mea faigaluega e fa’aaoga mo le kukaina o mea’ai, ua lisia uma fo’i ma isi mea e mafua ai o le mafai ona i ai loi i totonu o fale’aiga, o mogamoga ma isi iniseti fa’alafua e aofia ai ma lago i totonu o fale’aiga. O isi mea ua fa’ailoa mai ua tele falea’iga ua sasi ai, o le tuufa’atasia lea o i’a mata ma mea’ai ua mae’a na kuka mai.

 

O le sui fa’atonu o le matagaluega o le puipuiga o le Soifua Maloloina Vesi Fautanu Jr. “O le mea sili ona fa’ataua e le tatou Matagaluega o le Soifua Maloloina, o le fa’amautinoaina lea o lo’o tausia lelei le soifua maloloina o tagata uma o le atunuu, lea e matele ina tautuaina mai nei fale’aiga tetele, ma fale’ai o fanau a’oga fo’i latou.”

 

O le vave lava ona toe fa’aleleia o mea ua fa’atonu ina ia fa’aleleia, toe pasia atu e le matou matagaluega ua atoatoa, ona fa’ato’a toe mafai lea ona tatala mai faitoto’a mo le toe tautuaina o le atunuu.

 

“Ua mautinoa lava o le tele o nei fale’aiga ua tapunia e matele ina fiafia tele i ai tagata lautele e aga’i i ai, ae maise lava i taimi ua maua ai fo’i tupe i lima o tagata uma, ae o le taimi fo’i lenei o le a atili ai ona sasi le gaosiga o mea’ai pe afai o le a pisi tele na’ua tagata faigaluega. O le taumafaiga ina ia le fesopoa’i le teuina o mea’ai aano manufasi o lo’o mata ma mea’ai vela, o le isi lava mea sili ona taua e ao ina usita’ia lelei e fale’aiga. O se tasi lea o ala e mafai ai ona mai nisi o tagata ona ua o’ona mea’ai ua taumafaina.”

 

“O le taimi e asia ai e le  matou matagaluega o le Soifua Maloloina so’o se pisinisi o loo gaosia ai mea taumafa mo le mamalu lautele, e faia ai e i latou le lisi o mea uma lava o lape ai le ‘au’aunaga, o le lisi la lea e tu’u i ai i sui o le pisinisi lea, ae maise o le pulega, ina ia mafai ona toe fa’aleleia, toe asia loa ma toe tatala ai le pisinisi sa i ai vaega o tulafono tau le gaosiga ma le tautuaina o tagata lautele i mea taumafa ua latou solituina.”

 

TOTINO KOMITI FA’AFOE - SOIFUA TUTO’ATASI LATOU SOIFUA & AFAINA O LE TINO POO LE MAFAUFAU:

 

Ua faailoa fa’alaua’itele mai e Kovana Lemanu P S Mauga ana sui tofia e fa’aopoopo atu ma nisi o sui tuai e aofia i le Komiti Fa’afoe mo le Soifua Tuto’tasi o e ua soifua ma afaina tumau o le tino ma le mafaufau fa’atasi ma o latou aiga i le atunuu.

 

O le Komiti la lenei ua tofia fa’apitoa mai mo lea Komisi e aofia ai i latou nei:

1. Poumele P. Galea’i - Executive Director (ex-officio member)

2. Makerita Enesi - Consumer

3. Punipuao Sivas - Deputy Director, Dept. of Human Resources

4. Norma Smith - Department of Human and Social Services

5. Matautu Peter Tinitali Director, Office of Protection and Advocacy

6. Tafaimamao Tua-Tupuola - ASCC-UCEDD

7. Rev. Pelekina Laupati Consumer

8. Evelyn Lili’o Satele Director, Territorial Administration on Aging

9. Vaiausia E. Yandall - Consumer

10. Dr. Herbert Boat DOE-Special Education

11. Paepaetele Mapu Jamias Veterans Affairs

12. Manuia Lacambra Guardian

13. Solipo Samuel Tagaloa Parent

14. Rep. Vesiai Poyer Samuelu Advocate-Private

15. Esther Solaita-Pelefoti Samoa Center for Independent Living

16. Sigalu Tinitali ASCC-Student Services

17. Fausaga Taufete’e Consumer

18. Dana Love-Ili Advocate/SPEDInstructor

O le umi e tautua ai i latou nei i lea Komisi e ta’itolu tasaga.