Ads by Google Ads by Google

Fautuaina Faipule ina ia tautuana palota mo tofiga Kovana


Le afioga i le Fofoga Fetalai ia Savali Talavou Ale. [ata AF]
ausage@samoanews.com

“E fa’afetai atu i le mamalu o le matou e tusa ai o a tatou iloiloga ua mae’a atu, lea fo’i ua fa’ailoa la outou tofa saili e ala i palota ua mae’a atu, peita’i o le fautuaga, aua fo’i nei avea le ita i le ta’ita’i komiti ma aula e a’afia ai fua fa’aiuga e faia mo tofiga a le kovana ua mae’a ona tu’uina mai. Aua e le o ni tofiga fou, ae o tagata ua leva ona galulue i Ofisa o le malo, ua lava fo’i lo latou silafia i auala e fa’afoe ai galuega a le malo”, o le saunoaga lea a le Fofoga Fetalai ia Savali Talavou Ale, i le mae’a ai lea o palota e 3 sa alo atu i ai le maota i le aso Lulu na te’a nei, ma molimauina ai le i ai o faipule o loo palota leai.

 

Talu lava ona amata mai iloiloga a komiti ta’itasi a le maota o sui, o lo o maitauina pea tulaga fa’aletonu i le fa’afoeina o iloiloga, aemaise lava le taumafai atu o Faipule fou e fa’aleo o latou finagalo e ala i fesili fa’asaga i molimau, ae fa’auilavea afioga i Faipule tuai ma taumafai e a’oa’i nai Faipule fou i auala e tatou ona fa’atino ai galuega a le matou.

 

E pei o le taimi na taumafai ai le afioga i le ali’i faipule ia Sataua Dr. Mataese e fesiligia le Fa’atonusili tofia o Aoga i ni isi o mataupu sa ia fia malamalama ai, ae taofi e le sui fofoga fetalai ia Fetu Fetui Jr, fai mai e le tatau ia i latou sa avea ma faiaoga ona latou fa’aleoina ituaiga fesili nei i le Fa’atonusili tofia, e atagia mai ai o loo i ai ni mataupu latou te le o fiafia mai ai i le Matagaluega.

 

Sa taumafai fo’i le afioga ia Kitara Vaiau e fa’atulaga ta’iala i le taimi o le iloiloga a lana Komiti o Pulega o Uafu ma Malaeva’alele, ae fa’atonu atu e Fetui Jr o ia ina ia aua le soona leotele i Faipule, e le tatou fo’i ona ia fa’atula’iina ni ta’iala i taimi o iloiloga a komiti, ae ao ona ia vaavaai ma maitau i auala e fa’atino ai galuega a le maota.

 

O se tasi o tulaga fa’aletonu sa maitauina i taimi o iloiloga a afioga i faipule, na tula’i mai lea i le taimi o le iloiloga mo le Teutupe tofia a le malo ia Ueligitone Tonumaipe’a, ina ua tuliloa e le afioga i le ali’i Faipule ia Sam Meleisea se tasi o mataupu taua na fesiligia e le afioga i le ali’i faipule ia Sataua, pe mafai ona fai ma molimau a le malo i luma o le fa’amasinoga sui o le Ofisa o Tiute o loo latou mauaina fualaau fa’asaina o loo aumai fa’anana i totonu o pusa meli.

 

O le agaga o le fesili e pei ona saunoa Meleisea, sa fa’asaga lea i le mataupu na tula’i mai i le masina na te’a nei, ina ua solofua e le fa’amasinoga moliaga o le umia faasolitulafono o vaega o fualaau fa’asaina sa molia ai se tagatanu’u, e ui o lea sa maua i ai fualaau fa’asaina i le afifi sa aumai i lalo o lona igoa.

 

Na vave ona faauilavea le afioga i le ali’i faipule ia Lavea Fatulegae’e P Mauga ma ia fautua i sui o le komiti, ina ia taofi fesili e fa’atatau i isi mataupu se’i faamaonia muamua le Faatonusili, ona toe aami lea i se iloiloga i le lumana’i.

 

Na taua e se tasi o Faipule fou e fa’apea, e tatau fo’i i afioga i Faipule tuai ona silasila toto’a i le va fealoa’i ma Faipule fou, tusa lava pe fa’apea o i latou o Faipule fou, ae tutusa uma lava lo matou fa’alupega, o i latou o sui filifilia o itumalo ta’itasi.

 

E ese mai i le maota o sui ma le auala o loo faatautaia ai ana iloiloga, o loo solo solo lelei lava iloiloga a le maota maualuga a le Senate, talu.