Ads by Google Ads by Google

Tala i taaloga

Le toe talanoa Manti Te’o i le au faasalalau

 

O le a amata ona le toe fiafia Manti Te’o e talanoa i le au faasalalau, ona o ripoti sa faasalalauina ai mea faalelelei sa faia faasaga ia te ia, ae o le a taula’i lona mafaufau i ana koleniga

 

Fai mai a Manti Te'o, "Oute le kea i na mau tala na faia e le vaega lea o le Maxima, tusa pe feiatai ae oute le kea i ai i ni la latou tala ma faaupuga e fai mai ia te 'au."

 

I le tausaga ua te'a nei na su'e siamupini ai le latou 'au i le suega siamupini a aoga, o Notre Dame ma le 'au a Alabama, lea na vaaia ai e le toatele le lami o Alabama i lena taaloga, le mafuaga lena na pau ai i lalo i le taamilosaga lona lua i le taimi o le 'draft' le tulaga a Te'o.

 

O tama e iloa foi i lana tulaga o le 'middle linebacker' i tausaga o aoga i Notre Dame, i le lelei i taaloga e faia i aso Toana'i uma, ae toe pau lava le faaletonu i le tausaga na te'a nei i le suega siamupini.

 

Ia fai mai a ia, "O le mea sese e te le ma fai ona e alo 'ese ai, o le leaga ua uma ona tupu, faagalo lena tausaga ia, ia ae tatou vaavaai i le taimi lenei o le NFL, atonu o le a foi o le vaavaai atu foi nisi tagata na fiafia ia te 'au, atonu o le fiafia nei ia te 'au ina ua sui lou taalo."

 

Tulaga ua i ai taamilosaga Super 15 i le taimi nei

 

Ua toe tailua i le taitolu taaloga o loo totoe nei i le 'au a Super 15 ina ua le taunuu mea na faamoemoe i ai nisi 'au i le lenei tausaga, ona o le faatamala i le tele o taaloga ina toe faiaina lava i nisi 'au na leai se manatu o le a malo.

 

O le tele lava o taaloga, e le tuu mamaina e tama ia tama lea ua i totonu o latou 'au fili pei o le All Blacks a Niu Sila, o le Wallabies a Ausetalia ma le Spring Box a Aferika i Saute e tama lea e taalo atu i 'au o latou itumalo.

 

O le faiga o le mea e ta'i lima 'au e aumai i atunuu nei e tolu, e lima 'au a Aferika i Saute pei o le Bulls, Cheetahs, Sharks, Stormers ma le Souther Kings faapea ia 'au a Ausetalia e i ai le Brumbies, Reds, Waratahs, Rebels ma Western Force.

 

Ia o 'au a Niu Sila e i ai le Chiefs, Crusaders, Blues, Hurricanes ma le Highlanders ona atoa ai lea o le 15.

 

E lelei ia rekoki a isi 'au ae le lava ana ponesi e maua i 'ana taaloga lea e alai ona lava ona 'ai (points) e me'i ai i luga ana 'ai, pei la o le faataitaiga, e 5 'ai e maua i le malo, e maua loa e le tou 'au ia sikoa e fa, ona maua lea o le tou ponesi e (1) tasi ona maua ai lea o le aofaigae 6.

 

Avea ANDRE WARD ma tupu o le aupaga o le Light weight

 

Na gata le faiaina o Andre Ward i le 12 o ona tausaga ao fusu faa-fusu-le polofesa, ae oo mai lava i le taimi nei e lei iloa lava e Andre Ward toe sapela se toe faiaina i le 16 tausaga.

 

O le mea foi lena na tupu i le la fusuaga ma le tama o Chad Dawson na faia i Oracle Arena i aso Toanai ua te'a atu nei, e pei a o se tagata e lau atu e sipa ia Andre Ward, fai o le pau i le taamilosaga 3 ma le taamilosaga e 5 ae faaiu i le taamilosaga e 10 taofi loa e le laufali.

 

Na ave i le falemai ia Dawson ma siaki ai pe mata ua i ai se mea o lona tino ae maise o le ulu, i le faaitete e tama fusu uma lava ua tatau ona ave i le falemai.

 

Fai mai le tala a Chad Dawson, "Ua uma mea na ou aoga ai, i le vave tele o lima a le tama o Ward, soo se mea lava e tate taumafai ai, e alu atu i lena mea a ua uma ona ona iloa lelei mai e Ward, e fai o le vave, ao o le malolosi uma ona lima."

 

Fai mai Dawson, "Oute le iloa poo le a le mea na No. 1 ai, o lou peti e tatau ona No. 1 ia Ward pe fuafua atu i ai i tagata uma lea na latou fufusu, e le'o ona tagata e aumai i tua atu o le 'top 10' ae uma lelei lava ona faafaiaina e Ward ia le 'top 10'.

 

Ina ua uma le fusuaga na tau i le tino o Dawson ia tu'i e 155 mai le 418 koneti i le 37% na matuai tele le 'ese'esega i le nao le 29 ana tui na tau i le tino Andre Ward, na pei lava e taaloalo Ward i lena po.

 

Faia LAMONT PETERSON ia LUCAS MATTHYSSE

 

Ua leva lava o fai lava tala a Lamont Peterson i la fusuaga ma le Argentina lea o Lucas Mattysse i le taimi o le la fusuaga, o le alii siamupini lea ua (33-2, 32 KO) ao o le Washington lea o Peterson ua (31-2, 16 KO) i le taimi o le fusuaga.

 

O le mea e malie ai, e tau le iloa e le Argentina lea o Lucas nanu, e tele mai a tala o Peterson ae o le la e nofonofo lelei lava le Argentina i le taimi o le la 'interview'.

 

E fai o le le lelei tele le nanu a le siamupini ae o le America lea o Peterson ua fai lava ia ia ae na o le nofonofo lava ia Lucas, fai mai Peterson, "O le po a taeao o le a vaai i ai le Argentina lea, o le po o le vaai i ai le siamupini e tusa pe le se fusuaga o se fusi, ao taeao lava e iloa ai le la 'ese'esega."

 

faaliilu Toleafoa Laneselota Auvaa