Ads by Google Ads by Google

LAUGA: 'E FAAPUPULAINA MAMALU O LE ATUA LE TAGATA ONOSA'I'

Iopu 42:1-6

Mataio:46-52

Ua atili ai le faatuatua o Iopu ma ua faapupulaina ona mata faa-le-agaga e le Atua, ma ua atili ai ona mausali lona alofa i le Atua. Tusa lava pe na faia e ia mea uma i lona mautinoaina o le faia e ia o tu ma aga faasalamo, ma aga toilalopopo i luma o le Atua na ia tago ai ma saie o ana ofu, tafi lona ulu, faapau i lalo i le ma fao i le 'ele'ele..'

O uiga uma lena e faia e le tagata Eperu i le faailoa atu le latou loto salamo moni, ua ave 'ese uma mea ua ia te ia, o le faailoga lena o lona toe foi i le 'efu'efu ma le 'ele'ele ua na'o o ia lava.

Ua na iloaina i lona loto ma lona talitonuga, ua salamo i ona i le aso na fanau mai ai i le lalolagi, lea e pei ona faamatala mai i le (mataupu 7: 16.)

E tiga ona tigaina i le olaga lenei, i le ave 'esea o mea uma lava i ona lima, i le tigaina o le lona tino ae tumau pea lona ola faatuatua i le Atua.

E pei lava o Patimaio le atalii o Timaio le tagata na ola mai lenei olaga e lei vaai lava e ona mata o le la, e usu i lana nofoaga masani e nofonofo ai ma aiisi solo ai.

E le'i iloa e Patimaio o le 'oso mai i na le faaola taga, na le'i silafia e Patimaio e ui i ina Iesu, ma ona faalogologo ai i tala a tagata o le latou nu'u, tagata na vaai tino e vavega na faia e Iesu ona tauofi lava lea e Patimaio le suafa o Iesu i lona mafaufau.

O ia o le tagata e tupuga mai i le gafa o Tavita lea na Tupu ia Isaraelu, na o le pau lena o le mea na tauofi e Patimaio, ona o lona mafai lea ona faamaloloina isi tagata na maua e isi gasegase o le tino.

Ua te'i i le faalogo atu ua alalaga le motu o tagata ua maliu mai Iesu e 'oso mai i le auala lena na maua le avanoa lelei o le tagata ua tauaso i le ologa lenei e valaau atu ai ia Iesu.

Ae sa le'i avea le tauaso o mata faa-le-tagata e fai ma mea e punitia ai lona loto ma lona finagalo atoa, i le naunau atu ia Iesu.

Ua maulalo uma leo a isi motu o tagata i le leo a Patimaio, o le tagata ua alaga atu ma le leo tele ia Iesu.

E le'i i ai lava se mea sa punitia ai le tau valaau ma lona augagi atu i lona malosi atoa, ua tuu uma i ai lona ola ma lona faatuatua i le malosi o le mea e gata mai ai lana leo tele e valaau ia Iesu, ma lona aunagi atu i le Alii Faaola.

Na faalogo uma tagata i lona alaga ma leo tele ia Iesu, le tagata tauaso e le'i vaai lava ia Iesu, ua toe alaga atu ma le faanaunautaiga i ona mata faa-le-agaga na silafia mai e Iesu, tiga le pisapisao uma o le motu a tagata ae sa mauluga lona leo i le lona fia pupula.

Ua taunuu ai le isi 'Na sau e ati afi ae lenei ua no masi.' ua fetalai atu o Iesu ia Patimaio, 'ua e ola i loa faatuatua.'

Ua faapupulaina mata faa-le-agaga a Iopu i le MAMALU o le Atua, aua fai mai le upu o le Tusi Paia 'e oti le tagata pe'a vaai i le Atua' ae o mata faa-le-agaga na vaaia ai le Mamalu o le Atua.

Ina ua matua'i faaopopoina ai e le Atua i ona manuia a Iopu ma le silasila o Patimaio i le ona mata ae mai se ai o ona mata faa-le-agaga. Amene.