O LE FETU A PETELE'EMA

O le fetu lea na faailoa mai ai le fanau mai o le Mesia (Mataia 2:1-12) e toatele ia na fai mai o le 'fetu lea na valoia mai i le (Numera 24:17 ma le Isaia 60:3.

O le mea e leaga ai, ona e faailoa i tagata e malamala lelei i uiga o fetu o i le lagi, o tagata e mai i Sasae(astrologers).

O atunuu e le talitonu i le Atua, e 'ese foi atua e talitonu i ai, a'o lenei ua faaali i ai le fetu lea ua taua o le Fetu a Petele'ema.

Le fetu lea na taitaiina mai i latou i le nuu lea na fanau ai le Mesia, ua latou talitonu i le Fetu lea na latou vaai i ai, tagai foi i le latou tala na fai ia Herota, "Po o fea o i ai le fanau mai le o le Tupu o tagata Iutaia. Aua ua matou vaaia lona fetu i sasa'e, ua matou o mai e ifo atu ia te ia."

O tagata e su'esu'e pea i fetu ma malamala i uiga o le fetu, le mafuaga lena na o mai ai i Sasa'e i Suria poo Papelonia, ma aumai mea alofa na, e ave ma le Tupu lea ua ta'u mai e le fetu.

O le Tupu o tagata Iutaia ? ao o le a le mea ua faailoa ai ini tagata Iutaia ?. poo ni nu'u e tau lata ane i talitonu i le Atua.

Le Tupu Moni lea na valoia mai i Perofeta i le Feagaiga Tuai ia Isaia.

Le tupu lena na tuu i ai e le paoa o le malo o Roma, Herota, i le malosiaga faa-Roma e pulea e Roma le lalolagi ina onapo, e pule foi Roma i le tagata e fai-ma-Tupu ia Iutaia. E ai se pule ua toe maua e tagata Iutaia, e sau uma le faatonuga i le Kaisa o Roma ma pule aoao.

A'o le Malo o le Atua, lea na amata mai na'o tagata Isaraelu mai i le Feagaiga Tuai, ua oo mai i le Feagaiga Fou, ua le o toe Isaraelu le toe Iutaia, ae faailoa mai uma i le lalolagi le Afio mai o Iesu le Mesia.

Ua tatala uma le afio mai o le Mesia i le lalolagi, e pei ona tatou silafia i le fetu lea e taua o le 'Fetu a Petele'ema' ua faalioa muamua i tagata  nu'u 'ese.

O le Mesia o le lalolagi uma, ua le toe taua o le Mesia na'o Isaraelu, ua tatala le sa'olotoga i le lalolagi poo ai se talia le afio mai o le Mesia, ua faaolataga lena mo i tatou.

I le tusi a le Mataio o lea e taua ai le 'superpower phenomenon' poo se mea foi e mafua mai i le mea e 'ese lava na i loo mea e masani ai le lalolagi.

E pule le Atua i ana mea uma na fai, i fetu o i lagi ma mea uma o i le lalolagi, e faaalia ai fo'i lona Mamalu ma lona Finagalo faa-le-Atua in a fuafuaga uma na ia faia.

O fuafuaga fai toatasi a le Atua, lea na ala ai ona ia faia mea uma i lona silafia ma lona Agaga atoa i le Faaolataga o le lalolagi. Amene.