Ads by Google Ads by Google

Vaega o aganu'u & gagana Samoa -

TUSIGA TALA ILE GAGANA SAMOA

 

Ona o le taumafaiga ina ia fa’aolaola pea le Gagana Samoa, ma ua matele le fanau, o alo o Samoa e naunau e tusitusi fa’asamoa, ua alia’i ai se tauvaga tusi tala fa’asamoa e faia i tausaga ta’itasi e le vaega o Tu ma Aganu’u a Samoa i le Kolisi Tu’ufa’atasi a Amerika Samoa i Mapusaga.

 

I tausaga ua mavae e tatala lava lenei avanoa i le na’o o fanau ua a’o’oga i le Kolisi Tu’ufa’atasi, peita’i o le tausaga nei, ua fa’asalafa ai lea tauvaga i so’o se tasi o alaala i Amerika Samoa.

 

O le tama’ita’i o Tupaisiva Tamari Cheung, se tasi o Faiaoga i lea vaega o le Kolisi, ua ia faailoa mai, “O lo ua matauina lava, o lo’o gaogao ii lava le fa’aaogaina e tatou fanau talavou o le gagana e fa’amatala ai o latou lagona e ala i tusitusiga, ma o se mea e ao ina toe fa’atumu.”

 

O i latou uma o le a filifili e fia auai i lenei tauvaga tusi tala i le gagana Samoa, e mafai ona tusi sau tala i so’o se mea lava o e fia manatu e fa’aalia. E tatau ona i le va o le 1,500 i le 2,000 upu o lenei tala ma o le fa’ailoga e tulaga muamua e $500. tulaga lua e $300. ma le tulaga tolu e $200.

 

O i latou e fia auai o le a talia tala tusia i le va o Oketopa 16, se’ia o’o ia Oketopa 30, 2019.

 

Ina ia fa’afaigofie mea uma i e tusitala ma le maua fo’i o lau tala, e ao ina emeli mai i le tuatusi: tusigatala.laugagana@gmail.com pe fa’ao’o ane i le vaega a le Samoa Studies o le ASCC.