PAGO PAGO - E fiafia lava le Matagaluega o Tupe a le malo o Amerika Samoa e faasilasila atu i le mamalu o le atunu’u ana fuafuaga mo le tufatufaina o siaki o fa’amanuiaga lona lua ma i le malo tele o Amerika ona o le fa’ama’i o le Koviti-19. 

O siaki uma e fua i luga o le lafoga sa failaina i le Ofisa o Lafoga mo le tausaga 2019, ma o le a tufafuaina e pei ona fa’atulagaina i lalo:

• Vaega muamua - Batch #1 - tufatufaina ia Fepuari 10 mo i latou sa failaina lafoga i le va o Ianuari 1, 2020 e oo atu ia Mati 3, 2020;

• Veega lua - Batch #2 - tufatufaina ia Fepuari 17 mo i latou sa failaina lafoga i le va o Mati 5, 2020 ma Iulai 1, 2020;

• Vaega tolu - Batch #3 - tufatufaina ia Fepuari 24 mo i latou sa failaina lafoga i le va o Iulai 2, 2020 ma Tesema 30, 2020;

O latou uma e i ai pusa meli i luga o a latou lafoga sa failaina mo le tausaga 2019, o le a lafoina a latou siaki i le Fale Meli, ae mo i latou e leai ni pusa meli, o le a tufatufaina a latou siaki i le Ofisa o le Disbursing  i le Maota o le Malo i Utulei. 

Fa’amolemole, o le a fa’amalosia le faia o pupuni fofoga ma tausia le va puipuia aua lava fa’aeteetega mo le fa’ama’i.

A fa’apea sa e fa’amoemoe e maua sau saiki ae e le’i maua, fa’amolemole fa’afeso’ota’i le Ofisa o Lafoga e maua ai se fesoasoani mo oe.