Ads by Google Ads by Google

To’a 65 fanau fa’au’u mai le Kolisi Tu’ufa’atasi


It’s a time to celebrate and congratulate ASCC graduates after the American Samoa Community College's 70th Commencement Ceremony on Friday, May 17, 2019. [photo: LF]

E to’a 65 le aofa’i o fanau sa fa’au’u mai i le Kolisi Tuufaatasi i le faauuga sa faia i le Multi Purpose Hall i le vaiaso na te’a nei, lea fo’i sa fa’atumulia i le to’atele o matua ma aiga na lolofi atu i le molimauina o lenei sauniga taua.

 

O le susuga le Faife’au Simon Mageo sa tula’i mo le taitaiga o le sauniga, ma sa mua’i apoapoa’i fo’i o ia i le vasega fa’aiuaso, e tusa o le latou savaliga ua aga atu nei e fai. Ua ala eseese lo latou folauga e afua i lenei aso, ma o le to’atele fo’i o le a motusia le mafutaga mafanafana ma matua, ae fa’aauau sailiga i fafo, o nisi o le a sailia galuega e amata faigaluega ai ma tausia matua ma aiga, a’o nisi o le amatalia aiga.

 

O lana tima’i, “Po’o le a lava le ala e te savalia, ma ua e sauna e fa’aauau i lau folauga, aua ne’i galo, savavali fa’atasi ma Iesu e te manuia ai. Po’o le a lava le ala, e saunia e le Atua manuia mo oe, pe afai e te  tapa ia te ia i soo se mea.”

 

Sa ia manatua fo’i le sao o le Malo mai le Taiulu i le Faigamalo se’ia o’o i ona lala uma, o i latou na fa’atuina lenei Kolisi ma le silafia lelei, e aoga mo le saillia o tomai lautele e alo ma fanau o le atunu’u, aua se lumana’i manuia. Ia lava tapuia fanau i tomai eseese e mo’omia ona faa’au’upegaina ai i latou e feagai ai ma lu’iga i le olaga i le lumana’i.

 

Na sosoo lea ma le avanoa sili mo le afioga le Sui Kovana lea sa ia tula’i ai le afioga Lemanu Peleti Sialega Mauga, ma ia fa’afetaia le galuega mae’ae’a a le Pulega o le Kolisi Tu’ufa’atasi, le mamalu o faia’oga i so’o se kosi o tau’avea, ae maise i ona itutino uma i a latou matafaioi tau’ave ina ia mautinoa o gasolo lelei fa’atautaiga o a’oa’oga i le Kolisi.

 

E le gata i lea, a’o le taumafai ia tumau le agava’a o le Kolisi e tusa o ta’iala ua mae’a fa’ataoto mai e le Komisi o Kolisi ma Iunivesite a le Malo tele, ia mautinoa e taualoa tusi pasi ua taua’aoina i so’o se setete ma teritori o Amerika, e fia fa’aauau ai a’oa’oga maualuluga a le fanau fa’au’u lea, ma isi uma e soloa’i mai.

 

“E tasi le fa’anaunauta’iga i so’o se Kolisi fa’atuina i so’o se atunu’u, ia a’oa’oina fanau o le lumana’i o le latou malo, ma ia tapena lelei i latou i aga e tatau ma le fanau ua a’oa’oina. Toe faamamafa atu, i aga e tatau ma fanau ua a’oa’oina lelei. Ia mautinoa ua lava tapena i latou mo lu’iga o le soifua lautele i le lumana’i.” O sana tautalaga lea.

 

Na ia toe fa’atepa fo’i le aofia ma ia tolaulauina mai le gasologa o Peresetene Samoa na tutula’i mai, ona ua mautu lo latou silafia ma ua fa’aauupegaina mo le faiva o le Peresetene e ta’ita’ia le tatou Kolisi Tuufaatasi ia mausali le fa’amoemoe, ua ausia le sini na fa’atuina ai.

 

O le fofoga faapitoa na tafia e le vasega fa’ai’uaso mo se latou tima’iga mulimuli tu’ua ai le Kolisi, sa tula’i ai se tasi na a’oga atu fo’i i le Kolisi, ua fa’ai’u manuia a’oa’oga, ua taulimaina fo’i fa’ailoga maualuluga Dr. ma ua avea ma Pule A’oga i le Laumua i Leone i le taimi nei. Le susuga le Pulea’oga Leo’o Dr. Patrick Danielson.

 

O sana timaiga lea mo le vasega fa’aiuaso, ona tufatufaina ai lea o latou fa’ailoga.

 

I le lisi o le au fa’au’u na maua o latou fa’ailoga Associates of Arts i le Liberal Arts e to a 20 i latou: Emma Davenport; Samu Kalolo Ioane; Mele Latu Kaufusi; Jethro F Leuma; Tamara Joanna Makailo; Monson Kapeli Mamea; Deborah S Meleisea; Heneli Tasi Nakiso-Va’apu’u; Zemirah T. Pati; Tuileisuloufiatagata Pouesi; Satauroolealofa Evelyn Pulu; Elisapeta Ma’aoleseneturi Sagote; Julia Sasa; Oneata Rosie melody Soi; Cinta Olaivavega Theresa Tua’au; Ionatana Ben Tuitasi; Jo-nica Taaitulagimaipeaosamoa Tuiteleleapaga; Keneti A. Tupua; Ioane Misitama Tuumalo Jr.; Rejoice Iliganoa Vili.

 

O i latou na maua fa’ailoga Associates of Arts w- Emphasis Elementary Education e to’a 6:

 

L.B. Iupati AhSee; Jamilla Asaeli; Leotina Linda Lafi; Celestial Sigalu Moetala; Kaleotaua Kopafamaj Pula; Vaotupu Tuitoelau Tufele.

 

Associates of Arts w- Emphasis in Human Resources e to’a 3: Talei Frances McComber; Animal M Paopao; Theodora Siaifoi Vaouli.

 

AA w- Emphasis in Pre- Law e to’a 2: Alicia pereniseolefilemu Liusamoa; Evelina Kolopa Vakatau.

 

AA w- Emphasis in Political Science toatasi: Oneata Rosie Melody Soi

 

AA w- Emphasis in Political Science e to’atasi: Sherlean Amato.

 

Associate of Science in Accounting - e to’a 7 i latou: Ripena Ioane Aitaoto; Julia Akenese Fa’aiu; Mayanne Fa’atau; Elisa Luani; Eleni Feleni Tugaga; Malae Judy Vaimoli; Rejoice Iligamoa Vili.

 

ASci in Agribusiness e to’atasi: John Ray Faleafine.

 

Associate of Science in Business Management e to’a 6 i latou: Ripena Ioane Aitaoto; Mayanne Fa’atau; Justine Tepora Gago; Jadine Alofamoni Laumoli; Cecilia Rosary Taufa’asau; Lemoe Erolaine Vaoga.

 

Associate of Science in Civil Engineering e to’atasi: Adonnis Lalovi Maulupe.

 

Associate of Science Criminal Justice - e to’a 9 i latou: Samantha Faimanifo Amosa; Makareta Vanese Agatonu; Catherine Jenny Danielson; Makeleta Nightingale He’ehau; Christine A. Johnson; Abel M. Lilomaiava; Leila Liugata; Soso’o Luavasa; Lee Jr. Vaouli.

 

ASci in General Agriculture e toatasi: Norman Lauititi Luki.

 

ASci in Health Science  e toa 5 i latou: Soonalote JT Naseri; Theresa Ping; Pearl Sitia Setu; Nora Talaluma Toalepai; Christian Maliolio Tuese.

 

ASci in Marine Science e toa 4 i latou: Senerivi Jewelyn Gago; Alphina Sifaleula Liusamoa; Darlene Felanua’i Meli; Fuamai A. Tago.

 

O le sui ua ausia togi e fa’au’u ai mo le fa’ailoga Bachelor of Education - Elementary Education e to’a 3 i latou: Eseta T. Alailesulu; Tofi M. Levi; Makatala I. Tangelo.

 

Ashford University Bachelor of Arts in Education Studies e to’atasi - Herbert Howard Falemalama, ma le to’atasi na maua le fa’ailoga Masters of Arts in Special Curriculumn & Instruction - Jaston J. Tuitele.

 

O tama’ita’i na mauaina le togisilia i le fa’ailoga AA & ASci ua tula’i mai ai le tama’ita’i o Tamara Joanna Makailo mai Fagaitua. O le tama’ita’i ua ia ausia togi maualuluga mo le kosi Bachelor of Arts o Makatala I. Tanielu lea ua la’u usia ai GPA 3.9-4.0.

 

E to’atolu i latou ua ausia togi mai le 3.75 - 3.89 mai ia lava kosi i le Kolisi: Ionatana Ben Tuitasi, Samantha Faimanifo Amosa ma Fuamai A. Tago.

 

Mai le GPA 3.5 - 3.74 ua ausia e i latou nei e to’a 14: Deborah S. Meleisea; Satauroolealofa Evelyn Pulu; Elisapeta Ma’aoleseneturi Sagote; Cinta Olaivavega Theresa Tua’au; Celestial Sigalu Moetala; Julia Akenese Fa’aiu; Mayanne Faatau; Malae Judy Vaimoli; Jadine Alofamoni Laumoli; Adonnis Lalovi Maulupe; Norman Lauititi Luki; Theresa Ping; Alphina Sifaleula Liusamoa.

 

O fa’ailoga fa’asikolasipi a le Malo ASG, sa tutula’i ai le tama’ita’i o Donna Gurr na te tolaulauina: O i latou uma o le a fa’aauau a’oa’oga mo fa’ailoga maualuluga i Iunivesite i fafo a’o so’o se setete po’o se teritori o Amerika lava.

 

Tamara Joanna Makailo e aoga lea i North Arizona University; Ionatana Tuitasi e aoga lea i Las Vegas University; Fuamai Tago e aoga lea i le UH Hilo; Theresa Ping e a’oga lea i University of Missouni; Alicia P. Liusamoa e aoga lea i le UH Hilo; Julia Akenese Fa’aiu e aoga lea Dixie State University; Male Judy Vaimoli e aoga lea i UH Manoa.