Ads by Google Ads by Google

Toa 4 tagata malaga mai Samoa

- Toe Fa'afoi leai ni pepa tui.

“E to’afa i latou na tau ulufale mai i Amerika Samoa i le aso Tofi na te’a, ae ua toe fa’afo’ia lava i Samoa, ona ua leai se fa’amaoniga ua mae’a faia ni o latou tui o le Misela na malaga mai ma i latou,” o se tala lea a le fa’atonu o le Soifua Maloloina, Motusa Tuileama Nua.

 

O i latou nei sa malaga mai i le va’alele ona taofia le tumau lea i le nofoaga ua fa’aagaaga mo e fa’atalitalia le taimi e toe taliu ai le latou va’alele e toe fo’i atu ai lava i lea lava aso.

 

O lenei fe’au ua fa’ailoa atu i le mamalu fegasoloa’i o le atunuu, ina ia usita’ia ma nofouta i nei suiga ua fa’amalosia i e malaga mai ma e fo’i e malaga atu, ia le po’ia fa’amanu o ofaga fa’apea i tatou, ona o le leai o ni fa’amaoniga umia e le tagata malaga, ua mae’a faia o latou tui puipuia o le Misela.

 

Ua fa’atulaga fo’i falema’i fa’aitumalo i Faga’alu ma Tafuna, lea fa’ato’a tapunia mai le tautua lautele i le itula e 9:00 i le afiafi, ina ia mautinoa ua tautuaina i latou e femalaga’i fa’avaomalo.

 

Ua fa’ailoa mai fo’i, ua to’atele lava i latou o e tino matutua, ua toe o uma lava e faia tui puipuia i le taimi nei, ona o nei tulafono ua fa’amalosia i le va o malo e ala i femalaga’iga.

 

“I le taimi nei ua tatou tatalia nei le to’ai taunu’u mai o vaila’au mo tagata matutua e fa’aaogaina i ai, ae ua sefe nei le vaega o vaila’au o i ai nei mo i latou uma o e ua manana’o e  malaga atu i Samoa, e ao ina faia tui puipuia nei. Peita’i o tui o le fanau iti, o lo’o lava ma totoe mo le mamalu o le fanau i le atunu’u,” o se toe fa’apupula atili mai lea a Motusa.

 

I le tulaga o le fa’aitiitia o tama’ita’i tausima’i ina ia aluga lelei le fa’aaogaina o falema’i fa’aitumalo, ua ia fa’ailoa mai, “O lo’o i ai pea le avanoa mo tama’ita’i tausima’i po’o ali’i fo’i, i le taimi lenei e tusa ma le lima tama’ita’i tausima’i e mana’omia ona fa’afaigaluega, ina ia mafai ona tatala fa’asoloatoa tatou falema’i fa’aitumalo i Amouli ma Leone. I le taimi nei o lo’o ua livi fo’i le isi to’alua o tamaita’i tausima’i, ma ua atili ai ona le lava tama’ita’i tausima’i mo le galuega o faia nei.”