Ads by Google Ads by Google

Tala I Vaifanua


[ata: foa'i]

Pago Pago, AMERIKA SAMOA - 

 

 MAE’A FA’AALU LE $14MILIONA PEPA MEA’AI A LE GITA - FA’AITIITIA NEI PENEFITI

 

I le amataga o le masina o Iulai, 2020 i le vaiaso ua te’a, na muamua lava tufatufaina mai ai pepa fa’ailo a le Matagaluega o Alagamanuia mo Tagata Lautele e fa’ailoa mai ai aso e oo atu ai I latou e fa’auia mai a matou penefiti o le Food Stamp.

 

Lona lua o le aso ua toe tolopo i ai le tufatufaga o Penefiti o le Gita, ma le tulaga ua oo i ai le atoaga o le tupe ua mae’a fa’aalu mo lea fo’i alagamanuia mo le mamalu lautele ua agava’a i ai.

 

Ona ua to’atele i latou ua agava’a i Food Stampo a le ASNAP, o lea ua fa’asolo ai mo le sefulu tolu aso, ma ua faia fo’i ina ia usita’ia le tulaga o le fa’asa o lo ua feagai pea ma le atunuu ona o le Coronavirus.

 

I le fa’asologa ua amata mai ia i latou ua amata latou fa’ai’u i mata’itusi G, H, I, J ma le K, ae fa;ai’u i le toe aso 17 Iulai ia i matou e amatalia latou fa’aiu i le mataitusi M.

 

O lona uiga, ua seki lava le fa’asologa ua le toe va’aia se so’ona tumutumu o lumafale o lea Ofisa i ta’avale ma laina u’umi e tatalia le tufa’aga ia oo mai ia te’i latou.

 

Peita’i o le toe fa’asilasilaga na fa’ailoa mai i lenei tusi na taua’aoina ma ua sainia mai le suafa o le fa’atonu sili o lea matagaluega, Muavaefa’atasi John Suisala, “O le a fa’aitiitia ai le aofai o le penefiti mai le Gita mo tagata ta’ito’atasi ua agava’a, ona ua mae’a taua’aoina nei le $14miliona o lea tinoitupe i e ua agava’a ai.”

 

I le taimi nei ua le mautu mai pe fia le aofai o le tinoitupe a le sui e maua atoa lea fa’amanuiaga. Peita’i o lea ua tuu atu i le aso 20 Iulai e fa’ato’a tufatufaina atu ai lea penefiti. 

 

E fa’asilasila atu e le Fa’atonu Sili o le Matagluega o Tautua ma Alagamanuia mo Tagata Lautele, le Tofa ia Muavaefa’atasi John E. Suisala, o le a tufatufaina pepa taumafa mo le Polokalama o le ASNAP i le Ofisa i Utulei, e amata i le Aso Lulu, Iulai 1 seia o’o i le Aso Faraile, Iulai 17, 2020. 

 

“Ona o le tuai taunuu mai o pepa e lolomi ai pepa taumafa o le polokalama o e sa afaina i le Afa o Gita, o lea e fa’asilasila atu ai ua tolopoina le tufatufaina o ia pepa taumafa i le Aso Gafua, Aso 20 o Iulai.”

 

“Talu ai ona ua toatele naua tagata o lo’o auai i le polokalama e silia ma le 17,500, ae le gata i lea, ua silia foi ma le 14 miliona tala le tupe ua uma ona tufatufaina, o lea o le a fa’aiti’iti ai pepa taumafa mo le polokalama o le ASDRFA e amata i le masina o Iulai seia o’o ina fa’amuta le polokalama ia Setema. O le a toe maua atu seisi fa’amatalaga i se taimi o i luma,” o se faaaliga lea a Muavaefa’atasi. 

 

24 TAMAITI FA’AIU’U AOGA MAUALULUGA MAUA SIKOLASIPI I LE ASCC

 

O le vaiaso ua te’a sa fa’alauiloa ai e to’a 24 fanau ua fa’au’u mai a’oga maualuluga ua mauaina sikolasipi e a’o’oga ai i le Kolisi Tuufa’atasi o Amerika Samoa ai le ASG Scholarship Board - po’o le komiti fa’afoe o Sikolasipi a le Malo. 

 

O le aofaiga o lea tinoitupe e ta’i $4,000. i le tausaga a’oga e tasi. O le vasega o matua sa auai i lenei fonotaga ma ua fa’alauiloa ai lea fo’i fa’atupega ua ofoina mo nei fanau a’oga i le potu fono a le DOE i Utulei. Sa auai le ta’ita’i fono Faiivae Alex Godinet ma le fa’atonu o A’oga a le Malo, Dr Ruth Matagi Tofiga, na la’ua fa’amanuiaina le fanau ma fa’amalo atu ia i latou ma o latou matua. 

 

O i latou ua fa’amanuaina ua aofia ai & Kosi Tausailia: Aaliyah Shalhout-Psychology; Annie Mataia-Nursing; Bernadette F. Silipa Psychology, Elora Tusiofio-Nursing; Fetoloai O.J.M. Fua-Psychology; Filogia T.J. Tufi-Nursing; Finisi Roe Environmental-Engineering; Isabella Sagote-Nursing; Iyvaronica K. Ioane-Nursing; Janzen S. Muasau-Information Technology; Jodesy S. Fuiava-English; Tagiilima Tuilemafua-Marine Science; Keila Toafa-Liberal Arts; Keith Taliau-Criminal Justice; Leleagaatutuila Vele-Liberal Arts; Lorraine Faiivae-Psychology; Lorilei Sili-Pre-Law; Natalee K. Aitaoto-Animal Science; Pita R. Vaouli-Engineering; Samuela E. Lafitaga-Law; Selena M. Sionesina-Health; Take Masina-Liberal Arts; Taimane Mauga-Psychology; Trinity Danielson-Criminology.

 

AOFIA FOMA’I IA I LATOU O LO’O TAOFIA I ATUNUU FAFO

 

E to’atolu foma’i ma le fa’atonu o Tausima’i a le Matagaluega o le Soifua Maloloina o lo ua aofia ia i latou o lo ua taofia nei le ulufale mai i le atunuu ona o le fa’asa o lo’o fa’amalosia nei i le tatou atunuu ona o le Coronavirus ma ona a’afiaga i tagatanuu o atunuu o le lalolagi atoa.

 

Fa’ailoa mai e le ali’i Faatonu o lea matagaluega, Motusa Tuileama Nua, “O le a’afia ai fo’i o galuega fa’atino a le Matagaluega, ona o lo ua le atoatoa le aotelega o foma’i e galulue mo le va’aiga o i latou o nofo va’ava’aia fa’apitoa mo le 14 aso ma fa’asolo fo’i ma talavai  masani a le mamalu lautele i falema’i fa’aleitumalo uma i le atunuu.”

 

“Ona o lea ua atoa le 115 o i latou o nofo va’ava’aia nofoaga ua fa’atulaga i le DYWA ma le Sadies by the Sea, ua fai lava si sioti tele o foma’i e tautuaina le atunuu ma faia fo’i galuega e puipuia ai le atunuu mai le a’afia i le Coronavirus.”

 

“E to’alua foma’i o lo’o taofia nei i Fiti, e to’atasi o lo’o i Amerika ma le fa’atonu o tausima’i uma a le matagaluega e to’alua ai i la’ua i Amerika,” o se se tala lea a le ali’i fa’atonu.

 

“E lua vaega ua fa’atulaga ai le auaunaga mo e o lo’o taofia i le taimi nei mo le 14 aso i nofoaga fa’apitoa e lua, ma ua fetogia’i na vaega e lua ina ia mautinoa ua fa’ataunuu suesuega uma e mana’omia ona faia i taimi fa’atulaga. Peitai ua iloga mai le tulaga vaivai o i latou ona ua le lava se malologa, aua ua uumi itula e faigaliuega ai aua e na’o le lua vaega o fetogia’i mo latou sifi.”

 

Ua fa’ailoa fo’i o le isi lea ala na talosagaina ai e le matagaluega o le soifua maloloina ina ia faia malaga nei e fa’afo’i mai ai  o tatou tagata nuu ma e nonofo mau iinei o lo’o toe fia fo’i mai i galuega ma aiga.

 

I le fonotaga lea na faia ma fa’aalia ai lea tulaga o le vasega o foma’i tiute, ae fa’ailoa atu e le Kovana, e ao ina va’ai lelei lana fa’atulagaga o foma’i ia mama ai ia i latou le galuega.

 

Ua fa’ailoa e le ali’i fa’atonu, o le vasega o foma’i tuai ua toe fa’atulaga nei i latou e tautuaina mai falema’i fa’aitumalo ina ia mautinoa o lo’o tautuaina le atunuu o gasolo atu i le falema’i mo talavai.