Ads by Google Ads by Google

Tala I Vaifanua

5,000+ AIGA MAE’A TALOSAGA FESOASOANI ASDRFA

 

Ua fa’ailoa e le Matagaluega o Alagamanuia mo Tagata Lautele (DHSS) ua silia ma le 5,000 aiga ua mae’a talosagaina le fesoasoani fa’ae’e mai ona o a’afiaga o le Afa o Gita i le 2018 lea ua maua mai ai le fa’atupega e $18 miliona mai le fetarale.

 

O le aotelega lea o aiga, ua fa’ailoa mai ai, ua maua ai le aotelega e 19,844+ tagata taito’atasi i totonu o nei aiga, ae lo’o totoe le isi 1,073 talsoaga na avea mai nofoaga e valu na fa’atulaga e feosasoani i tagata, ae le’i toe fa’afo’ia maia i nei nofoaga uma fo’i.

 

le taimi nei, e le’i mautu mai le aofai o i latou o le a maua lenei fesoasoani, ma ua fa’ailoa mai, “O le mea muamua lava o taumafai nei i ai, ia mae’a fa’atumu uma lava pepa talosaga mo aiga uma lava o gasolo mai e fa’atutumu pepa talosaga”.

 

O i latou o le a vala’auina atu e o mai i le tatou Ofisa ASNAP ina ia toe fa’amautu atili latou faamaumauga, ma vaai toto’a pe o sa’o uma latou vaega na fa’atumu, ma sainia loa latou pepa na talosaga ma sainia loa e fa’amaonia ai.

 

E ese mai lea, o le a sainia fo’i le talosaga lenei i faiga fa’aeletoronisi, e fa’aaogaina ai komipiuta i luma o le sui na fa’atumuina le talosaga, ma e tapuea fo’i ata o i latou ua talosaga ma ua talia ina ia fa’auia i ai lea alamanuia.

 

O ata nei e tapena ai latou ID e faaaogaina mo le pikia o lea fesoasoani tau pepa e talafua ai mea’ai, e pei lava o le faiga o le Food Stamp o i ai nei, ma e fa’aaogaina i faleoloa ua mae’a agava’a fo’i mo pepa mea’ai a le Food Stamp i Tutuia ma Manu’a.

 

O i latou o le a agava’a i nei penefiti ua fa’asalafa mai ona o a’afiaga i le afa o Gita ia Fepuari 2018, o le a maua latou pepa talafua ai mea’ai nei mai le masina ua agava’a ai se’ia oo ia Setema 2020.

 

O i latou fo’i o le a agava’a mai totonu o le li’o o le latou aiga, e ao ina latou lipotia mai pe afai ae tu’ua e se tasi o le latou aiga sa agava’a i nei pepa mea’ai, le atunu’u ma alu atu e nofo i fafo, pe o se tasi fo’i sa agavaa ae ua maliu. E tuuina atu le 10 aso e mafai ai ona lipotia mai e lea aiga le suiga o le faitauga o le latou aiga ua i ai, ona tatau loa lea ona taofia atoa le alamanuia mai lea aiga, pe afai ua latou le usita’ia lea vala o le alagamanuia lenei, ma e totogia uma lava le vaega o le tupe na faaaoga.

 

Ua fa’ailoa mai fo’i, o talosaga uma nei, e le mafai lava ona fa’aulu mo le iloiloga tatau e faia i ai, pe afai e le’i atoatoa uma mai pepa mana’omia mo le aiga atoa po’o sui e agava’a. O lona uiga afai e fia maua e aiga talosaga le alamanuia, e ao ina vave aumaia pepa ma fa’amaumauga mana’omia ona mautinoa lea ua fa’aulu le talosaga ina ia iloiloina ina ia agava’a.

 

“I le taimi nei, pe afai lava ae vave ona mautu mai pepa mo talosaga uma ua fa’aulu, e tauau e mafai ona maua alamanuia nei e le mamalu lautele ia Tesema i le ogatotonu o le masina. O le mea e lelei ai, e ta lava i tua le taimi e taua’aoina ai nei penefiti i le taimi na e talosaga ai. Afai la na e talosaga ia Oketopa ae o lea ua talia nei ia Novema, o Oketopa e amata ai ona agava’a lou aiga,” o se fa’amatalaga toto’a lea a le susuga Muavaefa’atasi John Suisala, fa’atonu o le DHSS.

 

TAOFIA VAILA’AU E LE’I GAOSIA MAI AMERIKA ONA ULUFALE I AMERIKA SAMOA

 

Mai le Ofisa o le Matagaluega e Puipuia o le Lotoifale o le tatou Malo (ASDHS), ua fa’ailoa fa’alauaitele mai ai, “O vaila’au uma na fa’aulufale mai e togafitia ai lafumanu ma meaola i le atunu’u, ua toe fa’afo’ia uma atu nei i le malo na fa’aulufale mai ai, ma sa la’uina ese mai le Matagaluega o Fa’ato’aga i Amerika Samoa.”

 

Mai le pepa o le fa’atauga na taua’aoina e le ASDHS ua iloga ai o le fa’atauga na oka e le susuga le Foma’i Manu, Dr Kenn Lameta, mai le Matagaluega o Fa’ato’aga a le tatou malo.

 

Ua iloa mai fo’i i lenei pepa mo fefa’ataua’iga, o vaila’au nei sa gaosia i le Poenix Pharm Distributors Ltd i Aukilani NZ.

 

“E ao lava ina faia pea le suesuega pe mata o nei vailaau ua fa’ataga mai e le USDA ina ia fa’aaogaina lea i teritori o Amerika, e ui ina e le’i uia mai i lotoifale o Amerika lona gaosiga,” o se tala lea a Samana Veavea fa’atonu o le ASDHS.

 

O le tau fo’i o lo’o tusia i lenei fa’atauga e $10,622.

 

Ua mae’a faatulaga Dr. Lameta ina ia va’aia lafu manu e pei o Lafu Pua’a iinei, ae ua fa’amatu’u ese atu le va’aiga o fagafao tau pusi maile ma isi meaola fa’asao a aiga, e va’aia e le Sosaiete a le Alofa mo Meaola.