Ads by Google Ads by Google

Fono Tele XXXIII A LE E.F.K.A.S, FAIA I LE MASINA FOU


[ata: foa'i]

 

Ua fa’ailoa i se tusitusiga mai le failautusi aoao a le Ekalesia Fa’apotopotoga Kerisiano i Amerika Samoa e fa’apea o le Fono Tele XXXIII i lenei tausaga e faia i luga o upega tafa’ilagi (Zoom).

 

I se tusi ia Me 19, 2021 mai ia Rev. Nafatali Falealii, i Nofo i Matagaluega EFKAS, Mamalu i Komiti Tumau, Mamalu i Mafutaga Lagolago Ekalesia Aoao EFKAS, ua fa’amaonia ai lea mataupu. 

 

“Ua faia lenei tusi, i le ava tele ma le fa’aaloalo e tatau ai, o le faailo lona lua mo le Fono Tele XXXIII a le EFKAS e faia i luga o le upega tafailagi (virtual) ia Iulai 11-23, 2021,” o se vaega lea o le tusi a Rev. Falealii. 

 

“O lenei faailo e fia tuuina atu ai le Kalena o le Fono Tele XXXIII – e aofia ai aso ma taimi o fonotaga a Komiti Tumau ma nisi o Mafutaga Lagolago ma sauniga faapitoa o le fonotele – ma le Faasologa o Mataupu o le Fono Tele XXXIII, mo le vaiaso lava lea e usuia ai le fonotele a le Ekalesia.”

 

O nisi o faasilasilaga mo lenei faailo, e pei ona taua i le tusi, e aofia ai le Fono a Komiti Tumau/Mafutaga Lagolago:

 

• Ua faailoa atu i le Kalena o le Fono Tele XXXIII o aso ma taimi o fonotaga a Komiti Tumau ma nisi o Mafutaga Lagolago. O isi Komiti ua faatulaga e fono i le vaiaso mulimuli o Iuni ma le amataga o Iulai, talu ai le tau faasoasoaina o avanoa i potu fono o le Ofisa Tutotonu ua faatulaga ai le zoom mo Komiti. 

 

• O faasilasilaga ma tapenaga uma a le Mafutaga Aoao a Tina mo le fonotele, e maua i luga o le itulau a le Ekalesia: https://efkasonline.org.

 

O sui uma o Komiti Tumau i Matagaluega i fafo e lei oo mai tuatusi imeli i le Ofisa Tutotonu, e manaomia ona e resitala i luga o le itulau a le Ekalesia: https://efkasonline.org, e imeli atu ai faila mo le fono a Komiti, faatasi ai ma le zoom link e ‘auai mai ai i fonotaga. 

 

O le atoaga o le tusi fa’ailo lona lua o lo’o lomia i le https://efkasonline.org.