I le lua vaiaso ua te’a sa faia ai se faatasiga a le Pago Alia Fishing Association mo le tufatufaina o fa’ailoga o le tauvaga fagotaga lea na faia i le fa’ai’uga o le masina ua te’a.

I lea fa’atasiga i le aso 13 o Tesema sa vala’aulia so’o se tautai lava e fai sona va’a alia ma e fagota ma laisene i le tatou nei malo.

Va’amua Henry Sesepasara, le peresetene o lea asosi, sa ia fa’ailoa mai, “O le ulua’i faigafaiva fa’atauva lea ua faia a le matou asosi fagota, ma ua matou fa’ata’ita’ia fo’i nei mea lelei sa masani ona faia muamua, ina ia fa’aosofia ai le fiafia o tautai o le tatou atunu’u fagota ma ia maua fo’i se taui lelei e i latou.”

Ona o lea fa’ato’a faia le ulua’i taumafaiga, e le ‘asa lava ma ni nai fa’aletonu, peita’i, o le tauvaga latou e le’i faifofie i le a’u faifaiva ma kapeteni o alia.

O le fa’asologa o fa’ailoga, sa maua fa’ailoga i aso ta’itasi o le tauvaaga, a mae’a aso ta’itasi ona toe siakia fo’i lea o nei lava i’a manumalo, ma toe faia ai isi fa’ailoga o i’a sili ona mamafa, tulaga lua ma le tolu.

E lima vaega sa fa’amasino aga’i i ai faigafaiva o tautai a’e. I’a Fai Isu [Billfish]; Yellow Fin Tuna; Masimasi, Wahoo ma le Miscellaneous [Aotelega o isi i’a uma].

I le vaega a le Billfish e le’i i ai se faifaiva na maua se i’a i le ulua’i aso, e le’i taua’aoina fo’i la se fa’ailoga o lea vaega i le ulua’i aso o faigafaiva. Yellofin i le aso muamua  sa maua le i’a mamafa e 19.2lbs e Sotoa. Wahoo e le’i se i’a lapo’a mai isi ituaiga i’a uma na maua, sa maua lea e Pati e 18.38lbs.

Aso lona lua o faigafaiva sa maua ai le Billfish lapo’a a Misa e 120lbs; yellowfin sili ona mamafa na maua fo’i e Misa e 40.64lbs, leai se tasi na maua se Masimasi, wahoo sili ona mamafa sa maua e Analosa  ma isi ituaiga i’a sili ona lapo’a sa maua lea e Howard 14.24lbs.

Toe aso o faigafaiva sa leai fo’i se billfish na maua e se tasi, Yellowfin Tuna sili ona mamafa na maua lea e Fa’atili 15.34lbs; Masimasi sili ona mamafa na mai e Eo, Wahoo na toe maua e Howard ma isi uma ituaiga o i’a na maua e Misa i lana i’a e 15.24lbs le mamafa.

O fa’ailoga i le atulua o fa’amanuiaga sa maua ai fa’ailoga o le Misc. na maua e Pati i lana skipjack e 18.38lbs. Tulaga lua ai Misa i lana Kipjack e 15.24lbs, ma le tutolu na maua e Howard i lana skipjack 14.24lbs. Yellowfin na maua e Misa le tulaga muamua 40.64lbs le mamafa, tulaga lua o Pati i lana i’a e 26.28lbs ma le tutolu na maua e Howard i lana i’a e 22.38lbs.

I le vaega o le Masimasi i le aotelega e toe manumalo ai Eo i lana i’a e 36.90lbs le mamafa, tulua ai Howard i lana i’a e 33.10lb le mamafa ma le tutolu na maua e Ma’a. I le vaega a le Wahoo na maua ai le tulaga muamua e Howard i lana i’a e 39.28 le mamafa, tulua na maua e Analosa i lana i’a e 25.00 lbs le mamafa ma tutolu sa maua e Ma i lana i’a e 22.1lbs le mamafa. I le vaega a le Billfish e to’atasi lava na maua lea fa’ailoga o le susuga Misa lea sa ia mauaina le i’a e 120lbs le mamafa,

I le aotelega o i’a uma sa maua i le faigafaiva a Tautai ta’ito’atasi i i’a na fa’apitoa i ai le tauvaga, sa maua ai le fa’ailoga muamua e Pati i le aofa’iga o ana pauna e 418.69lbs na maua. Tulua ai Hward e 250.74 pauna le mamafa o ana i’a lautogia mo le faigafaiva ma le tulaga tolu na maua e Misa e 200.54lbs le mamafa o ana i’a fa’apitoa na maua.

I le vaega o le Aotelega o le mamafa o i’a sa fa’amasinoina i le Miscellaneous, ua tulaga muamua ai Sio i le aofaiga o ana pauna ia e 1,150.63lbs sa ia fa’agotaina o i si ituaiga o i’a uma sa le fa’amasinoina ai. Tulua ai le sisiga Fa’atili i le 1.139.78, ma le tulaga tolu o Misa i le aotelega e 1,072.27lbs lona faiva atoa.

O fa’ailoga, na fa’ailoa mai, sa faia fa’ailoga tupe i lenei tausaga, fa’aopoopo i ai ma pepa e talafua ai oloa i le Tool Shop, sa latou foa’ia maua le 12 o pepa e talafua ai oloa e tasi 10.00 lona tauaofa’i.

O le Pacific Energy sa ia taua’aoina le fa’ailoga e tasi le kalone 44drum o le kesi va’a mai le latou kamupani. O le Council a le Western Pacific sa latou taua’aoina mai pepa e talafua ai kesi va’a e ta’i $50 e 10 mo le aufaifaiva manumalo.

Mai le Matagaluega o le puipuiga o le gataifale ma le Vaomatua, sa latou taua’aoina fo’i nisi o mea e aoga tele mo tautai o le vasa e ala i fagotaga. Peita’i, i se fonotaga aloa’ia a le asosi, sa latou fa’ai’ugafonoina ai, e to mai le latou $2,000 sa i le teugatupe, ma le $2,400 na maua mai va’a e 12 sa lesitala mo le tauvaga fagotaga, ona maua ai lea o le aotelega o le seleni mo fa’ailoga eseese.