Ads by Google Ads by Google

Tala i Vaifanua

TAPUNIA TAUOFOGA OLOA MAI FAFO - SLP

 

Ua fa’ailoa mai e se sui o le Ofisa o Oloa a le Malo, Procurement, o lo’o gafa ma le pasia po’o le filifilia kamupani latou te sapalaia oloa mo le Polokalama o Mea’ai a le fanau a’oga (SLP), ua tapunia aloaia nei le tauofoga mo oloa mai fafo i le aso.

 

Pe afai o le a fia auai se tasi e fia fa’afofoga ma salifia foi Kamupani au tauofo e faatautaia i le itula e 2:00 i le aoauli i latou nei i le poto fono o le Matagaluega lea i le aoauli.

 

“O le tulaga o oloa e fa’atau mai fafo mo le SLP, o lea ua fa’atulaga e tapunia aloaia tauofoga i le itula e 2:00 i le aoauli, ma o le a tatalaina mo le lautele e fia molimauina,” o se fa’amatalaga lea a le tama’ita’i o Nelda Emory o le Procurement.

 

Peita’i, ina ua fesiligia mo oloa o le Polokalama o Mea’ai a le fanau a’oga e fa’atauina i o tatou laufanua nei, e le’i fa’alauiloaina maia se aso e amatalia ai tauofoga.

 

Ona o lea ua amatalia a’oga a le fanau, na fa’aoo ai fo’i se vala’au i le Matagaluega o A’oga i le vaega o le SLP i Tafuna mo se fa’apupulaga i le vaega o lenei sapalai ua fa’aaogaina.

 

“O lo’o fa’atautaia pea lava mea taumafa mo le fanau a’oga i le tatou malo. Ua le motusia lea tulaga, o lo’o lava le sapalai o i ai mo le vaega lenei o le tausaga aua le fofoga taumafa o fanau a le atunu’u,” o se tali lea na fa’ailoa mai e se tasi o sui o le Ofisa o le SLP.

 

MANUMALO DESTANEE AIAVA I LE TENISI-AUSETALIA

 

O taumafaiga a le tama’ita’i o Destanee Cabrielle Aiava, o se alo talavou e tupuga mai matua Samoa ae na soifua a’e i Australia, ua ‘iu ai ina manumalo i le Australia Open i le amataga o lenei tausaga.

 

O ia o se tasi e fa’aeaina le igoa o Samoa i lona tupu’aga o ona matua i le Tenisi Fa’avaomalo.

 

Ua patipatia foi ona faiva ma au nofo tapuaia e le to’atele o aiga i Samoa, Niu Sila ma Australia le fa’amoemoe ua a’e faiva ai lenei alo talavou i le masina fou i le Australia Open lea e tauva uma ai le to’atele o tama ma teine ta’a’alo tenisi mai atunu’u uma o le lalolagi.

 

I faasalalauga i le inteneti o lo’o ia taua ai, “Pe afai e manuia le fa’ai’uga o taumafaiga i le 2017, ou te fia ausia lo’u auai i le 100 pitoaluga o sui ta’a’alo tenisi i le lalolagi. O lo’u tina o Rose Aiava, ma e tutusa lelei lo ma’ua naunau i lenei fa’agatama.”