Ads by Google Ads by Google

Solofua moliaga fa’asaga komesina leoleo o Samoa

APIA, Samoa - Ua solofua e le fa’amasinoga i Apia moliaga uma fa’asaga i le Komesina o Leoleo, Fuiavailili Egon Keil ona e le o lava fa’amaumauga e sapaia ai.

 

O nei moliga e silia ma le 200 na fa’atutu aga’i i le alii Komesina, sa fa’amauina uma e le matagaluega o Leoleo moliga nei tau le umia o la’au malosi ma isi tuuaiga.

 

O le tamaitai Fa’amasino o Mata Tuatagaloa sa avea ma fa’amasino i lea matagupu.

 

Ta’ua e ali’i loia o Kenneth Nigel mai Niu Sila, lea sa avea ma loia a le malo i luma o le fa’amasinoga, “E tusa o nei molliga, e i ai mea sa tatau ona fa’amaumau auilili e patino i le su’esu’ega o lenei mataupu, e le’i fa’atinoina, a’o le’i mua’i molia fo’i le Komesina i nei moliga i le fa’amasinoga.”

 

“Sa tatau ona aofia i nei fa’amaumauga nisi o ta’utinoga patino mai e na va’ai ma auai i le taimi tonu na tupu ai lenei mea, ua molia ai le Komesina. E leai ni tautinoga nei ua i ai, ae taua tele lea vaega.”

 

“Lona lua, e le’i mua’i sailia se fesoasoani a se faufautua faaletulafono e tusa o nei moliaga.”

 

Ina ua fa’ailoa atu nei vaivaiga i le fa’amasinoga e fa’asaga i le Komesina o Leoleo, sa fautuaina loa e le tama’ita’i fa’amasino nei moliga uma ina ia toe soloia i le vaiaso ua te’a.

 

ELE OPELOGE

 

O se tasi o tala i Samoa, i lenei vaitau, o nisi o le atunu’u ua fa’aalia o latou taofi fa’alaua’itele ina ia maua se vaega tupe mo le tama’itai Si’isi’i Uamea Mamafa, Ele Opeloge, lea ua fa’ailoa mai, ua aloa’ia nei le momoli fa’apitoa mai o lana Pine Auro mo lea faagatama e le Komiti o le Olimipeka.

 

Ua mae’a suesuega auiliili a le Komiti Fa’afoe o le Olimipeka i le tauvaga na tauva ai Opeloge ma na maua ai lana pine apamemea. Peita’i, ua lafotuina le to’alua sa maua le siliva ma le pine Auro, ae tatau loa la ona maua le vaega tupe lea sa folafola mo so’o se tasi lava e taulimaina se auro mo ta’aloga sa tauva ai, aua o lea ua molita’i mai le Auro i Samoa.

 

Ua le fa’atutu nei la le fa’afesili i le Palemia, ina ne’i vave tali mai se leai, ae ua fa’afesiligia se tali mai le mamalu lautele pe a mai lea tulaga. Ua iloga mai i tagata na fa’afesiligia, e tatau lava ona ave se fa’ailoga tupe mo Opeloge aua na fa’apea e fa’aaoga e le vaega lea fualaau fa’asaina e faaoso latou malosi ma nonofo i latou aiga, semanu lava e maua lava e Opeloge lana pine Auro i le taimi na tauva ai, ma sisi ai loa ma le fu’a a Samoa.

 

Ua iloga mai, e mafuli manatu fa’aalia ia taua’ao le fa’ailoga tupe mo Opeloge, ma o lo’o mitamita le atunu’u i le taumafaiga a lenei alo tama’ita’i, ma ua fa’apea fo’i ona avatu o ia i Niu Sila e koleni fa’apitoa ai ia toe taumafai i le isi Olimipeka o soso’o mai.

 

Ua fa’afetaia e tagata Samoa lea fa’aeaga ua maua mai ona o le taumafaiga a Opeloge, pe ana fa’apea la e oso lava le mea i le taimi na mae’a ai le tauvaga.