O AI EA LEA TAGATA E SUAFA IA ANETERE'A

O ia o se tasi o soo a Iesu mai le toasefulu lua na filifilia e Iesu, o lona tama Ioane lea na faaigoaina o Iona la e totonu o le (Mataio 16:17), o lona uso e igoa o Peteru o lea na fai le la pisinisi o le faifaiva i Kapanaomi lea na fai faatasi ma le 'au uso Iakopo ma Ioane lea foi na filifilia e Iesu e fai foi ma on a soo.

O le tagata e igoa ia Eusebius lea na fai mai o Anetere'a lea na alu faatu le lotu i Scythia i Russia i luga atu o le Sami Uliuli.

I le taimi ao faalogo Anetere'a o i ai le tagata o loo ta'uta'uina le suafa o le Alii, ona fia mulimuli lea i ai ia Ioane le Papatiso.

O le taeao sa latou vaaia e Ioane ma nisi soo se toalua Iesu o savali ane, ona faapea atu lea o ia, "Faauta i e Tamai mamoe a le Atua".

Ona taumulimuli atu lea o i laua ia Iesu, ua oo i le isi mea na faliu mai lea o Iesu ma fetalai atu ia te ia laua. "Se a ea la oulou feau."  ona la tali atu lea ia o i laua, "Rapi e, o fea e te mau ai ?."

Ona fetalai atu lea o ia ia te i laua, "O mai ia, ina matamata." ona laua iloa lea o le mea e mau o ia, ma latou mau ma nonofo faatasi ma Iesu i le ia po.

O Anetere'a le uso o Simona Peteru o le tasi lea o i laua faalogologo ia Ioane ma mulimuli atu ia Iesu, ua fai atu i lona uso o Simona, "Ua ma maua le Mesia."

Ona fetalia atu lea o Iesu, "O Simone oe, o le atalii o Iona, o le a igoa oe ia Kefa. (o lona uiga o Peteru.)".

Na toe o i le la pisinisi o le fai faiva i nai masina ina toe valaulia atu laua ma lona uso o Peteru ma isi so'o a Iesu o le a fai i latou ma so'o faamaoni a Iesu (Mareko 1:16-18, Mataio 4:18-22).

O le 'au fai faiva i 'ia ae ua alu le po atoa e le maua se 'ia, o Simona ma Anetere'a o tagata atamamai i le laua faiva. O i laua lava ia na muamua valaau i ai Iesu.

O ia lea na fai ma soo a Iesu i tausaga e tolu na latou feoa'i ai ma Iesu i le lalolagi, o ia ua tusia e lona 4 i le faasologa o on a soo (Mareko 3:13-19).

O ia foi lea na mauaina le tamaitiiti e i ai ana areto karite ma tama'i ia e lua (Ioane 6:8-9), lea na fai ai le vavega e Iesu i le mauga, ua fiu e 'aai e le uma ona 'ai ina.

O Anetere'a foi lea na ta'u i ai e Filipo le Petesaita i Kalilaia ia, o tagata Eleni ia na o ae e fia feiloa'i ia Iesu, ua latou ole atu ia te ia, "Le alii e, matou te fia feiloai ma Iesu." (Ioane 12:20-22).

Ua oo i le mauga o Olive o le toafa lea na talanoa ma Iesu i ai Anetere'a, Iakopo, Ioane ma Peteru ua latou faasagasaga i le Malumalu (Mareko 13:3-4).

O mea e tatau ona tatou silafia ia Anetere'a, o ia le tagata muamua lea na tali atu ina ua ia faalogo ua fai atu Ioane le Papatiso ia Isaraelu, 'Ua lata mai le malo a le Mesia.'.

O ia le malosi tele o lona faatuatua na alai ona muamua ma lona talitonu i le tagata o Iesu o ia o le Mesia, ina ua faalogo ua fetalai i ai Ioane le Papatiso.

O ia o se soo tausaafia a Iesu, o ia o se soo e fiafia e soo se tagata e sauniuni lava i taimi uma i mea e manana'o ai isi tagata ua fia faaolaina ona suafa o le Mesia. Amene.