Ads by Google Ads by Google

Tala I Vaifanua

TATALA LE FA’ASA MO “INCREMENTS” TAGATA FAIGALUEGA A LE MALO

 

I se tusitusiga a Kovana Lolo Matalasi Moliga i le aso Lua o le vaiaso lenei  ua ia toe fa’atagaina ai ona amata totogi “increments” mo tagata faigaluega a le Vaega Fa’amalosi Tulafono (Executive Branch) a le malo. O i latou nei o lo’o faigaluega i tofiga o lo’o totogi i tupe lotoifale.

 

O lea fa’aiuga a le kovana ona o le fautuaga mai le komisi o lo’o ta’ita’i ai Lutena Kovana, Lemanu Peleti Mauga. O nisi totino o le komiti e aofia ai Fa’atonu o le Pulega o Tagata Faigaluega a le Malo, Eseneiaso Liu, Teutupe a le Malo Ueligitone Tonumaipea, Sui Teutupe a le Malo Tina Va’a, Fa’atonu o le Tupe Fa’asoa a le Malo Catherine Saelua ma le Pule o le Aufaigaluega a le Kovana Fiu Saelua ma le Fesoasoani Sili a le Kovana Iulogologo Joseph Pereira.

 

Ua fa’ailoa e le afioga le Kovana, “E tusa ai ma le fa’ai’uga ua taua’aoina mai e le komiti”  le tatau lea ona toe fa’aauau le totogina o “increments” - inikalameni.

 

Talu mai le taofia o le totogiina o increments mo i latou e fa’atupeina e tupe lotoifale, e le o afaina ai i latou o lo’o fa’atupe o latou totogi e le fetarale.

 

Fa’afetaia e le kovana le onosa’i o tagata faigaluega a le Malo talu mai le 2013.

 

O le fa’atulagaga ua fa’atino ai lea si’itaga ua fa’ailoa mai, e tasi lava le taimi e si’itia ai le totogi o tagata faigaluega, afai o oe na amata faigaluega ia Oketopa 1, o le a maua lau si’itaga ia Oketopa 1. Afai fo’i o oe e le’i taualoa sau si’itaga mai lou pule i le falefaigaluega, e leai sau si’itaga e maua.

 

Afai fo’i o oe lea ua si’itia lou totogi i le tausaga fa’aletupe lenei, ua le maua fo’i sau si’itaga aua o lea ua mae’a si’itia lou totogi i lenei lava tausaga. I le vaitau foi lenei i le tausaga ua tuana’i, na tatala ai fo’i e le afioga le Kovana sili lana taofiga mo i latou uma e totogi tamau fa’aletausaga po’o le vaega o tagata faigaluega e le agava’a i ni totogi si’i fa’aletausaga.