Ads by Google Ads by Google

Matati’a Ausia - fa’ailoga & sikolasipi - fanau fa’auu mai Leone High 2021


O le va’aiga i le vasega fa’aiuaso Leone ma ua sauni latou te to’ese le lipine o latou pulou fa’au’u e iloa ai ua mae’a latou aoaoga maualuluga. [ata: Leua Aiono Frost]

Pago Pago, AMERIKA SAMOA

 

Mai le to’a 147 o i latou na fa’au’u mai le Aoga Maualuga a Leone, o le to’atele lava o i latou na auai o sui o le National Honor Society e to’a 20 o tamaitai. Lotonuu Gago, Magdalene Iosefo, Sifua Lang, Luisa Leva’a, Angellyndrite Maiava, Rudolph Meleah, Malama Oeti, Deliah Paopao,Gabrielle Paopao, Martin Peresetene, Theresa Pese, Su’e Poloai, Eric Pulu, Chelsea Save, Helen Schroeder, Apollonia Sevaaetasi, Thessalonia Sunia, Tamara Tafiti, Alafou Tanielu ma Salinalita Tuia. 

 

O le to’a 10 e maualuluga togi o le vasega fa’auu e to’atasi lava le atalii sa ausia, ae o le to’aiva o tamaitai. O i latou nei: Apollonia Seva’aetasi, Helen Schroeder, Arasi Fa’amausili, Themis Palemene, Deliah Paopao, Martin Peresetene, Theresa Pese, Katalina I’u, Magdalene Iosefo, Luisa Leva’a, Alafou Tanielu, Malama Oeti, Su’e Poloai ma Chelsea Save.

 

O le sui ua avea le togisilia e to’alua i la’ua ua tutusa lelei: Ms Apollonia Sevaaetasi ma Helen Schroeder.

 

O le tamaitai ua avea le tulaga lua o le vasega fa’aiuaso ua mauaina lea e Arasi Perjokisa Fa’amausili. O le sui ua togi silia i le ACT ua mauaina lea e Helen Schroeder a’o i latou ua silia ma le 1,000 le SAT o Apollonia Seva’aetasi, Helen Schroeder ma Themis Palemene. Togisilia o le SAT na maua lea e tama’ita’i o Apollonia ma Helen.

 

O le sui na togisilia ile ASVAB o Apollonia Seva’aetasi. O le sui o le vasega ua mauaina le fa’ailoga a le Rotary o Alafou Tanielu, ae o le fa’ailoga mo le Amio Lelei ua maua lea e Chelsea Save.

 

O le sui ua mauaina le fa’ailoga mo le ta’ita’i lelei o le tausaga ma le mata’alia, ua taua’aoina lea ia Alafou Tanielu. O le Sui ua mata’ina lana ta’alo i ta’aloga eseese na tauva ai i Leone High i le itupa o Alii ua maua lea e Eric Pulu ma le tamaitai ta’alo lelei ma le tausa’afia ua maua lea e Moeonoono Lopa.

 

O sui ua maua mai a latou avanoa e ulufale ai i le Militeri i vaega au eseese ua lisia mai ai i latou nei: Luisa Leva’a, Petronilla Pauli, Thessalonia Sunia, Martin Peresetene, Afioga Elisara, Suesue Samuelu, Atorina Tasi, Tua Aetui ma Asuga’ava Fuimaono.

 

O le tamaitai ua avea nei le tulaga lua i le vasega fa’aiuaso o le tamaitai lea o na ulufale mai i le Laumua o le Liona mai Alataua 11 mai Nua ma Seetaga, o lo’o tautua i le Ekalesia EFKAS i Nua ma Seetaga. O lana taumafaiga ua fa’afiafiaina ai o ia e ofoina atu lea mo lona aiga atoa i Malie, Lepa ma Safotu i Savaii. 

 

O tamaitai ua ausia le togisilia o lenei tausaga i Leone ua tulaga tutusa ai Apollonia Seva’atasi o se alo e fa’asino ia Michael ma Tovaega Seva’aetasi o Pago Pago, ae o ia o le totino o le EFKAS i Siona Leone. Na amata mai ana aoaoga i vasega amata i Kanana Fou ma fa’asolo ane ai i Elementary i Manumalo Baptist  Academy. Ua manatu o ia e fa’aauau ana a’oa’oga ina ia ausia fa’ailoga maualuluga i le Suetusi ma le Tausitusi.

 

O le tamaitai o Helen Schroeder o se alo e fa’asino ia Heine Schroeder[ua maliu] ma Helen Solomona & Scott Ala o Leone  ma Afao. E to’aono ona uso ma o se fiafiaga lea ia te ia o le latou mafutaga. O lo’o auai o ia i le LDS  i Mesepa.Na amata mai ana aoaoga i Moanalua Elementary ma Kanana Fou Elementary. O lona aoaoina ai i Leone Highe tele mataupu sa tumatie ai lana taumafaiga ma ua agava’a ai e ulufale i le National Honor Society. Tele tauvaga o le Numera sa auai ai ma ua avatu fo’i lona iloga i le sui faipule ile Konekeresi e fia ulufale i le Air Force Academy. Ua fa’afetaia e ia i latou uma sa tofu sao i le fesoasoani ia te ia i lana taumafaiga e oo mai i le aso ua fa’au’u ai.

 

O sikolasipi a le Malo ua taua’aoina lea i sui e to’atolu: O ia sikolasipi e aooga ai le fanau e to’atolu i le ASCC: Apollonia Seva’aetasi, Helen Schroeder ma Themis Palemene.