- FESO’OTAIGA & FA’ATAUGA A PISINISI INITENETI

Ua fa’atautaia e le Taupou Manaia Dance Academy se faiga fou e tu’ufa’atasia ai se tatou meaalofa e fa’ao’o mo Samoa i le afaina o i ai nei ona o le pepesi a le Misela. O lea faiga ua tu’ufa’atasia ai e i latou se Faleoloa Fefa’ataua’i e fa’aaoga i ai feso’ota’iga tau initeneti, ma o oloa o lea ituaiga fefa’ataua’iga, ua ofoina mai lea e pisinisi o lo’o latou fa’apa’aga ona o latou alo sa a’oa’oina e le Taupou Manaia ia silafia ona sausaunoa fa’atausala ma Manaia Samoa.

Ua foa’i ma le fiafia le to’atele o pisinisi ma ua latou toe fa’afetaia fo’i le mamalu o i latou ua foa’i ina ia faia ai fefaataua’iga. Ua foa’i tupe mai nisi, ae ua talia lava so’o se ituaiga oloa, ina ia maua ai se fa’aputuga oloa eseese aua le tauofoga lea e amata i le aso, Tesema 13, 2019. O lo ua fa’aigoaina lea fefa’ataua’iga “Toys & Joy Drive mo Samoa.”

O oloa uma na foa’i atu mo i latou e fa’amautu mo lea fefa’ataua’iga, o le a fa’atau tu’ia lea i luga o feso’ota’iga fa’ainiteneti.

E tatala nei fefa’ataua’iga i le Aso Faraile Tesema 13, 2019 ma fa’asolo atu ai lava seia mae’a oloa o le a maimoaina. Ua fa’asalalau fa’alaua’itele foliga o nei oloa, ina ia mafai ona maimoaina, ma tauofo i ai nisi e fia fa’atauina.E ese mai lea e i ai latou se’i fa’apitoa e faia, ma o le a tapena lava fo’i e i latou ala o feso’ota’iga e mafai ai ona e maimoaina oloa ma ofo atu lau tau e te gafatia ona ne fa’atauina ai oloa eseese ua maimoaina ai.

“Ona o lo ua le toe fa’atagaina le mamalu lautele mai le femalaga’i ma fa’atasitasi fo’i i ni fa’atasiga fa’apenei i lenei vaitau fiafia o le tausaga ona o le misela, o lea ua taumafai ai lenei faiga ia maua se sao o le Taupou Manaia Dance Group ma ana Sui o Tama ma Teine Tuai, fa’apea ma latou pa’aga ua ofo mai a latou foa’i, e tu’ufa’atasia ai le latou sao e faimeaalofa ai mo Samoa ona o le pagatia i le Misela o pipisi nei,” o se tala lea a lea fa’alapotopotoga.

O le Taupou Manaia mai Niu Sila, Amerika Samoa ma le Iunaite Setete i Kalefonia, lea fo’i ua auai uma mai e tu’ufa’atasia le mea meaalofa taua, aua o lo’o i ai o latou uso ma tuagane i Samoa i le latou Taupou Manaia lea ua mae’a fa’atuina ai.

O Pisinisi fa’apa’aga uma ua aofia i lenei sailiga a le Tapou Manaia Dance Academy fa’atasi ai ma ana Tama ma Teine Tuai, ua aofia ai: MENA, TAV mai Cook Islands, LeLalelei, Eveni Pacific, Cecilia’s Fashion House, Sadies by the Sea, Manu’a Store, Tutuila Store, Island Image Creations, Le Papaya, Tropik Traders, Cost U Less, Le Fofo Spa,  Sauia Bodybuilding, Turtle & Sharks, Measina Samoa Creations JLenTs, Gebauer House, Salon Sophia & Royal Trucking. O i latou uma na o lo’o ua i ai fo’i le agaga e foa’i i le fa’aputuga oloa ina ia tauofo i ai nisi e faatau ona maua ai lea o le sao mo le meaalofa i uso i Samoa ona o le pagatia o lo ua i ai nei.

O nisi o lo’o galulue punoua’i i lenei fa’amoemoe e aofia ai le tama’ita’i o lo’o fa’afoea lea fo’i A’oga Siva Samoa moni, Tuifa’asisina Korina Seiuli, Tiara Drabble, Manu’a ma Julie.