Ads by Google Ads by Google

CDC - Nofo sauni i le pepesi malosi o le Coronavirus

Ua fa’ailoa mai e le Centers for Disease Control & Prevention (CDC) a le fetarale, “Tatou nofo sauni i le pesia mai le Coronavirus.”

 

O lea fa’amoemoe ua mae’a fo’i ona talosagaina e le Fale Pa’epa’e o le Malo tele se alagatupe e fa’aagaaga e fesoasoani i setete ma teritori e taumafai ai ona malupuipuia mai le Coronavirus

 

Fa’ailoa e le faipule o Amerika Samoa i le Konekeresi, “Ua amata fa’ailoa patino mai e le CDC e le faigofie ona puipuia mai so’o se malo mai lenei fa’ama’i pipisi, ma ua lepetia foi le puipuigamalu sa taumafai i ai Italia, Korea i Saute ma Iran i le taimi nei, ma ua le faigofie ona taofiofi mai le pipisi tele ua i ai o lea fa’ama’i nei malo i le taimi nei.”

 

“I le taimi nei ua fa’alauiloa lenei fa’ama’i o se fa’amai sili ona pipisi ua a’afia ai le kelope atoa, ma i lona malosi o i ai, e o’o ina aotelega uma malo o le lalolagi i lona pipisi tele, ae ua leai se vaifofo ua maua e togafitia ai pe puipuia ai nisi mai le maua ai.”

 

E ui ina o lo’o tula’i maoa’e lava le to’atele o i latou ua pesia ma i latou fo’i ua maliliu ona ua a’afia i le coronavirus i Saina, ae ua matauina le oso o le pepesi i Korea i Saute, Italia ma Iran o se a’afiaga ua saoasaoa tele pe a fa’atusalia i le a’afiaga sa oo i Saina. Ua tele ai fo’i ma afaina tau le tamaoaiga ma fefa’ataua’iga i le va o atunuu eseese o le lalolagi.

 

O le talosaga a le Fale Pa’epa’e e $1.8 piliona mo le coronavirus.

 

“O le tatou sootaga ma Saina e vavalalata tele, ona o lo’o i ai le laina o femalaga’iga lea e tu’usa’o mai Saina i Samoa, le isi lava o tatou usoga, e le faigofie ai ona tatou malutia mai le vave a’afia i le Coronavirus,” o se tala lea a Aumua.  “Pe afai o le a pasia le vaega tupe lea ua talosagaina e le fale Pa’epa’e e le Konekeresi, e mautinoa ona maua le $2.5miliona mo le tatou teritori nei, e tapena ai le tatou Malo i ala e taumafai e fa’atumau ai lea lo tatou saogalemu, ae a leai fo’i, ua i ai le fuafuaga e tua i ai pe a oo ina lutia i tatou e le coronavirus.”