Ads by Google Ads by Google

17 tauaao tusi pasi - latou te lipotia maia tagata ua sauaina

O le aoaoga fa’apitoa sa fa’atautaia e le EPIC ina ia saunia ai nisi e mafai ona mata’i ma va’ai nisi o lo’o a’afia i sauaga ma latou amata fesoasoani i ai, ma faufautua i ni mea e amata ona latou faia ia saoaglemu ai i latou, a’o feso’ota’i ma fesaosoani taua e aoga mo le toe fa’afoia o lagona fiafia ma le saogalemu i nisi ua sauaina fa’aleituaiga, pe sauaina fo’i i totonu o le li’o o lona aiga ma nisi lava fa’apotopotoga o lo’o auai i ai i latou.

 

E to’a 17 i latou ua ma’ea taua’aoina tusi pasi ma nisi o auupega e mafai ona amatalia ai o latou faiva tima’i mo e ua sauaina fa’aleituaiga, na patipatia lea fa’atasiga na faia e i latou ma le EPIC i le Halecks Building i Ottoville.

 

I le taimi na taua’aoina ai latou tusi pasi ua fa’atasia atu ai ma le tele o posters, flash cards e fa’amanatu ai ia i latou, auupega nei e faaaogaina e tufatufa atu i nisi ua e matauina o lo’o atagia mai o loo sauaina, ae ua le mafai ona fa’asoa mai o latou lagona e fa’amautu atili ai o lo’o a’afia i latou na fa’aletonu.

 

Ua mana’omia ona matua fa’asalalau a’ia’i nei posters ina ia va’aia e so’o se tasi ma latou iloa pe fa’amanatu atu ai ia i latou, “o lo’o i ai le fesoasoani e mafai ona maua mo ia, ina ia taofia ai le sauaga o a’afia ai.”

 

O se isi mea lelei, ona ua mae’a tusia i le gagana peretania, ma ua fa’aliliu i le gagana Samoa nei fa’asalalauga i le fe’au, “Matua’i Soloia ma Tete’e i Sauaga Fa’aleituaiga ma Sauaga i totonu o Mafutaga a Aiga.”

 

I le fa’atasiga a le EPIC sa fa’ailoa e Tasi Tuiteleleapaga, “Ua i o outou lima le fa’amau fa’ailoga o lo outou agava’a mo outou faiva. Ia outou o ma fai le galuega, ia outou vala’au mai, ina ia mafai ona matou fesoasoani atu ia te outou. O le galugea e ao ina faia, ia o’o le fesaosoani ia i latou o lo’o sauaina.”

 

I le amataga o le vasega e to’a 43 i latou na lesitala ai, peita’i, ua le gafatia e nisi ona fa’aavanoa taimi e mana’omia mo le fa’amae’aina o le kosi lea.

 

Ua fa’atulaga le isi vasega e tutusa lelei ma lea kosi ua mae’a nei e amatalia e faia ia Aperila 2020.

 

O i latou ua maua tusi tasi: Tagaloa; Dereck Helsham; Elisapeta Sunia; Fa’aiu Makerita Lelevaga; Faith Vaifanua; Faleono Analosa Feulufa’i; Farrah Sefo; Kristine Soule; Lavi Liua; Lealava’a Loia Tuaimafua; Lori Moana; Luaao Solofa Leasiolagi; Moira Maiava; Nancy Tagaloa; Salaevalu Loia; Sigalu Sitagata Tinitali; Vaela’a Tuilefano.