Ads by Google Ads by Google

FAATAU LE TUSI ‘SAMOA’ I LE ATUNUU

Ua tatalaina nei le faatauina atu o le tusi ua faaigoaina o SAMOA i faletusi i le atunuu, lea na tusia e le alii tusitala o Robert Shaffer.

O le tusi “SAMOA” ua mae’a nei, o se tusi o se tala fa’afagogo, ae peita’i, ua matua sailiili e le tusitala nafa, mea na tutupu, ma le tala’aga o Samoa i le vaitau ua tusia aga’i i ai lana tala. O igoa o tagata ua tusia i le tusi lenei, e le o ni igoa moni ia, ae o fa’agasologa o le tala, o le mea moni lea e tusa ai o le olaga o tagata o Samoa i na vaitau.

Ua fa’aalia e Shaffer ia i latou na auai i lana fa’alauiloaga o lana tusi, “Ua ala ona tusia fa’apea le tusi, ina ia fa’aosofia le agaga fiafia o tupulaga Samoa, ua tau lusi atu lo latou naunau i Samoa, i lona matagofie ae maise o ana tu ma agaifanua! Ua ou maua ni fe’au fa’afiafia loto talu ona mae’a fa’ataua le tusi i Samoa ma Amerika. Ua fai mai nisi, “Fa’afetai, ua sili ona ou fiafia o a’u o se Samoa ina ua mae’a ona ou faitau i lenei tusi!”

“O le isi itu ua le tusia ai e ia lenei tusi, ia fa’aaogaina i a’oa’oga e saili i ai fa’amaumauga autu o le tala’aga o Samoa, ona e i ai pea popolega, ia le tonu se mea, aua o lo’o soifua pea nisi e agatonu ma atoatoa ai ni saili’iliga i lea itu tau le atunu’u atoa o Samoa.”

A’o le’i fa’aauau se fa’amatalaga e tusa o le Tusi Samoa, ua fa’ailoa mai fo’i e le tusitala, ua mae’a fa’ailoa mai le naunauta’i o le HBO Series ina ia avea lenei tusi, o se tusi autu e fa’atautaia aga’i i ai se ata tifaga fa’asolo mo le maimoaga a le lalolagi!

O se mea matagofie lea pe afai ae to’ai taunu’u lea fa’amoemoe, peita’i, e le’i faia lenei tusi ma se fa’anaunauta’iga o le tusitala ia tala i na tafa le galuega, peita’i, o le naunau lava, ia fa’amau ma fa’agae’etia loto o fanau talavou ua i ai nafa tau Samoa, e fiafia i lona lea itu polenisia, “O ia o se alo o Samoa le atunu’u matagofie, o le fatu o le Polenisia.”

E tusa ai le tusiga o le tusi, na fa’ailoa e Shaffer, “E ono aso o le vaiaso ou te nofo ai e ta le tusi lenei, ae lima tausaga atoatoa ma nai masina sa tusia ai. E le’i faigofie lea tulaga, ona o le tele o su’esu’ega ma fa’amaumauga moni lava o lo’o tusia aga’i i ai le tusi lenei, aua o le vaitau e le’i soifua mai le Mesia o tapua’i i ai le atunu’u, ae ua nofoia atumotu sili ona mautu i le vasa pasefika e tagata Samoa.”

Ua ia fa’ailoa fo’i, o le luaovaetolu o le tusi lenei ua fa’aautu lea i Upolu ma Savaii, ae o le isi tasi o vaetolu, o lo’o ua tusia lea i Amerika Samoa. “O la’u su’esu’ega atoa mo le tusi muamua o le 100 tausaga, ua aoga tele fo’i i lea vaega o le tusi, ua fa’aautu mai i le Olaga i Amerika Samoa.”

O le ulua’i mataupu o le tusi lenei, ua fa’aigoaina o TULI! Le manu lea e afua mai lona olaga i Aukilani i Niu Sila, lele mai ai mo le atu Samoa, ma toe aga’i atu i Alaska, e le malolo. Ua fa’atusaina le malosi o le tuli e ola femalaga’i mamao e pei o le tomai e folau o lo’o ua ofaga i tagata Samoa ma le atu polenisia.

Ua aofia i lana tusi Tama Aiga o Samoa, fa’apea ai ma le olaga o se taule’ale’a Samoa o Moana, e nofo i Savaii ae si’itaua lava i lona uso i Upolu, peita’i, na ia manatu e tu’uva’a ese, ua le toe fia tau, ae ua manatu e saili se mea lelei e fa’amautu ai ona tagata ma lona aiga.