Ads by Google Ads by Google

E te fia poka?

AUA LE MIMITA

 

Ua fai soo lava le faaupuga a le tamaloa o Iose, e tumu loa tagata, nofo loa ma faaigoa lana toalua 'o le tina o le toa'ono (mother of six).

 

E tiga ona ita le fafine, ae le mafai lava le mimita o lenei tamaloa i lana fanau e toaono.

 

Fai atu i ai le fafine, "E te le iloa valaau 'au i se isi faaigoa, pe e te mimita ea ?" Ae fai mai le tamaloa, "O le a le mea o le a ou faaigoaina fua oe i se isi igoa, la e lelei e ta'u atu ai i tagata e to'aono le ta fanau….e a faapea oe e sese."

 

O loa i le pati i le isi po, ua maua numera a le tamaloa oso foi le mimita, ia tu lelei ma valaau i lana toalua o Ana, "Hey mother of six, come here.."

 

A o le fafine o Ana ua maua foi ana numera, tilotilo uma tagata sa i ai i le pati i lena po, ae tali i ai le fafine, "E a…father of four…..o le a le mea e te manaaaao i aaaaaaaiiii.."

 

E FAAOLA 'AU E IESU

 

I le afa lea na tupu i Louisiana, na o atu ai le va'a faaola i le fale o le isi toeaina, e valaau atu ai e sau i le vaa ua sau le vai e malelemo ai tagata, ae fai mai le toeaina, "E faasao 'au e le Alii."

 

Sau le vaa faaola e faasao ai tagata i le lolo o le afa, ae fai atu le toeaina, "Leai, o outou ia, toe itiiti ona sau lea o se agelu e auina mai e Iesu."

 

Faapena foi le vaa faaola lona tolu, na sau foi e lavea'i tagata i Louisiana ae tuli foi e le toeaina.

 

Na iu lava ina maliu le toeaina ina ua malemo, alu loa i le lagi, alu atu loa i le mea o i ai Peteru ma fai loa ia Peteru lona le malie, "Ua ou fiu e faatali mai se agelu e alu atu e lavea'i mai 'au e leai lava se tasi…o le a le mea ua tupu ?."

 

Fai atu loa Peteru, "’Ai ia lou vale, e faatolu lelei ona o atu vaa faaola e aumai oe, ae nofo ma tuli 'ese, o le a lou manatu, e alu atu se agelu poo le Alii Faaola e aumai oe ?."

 

Ae fai mai le toeaina, "Faapea 'au ia e le faapena le faiga o le mea, oute faapea e fai mai le upu, 'Jesus Saves'."