FA’ATO’ILALO MANU SAMOA IA SIKOTILANI

O le manumalo ai o le Manu Samoa i le au malosi a Sikotilani (Scotland) i le vaveao o le aso To’ona’i na te’a nei i le la taalosaga sa faia i Aferika i ‘ai e 27-17, ua faamauina ai le manumalo lea a le Manu Samoa o se manumalo ua sili ona mataina.

O ‘ai a le Manu Samoa na maua i sikoa e lua a le uigi tino malosi o Alesana Tuilagi, faapea ai ma le sikoa e tasi a le fulupeki ia James Sooialo.

Ua faa 9 ona taalo le Manu Samoa ma sikotilani, faa 7 ona faiaina le Manu Samoa, tasi le tutusa ma le manumalo e tasi e pei ona maua i le vaiaso na te’a nei.

Ua sauni atu nei le Manu Samoa mo le la taaloga ma Italia i le vaveao nei, ma faaiu ai loa i le la taaloga ma Aferika i Saute i le vaiaso fou.

(1) New Zealand 90.08, (2) South Africa 86.94, (3) Australia 86.87, (4) England 84.92, (5) Wales 83.36, (6) France 81.59, (7) Samoa 79.52, (8)Ireland 78.33, (9) Argentina 77.51, (10) Italy 76.06

MANUMALO ADONIS STEVESON IA CHAD DAWSON

(Montreal) I le fusuaga i le fusi o le WBC i le light heavyweight sa i le alii o Chad Dawson o le a sa luiina e Adonis Stevenson i le aso Toanai ua tea nei, o Stevenson o le alii Jamaica ae sa ola a'e i Montreal i Canada i lona olaga atoa.

O le tele lava o le olaga a Stevenson sa alu e kegi leaga, lea na iu ai lava ina falepuipui ona ua maua e fai ana teine foi ia e tutu solo i le auala (teine paumumutu) tulou ae faatoa atoa le 18.

O lea la na maua ai le avanoa a Adonis Stevenson e tolegi ai loa na avea na tama fusu lava i totonu o le falepuipui, ona amata mai lea i le fusuaga e le'i ni polofesa (amateurs) ma sa vaaia ai le alu i luma o lona olaga fusu.

Na faatoa fusu faapolofesa i le tausaga 2006 ona faasolosolo mai ai lava lea ina lauiloa o ia i Montreal, ona e le fefe lava ia o soo se tagata late fetaui.

Ia ma talia e Steward le alii faiaoga i tama fusu, ma o iina la na polesi ai i le tamaloa o Steward, ua tau le faamoemoe i lana tui ae ua lelei uma lava i le mea e tau o le tama fusu.

E (21-1) ana fusuaga ma maua loa lana avanoa e na te luiina ai le fusi o le WBC i le paga o le 'light heaveyweight' lea la na vaaia ai e tagata le malolosi o ana lima, ma le agavale lea na oti ai le alii siamupini i le taamilosaga muamua.

UA POLOAIA SAVEA I FAASAO LANA MAFAUFAU I LE TAALOGA MA FARANI

Ua taumafai nei le Pulega a le All Blacks ina ia toso i tua le faamasinoga a le alii o Julian Savea mai ia Iuni sei ia fai ia Setema, ona o le taaloga lea ma Farani. O ia o le isi iugi faamoemoeina a AB ma o le tama fai mea mafai tele i luga o le malae lakapi, ao o le mea lea na tuuaia ai o le faaoo lima lea na oo ai i le faamasinoga i le aso Me 15,

Fai mai le faiaoga a le All Blacks, "O Savea o loo i lalo o se polokaleme e ave i ai tama foi nei e faaliigofie e faalua i le vaiaso, ua malamalama lava Julian Savea, o le mea lea na tupu ai nei, o luga lava o pisapisao o isi tama tupulaga ae ua leva ona momoe tagata lea na mafua ai le latou misa."

O le tele lava o faalavelave faapenei e mafua ona i o luga o le ava isi tagata, e fiu lava le tagata o le e malamalama e fai atu i ai, ao o le fusuaga lava le mea lea e mananao ai tagata 'oona ia.

SUESUE IRB LE FAIAOGA A TONGA

I le vaiaso na tea nei na ave ai le faitioga tuu sao o le faiaoga a le 'au a Tonga lea na taalo ma Canada i Ontario, lea na malo ai Canada i le 36-27. O le le malie o le faiaoga o Tonga o Mana Otai ona o le isi taimi ua taaalo 12 le 'au a Tonga ua tutuli i tua le toatolu o le latou 'au, ona o le pue le mafaufau (dangerous tackle) fai mai ai faiaoga a Tonga, "E iloa lelei lava le mea lea pue e 'fair' ma pue ua tuai, ae le iloa e na ia poo le a pue leaga lea e fai mai ai le laufali."

Na oo lava i luma o tagata (TMO judge) ma matamata ai i le taaloga atoa ma iloa ai, pei a ua ova le faiga o le laufoli o tulafono i le taimi o taaloga, ua vaai pito tasi i le taaloga.

"O se mea lea ua iloa e ia i aso nei, a soona pue e se tagata uliuli le tagata paepae ua mautinoa lava e 'yellow card' le mea lea o le a faafesagai."

O  David Halaifonua a Tonga ma faasala i le 'red card' ma le ono vaiaso i lana pueina o le uigi a Canada o Matt Evans, lea na vaaia ai ua toso i tua i le moega.

O TROY POLAMALU MA LANA FAAIUGA UA FAIA

Fai mai Troy Polamalu ina ua nofo i fafo i le tele o le taaloga i le tausaga atoa lea ua tea, ina ua afaina le atevae, lea na tuu i le fomai a le latou 'au e tuu mai ai se faataga pe taalo pe leai foi, ina ua uma le vaiaso lona 13 o le liki lea na faatoa taalo ai.

Na mafua ona leaga le vae a Troy o le 'atevae' poo le 'calf' o le mea lea e leai lava se tama taalo e mafai ona toe taalo pe a oo ina migi le uaua o le vae.

Ia a lea na tele ina faaletonu ia i le 2013, fai mai Troy Polamalu o le sui lana faiga o le taaloga, o le taimi nei o le tele lava ina le toe sau e 'osofaia le QB a le isi 'au, ae o le tu lelei lava e tua e 'cover' ia 'receiver', o le Aso Sa la lenei i le latou taaloga ai ma le San Diego Charger.

O ia o se tagata e faamoemoe i ai le kefeni 'defence' o le a taumafai e aua nei toe lavea se mea o lona 'aao, aua o le ala lena ua 22 taaloga i le 4 tausaga talu ona avea o ia ma tama tu e faamoemoe i'i ai le latou 'defence' kefengi.

I le la talanoaga poo 'interview' lea na faia ma le tama o Jamison Hensley, na fai mai ai Troy, "E le o au o se masini e pei ona ou sau ai i aso o ou laititi, le vaitaimi la na ou sau ai i Kolisi. E pei au o se tagata ou iloa uma mea e taumai mai isi 'QB' e faia.

Le mafuaga lena na ou i ai i le 7 'pro bowl' i tausaga na e 7, na amata loa lea ona maua i le leaga o tulivae, 'atevae faasolo atu ai ma isi lava lavea, i le 2008 e oo mai 2011, ua amata lava ona misi taaloga e 22 ma o le tausaga 2012 ma leaga ai loa lou atevae le mafuaaga lena o lou misia mai i le vaiaso 4 e oo mai i le vaiaso 14.