Ads by Google Ads by Google

O LE TAMA O LE C.I.A.

Ua uma ona maua uma tagata leaga ua leva ona faigaluega i tamaloloa ia pei ona maua uma mai e le CIA, ina ua maua mea valea ia a toeai'ina o lo o fai nei.

Ua maua ai foi nei e le 'au vaega lea mea e fai agai latou paaga lea e leai 'ni foliga' ae lei vaai foi i ai, pau le mea e le iloa foi e tagata faatupu faalavelave poo fea e alu atu ai le latou alaga tupe.

Ae pau le mea na fai e tagata faatupu faalavelave, ua mautinoa o tagata nei e alu atu ai le tupe e faatau ai latou mea tau, lea e masani ona faatau i le 'maketi uliuli' poo 'black market' ia e sapalai atu ai a latou mea tau nei, o le toe su'esu'e mai e i latou ia le 'au pilionea.

Ia e 'ese le vaega e faia le galuega lenei, e le o faia i isi atunuu uma o le atu Arapi a latou faiga faatupu faalavelave, ae na o le tasi a le vaega lea e ioga o PLO.

Ae ua ave le feau a le tama o Eteuati ma alu ma maua uma ai e Eteuati le isi vaega lea o le PLO lea ma faia le galuega tele lenei o le ave faamalosi o fanau se'i iloga e ave atu se tupe ona toe aumai lea.

Ua sola ai le tamaloa Initia lea na faigaluega ia Selefuti ina ua vili mai ai le tagata e maua nei ma ia.

O le Initia la lea, ua mautinoa lava e ia, a malama Selefuti i lana mea o lo o fai e le mafai lava ona sao se isi pe a oo ina ita le toeaina, a ua sola faasulusulu.

Leaga o le mea lea na vaai ai le tamaloa Initia lea, i le po na la o ai ma le toeaina lea, i le fale na tuu e fai ai le talanoaga a le latou kalapu o le 'au pilionea, ma vaai i ai i le tasi toeaina e lei toe oo atu i le latou kalapu.

Ma masalomia loa e toeaina le mafuaga ua le toe oo atu ai, ma na mautinoa loa e toeaiina i lena po ina ua faamatala atu le mafuaaga, ona ia tago lea o le toeaina o Selefuti i le telefoni vili loa ma le isi tagata.

E le'i iloa e se isi poo a tala na fai i le telefoni, ae malama a'e le taeao ua faalogo atu i le News ua mu uma le fale tele lo lee pilionea i le afi, ma e iloa ifo e tagata ina uma le vaiaso, sa susunu mulimuli ae na fana muamua si toeaina pilionea.

Ua maua uma lava tagata ia na faia mea valea, e 'ese le totogi e maua mai i le 'au faatui'ese toe maua lana totogi masani lava i isi galuega.

O le mea lena ua sola ai le tamaloa Initia lea, ua ia iloaina e faigofie lava ona su'e o ia e Selefuti talu ai o ia lea na ala ai ona ave faamalosia le tama o Eteuati, e le 'au ula leaga lea.