O se tasi o tama’ita’i talavou Samoa o lo’o alaala i Anchorage Alaska, ua fa’afalepuipuia nei seia mae’a lona iloiloga, ona ua fa’amaonia fo’i lona fa’ao’olima i le pepe e tasi le tausaga le matua sa ia tausia. O le taimi nei, o lo’o taofia le pepe i le ICU i le Providence Children’s Hospital i Anchorage, Alaska ona o ona afaina mai le taimi na togi mai ai e lenei tama’ita’i o ia mai le isi itu o le potu, ma tau tonu ona itu i le pito o le nofoa o le piano, ma toe pa’u ai i le fola o le fale

I le potu fa’amasino sa matua faigata ona soloia loimata o le tina o Casey Petrin, le tina o Chase Edwards, ma talosaga i le fa’amasinoga ina ia taofia pea Toilolo-Kapeli i le To’ese, ona e matua le tatau lava ona toe oo se isi tamaititi la’ititi i le mea ua oo i ai Chase ona o lenei tama’ita’i fa’ao’olima matuia.

Na fa’afesiligia fo’i e Toilolo-Kapeli lona vala’aua o le EMS ina ia ave ai le pepe e va’aia le patu i lona ulu mai le mea na pa’u ai i le foloa. Na muamua fai mai le tama’ita’i tassi tama, na fa’alogo mai o ia, a’o la momoe ma lana lava pepe, ua pa’u atu Chase, ma e sau i ai, ua taut atu Chase i le foloa. Peita’i ina ia sau Kevin ma ‘ave lona atali’i i le falemai, fasto’a maua ane ai, e le na’o le tasi se patu o i ai, ae tele patu o lo ua iloga ai e le fa’atasi ona tais le ulu o Chase.

Peita’i i le fuafua atu e ali’i leoleo su’esu’e le afaina o le ulu o Chase, ma le mea ua fa’amatala mai, e matua le talafeagai lea ma le ogaoga toe tele o manu’aga i lona ulu. O lea sa toe fa’aauau ai loa sailing ma toe talanoa ai ia Toilolo-Kapeli, se’i toe fai sana tala i lea mea tonu na tupu.

I lea talanoaga, ina ua le toe mafaia lava e Toilolo-Kapeli na fa’aauau lea tala, faatoa toe fa’atoese mai loa ma fai le suiga o lana fa’amatalaga. “O a’u sa ou si’ia fa’atasi la’u pepe ma Chase, ua ou fiu lava e taumafai atu e taofi mau Chase ae ua mimici ese atu lava mai o’u lima ma mafua ai ona pa’u atu i o’u lima ae tau ai lona ulu i le pito o le nofoa o le piano. Sa faigata ia te a’u ona taofia uma tamatiá i o’u lima.”

Ua mae’a le sailiiliga, ua maua ane, ua tau maua lava isi manu’aga, ae le mafai ona talia ai le tulaga o le tetele ma le ogaoga o le pa’uga e tatau ona a’afia ai fa’apea le ulu o Chase. Toe saili fo’i lea i le tama’ita’i o Toilolo-Kapeli, pe ua tonu lelei lana tala, pe leai.

Na toe fa’amatala fa’atolu loa le mea na tupu, ua sau loa le tala, ua fetaui tonu ma manu’aga ua i le ulu o Chase. Na tu mai le isi itu ma togi mai Chase e foliga o le togiga o se ma’asalafa… ona ua matua le lava i le tausiga o lana pepe ma Chase foi ia. Tau lea o le tino o Chase i le nofoa o le piano, faato’a pa’u ai i lalo i le foloa.

Ina ia ia fa’ailoa lelei mai lana tala moni lea, sa ia fai mai fo’i, “Ua faigata ona ou ta’ua atu le mea tonu na tupu ina ne’i ave’esea ai la’u fanau mai ia te a’u. Ae ua ou le lava lava, ma e le faigofie fo’i ona tausia e a’u fa’atasi la’u tama ma Chase aua e le o sa’u pepe.”

O le fa’amatalaga lea ua mae’a fa’amauina nei e le vasega o leoleo su’esu’e i lenei mataupu ma ua toe fa’atulaga fo’i le iloiloga o Toilolo-Kapeli e faia i le aso 23 Mati, 2017.

I le mae’a ai o lana fa’amatalaga o le mea tonu na tupu, sa ia fa’ailoa ane ai i leoleo suesue, “O le taimi lava na tau ai le tino o Chase i le nofoa o le piano, ia va’aia ai le fa’api’o mai o lona tua i le tiga, na ou iloa lelei ai lava, ua sese la’u mea ua fai.”

Na taumafai o ia e togafitia i le iele susu e taumafai ona fa’ate’a ai le tiga ma le tagi o Chase, ma sa ia vala’auina ai loa ma Kevin e tatau ona ave Chase i le falema’i.