PASIA E LE USEPA & ASEPA TULINAMU MO FA’ATAUGA

O se tala fiafia na faailoa mai i fa’amaumauga a le ASEPA ina ua talosagaina so latou manatu fa’aalia e tusa ai o le leai o ni Tulinamu e fa’aaogaina e le atunu’u lautele mo se taimi ua umi tele. Ina ua fesiligia le ASEPA i tulaga o le sailliga pe o se ituaiga tulinamu ua pasia e i latou le Family Citronella Mosquito Coil, ae latou fa’ailoa mai e ala i tusitusiga fa’amaumau, “Ioe ua mae’a pasia e i latou lea ituaiga tulinamu e fa’aaoga e le mamalu lautele.”

Ia Fepuari 23, 2017, na talia aloa’ia ai e le USEPA ma le ASEPA lea ituaiga fa’aasu namu, ina ua mae’a faia le galuega a i latou sa tatau ona faia ao le’i oo mai lea fa’aasu namu i le atunu’u.

O le mafuaga tonu na ala ai ona suia le ituaiga fa’aasu namu mai le faioloa lea, ina ua mae’a fa’atauina ese le kamupani sa latou okaina mai ai lea fa’aasu namu tuai, ona suia mai lea e le Kamupani fou lea a latou oloa o lo’o fa’atau e le tele o atunu’u o latou sapalaia. Peita’i, ona ua mataituina le eseesega o le fa’aupuga ua tusia o lea ituaiga fa’aasu namu, na ala ai ona talosaga se suesuega mae’ae’a a le USEPA i le ituaiga fa’aasu namu fou Family Citronella.

O le umi fo’i o lea suesuega, ua ala ai ona fa’atuai se tali lelei lea ua maua mai nei a le USEPA.

I tusitusiga e ala i feso’otaiga tau emeli, ua mautinoa ai, na amatalia feso’otaiga nei i le masina o Setema ma Oketopa 2016. Ae fa’atoa maua mai se tali ia Fepuari 21, ona faailoa lea i le faleoloa i le teritori mo le tautuaina o le atunu’u. Afai la ua i ai se faleoloa ua latou fa’atauina atu le Family Citronella, ua fa’atagaina lea ituaiga e faaaoga.

Peita’i ua fa’ailoa mai, ua mua’i saili mai fo’i nisi o faipisinisi o le tatou atunu’u i a latou ituaiga fou e fa’aigoaina o le “King Citronella Mosquito Coil” pe mata e talia e le USEPA ma le ASEPA, ma tali aiga tutusa lea ituaiga ma le Family Citronella, lea sa talosagaina ma ua talia nei. O lo ua fa’alauiloa atu fo’i nei, ua talia fo’i lea ituaiga pe afai e i luga o fata oloa i so’o se faleoloa i le tatou malo. Ua iloga fo’i, ua toe traumata ona maua tagata lautele i mai  le Zika, Dengue ma isi, sa fa’alauiloa e afua mai le Namu. Ia tautuana le mamalu lautele, fa’aaoga ma le mautinoa tatou nei tulinamu ua fa’ailoa atu ua saogalemu mo le tatou soifua maloloina ma le siomaga fo’i.

TAU LEAI FANAU A’OGA A LE MALO MAUTULAGA I LE NUMERA

E tusa ma fa’amaumauga o i latou sa tauva i le Numera mai a’oga tulaga muamua ma a’oga maualuluga i le teritori, e to’atele lava i latou nei ua lautogia i le tulaga togisilia se’ia oo i le tulaga tolu i vasega taitasi, o le fanau o lo’o a’o’oga i a’oga tua i le atunu’u.

E oo fo’i i le tamaitai Fa’atonu o Aoga a le tatou malo, sa ia pa’ia lea tulaga ua faamaonia nei i togi na su’ea ma ua fa’amauina mo lenei tausaga i le Tauvaga o le Numera .

Peita’i, o i latou mai le a’oga a le malo ua lautogia i fa’ailoga ua aofia ai na’o: Isek Kuki mai Tafuna High ma Karlinna Sanchez mai Samoana High i le vasega 11. O isi vasega uma e leai ma se tamaitiiti mai aoga a le malo.

Mai vasega a aoga tulaga muamua sa su’e e na’o Kapoti Amisone mai le Coleman Elementary na tulaga 4 mai le vasega 8, ma le tulaga lima sa tula’i mai ai Toalei Toelupe mai le Aua Elementary, Fouimalo Luamanu mai le Coleman Elementary ma Mareko Tuimavave mai le Samoa Baptist.

Peita’i e ave pea le fa’amalo i le fanau a’oga uma sa tauva i le Numera i lenei tausaga. E mautinoa, o le numera e le o se mataupu e toatele ni tamaiti aoga e fiafia i ai.

E faafetaia tele le taumafai o Aoga Tuamoti o lo’o i ai alo o le atunu’u o lo’o lalamua mai le numera mai aoga tumaoti a le Manumalo Baptist Academy, mai le vasega 10 o lo’o tula’i mai ai le tama’ita’i o Aitulagi Alofa, fa’apea ma le Talalelei Auva’a  mai le Manumalo fo’i sa tulaga tolu, ma le tulaga lua sa avea lea e Heyao Yang o le South Pacific Academy ma Dio Feng o le SPA fo’i.

I le vasega 12, tulai mai ai Seol Hee Lee SPA, Alice Park Manumalo Baptist ma Ji Hyun Oh o le SPA fo’i. Vase 9 na avea e le ali’i o Philip Liang mai le Manumalo le tulaga muamua, tulaga lua na avea lea e Evelini Suani o le Manumalo fo’i ma le tulaga tolu sa avea lea e Michelle Lo o le  Pacific Horizons.

I le aotelega o togi e togisilia ia Seol Hee Lee mai le vasega 12, tulaga lua ai le tama’ita’i o Alice Parker mai le Manumalo Baptist ma le tulaga tolu Aitulagi Alofa mai le Manumalo fo’i, ma le tulaga fa sa tutusa ai Heyao Yang ma Ji Hymn.

O kamupani Tumaoti sa latou limalima mo fa’ailoga fa’apitoa a le fanau. Na foa’ia uma lava e le Pulega o le Paramount Builders Laulii Alofa ma le faletua o Wanda Aofa meaalofa tupe mo fa’ailoga ta’itasi, ae o le NPI, Bluesky, ASTCA, Manu’a Store, ASPA, Niel’s Ace Home Center, Happy World, McConnell Dowell ma Mrs Park ia mea na taulimaina mo le fanau manumalo i le tauvaga Numera i lenei tausaga.