Ads by Google Ads by Google

TALA I VAIFANUA


[ata: foa'i]

Pago Pago, AMERIKA SAMOA

AOGA SAMOA I ALAALAFAGA: TOE FAAMALOSIA E LE MATAGALUEGA O A’OGA:

O le numera ma Gagana Samoa lea ua amata ona toe faamalosia nei e le Matagaluega o A’oga lona toe aoaoina tatau ai o le fanau i vaitau nei o le tu’uaga i tua i afio’aga ta’itasi, i nofoaga ua mae’a fa’atulaga ma pasia lelei e le Polokalama lenei, ASIA, poo le A’oga Samoa i Alaalafaga.

O le polokalama la lenei ua fa’atulaga e le Matagaluega o A’oga e fa’amalosia i lenei vaitau o le tu’uaga umi o le a’oga 2021.

O le avanoa lenei ua ofoina atu lea mo le vasega o Faife’au ma latou Faletua o so’o se Ekalesia i le atunuu i le taeao o le aso Faraile lea na toe avea lava ma aso malolo o le Juneteent, ae sa fa’aauau pea lava.

O le tamaitai fa’atonu o le polokalama ASIA, Senouefa Mana’o, sa ia fa’ailoa mai, “O le fa’aletonu, ona ua fai lava si tuai ona fa’alauiloa mai o le aso Malolo fou lenei ia Iuni 18, 2021, ae ua ame’a fa’alauiloa ma fa’asalalauina fa’alaua’itele i le atunuu ma i latou o lo’o ua fili fa’apitoa e nafa ma nei faiva aua le fa’aauauina o le ASIA i lenei tu’uaga umi o a’oga.”

Ua fa’ailoa mai e le sui fa’atonu o le Matagaluega o A’oga, Folau Fa’afetai Teofilo, “O le tulaga o i ai le Numera a le fanau a’oga i lenei vaitau e le o maualuga, fai lava si maulalo, ae sili atu ai le maulalo o le malamalama lelei e tusitusi ma le malamalama lelei i le Gagana Samoa.” O lana fa’amatalaga lea e tusa o le soifua taumafai o le fanau a le atunuu i le numera ma le gagana Samoa a’o mae’a ai latou a’oga mai a’oga tulaga muamua ma fa’asolo atu e a’e i a’oga maualuluga.

“O le mafuaga lea ua toe tau fafagu ma matua fa’amalosia ai e le Matagaluega o A’oga lea vaega taua o tomai e mo’omia tele e fanau talavou a le tatou atunuu ona mua’i mautu i o latou olaga taumafai ai e malamalama lelei, tusitusi ma faitau i le gagana Samoa fa’apea ona siitia o lo latou malamalama lelei i le Numera. O le fa’amaoniga o le sapaia atoatoa e le Matagaluega o A’oga o lenei tuuaga o a’oga, ua fa’ateleina atili ai nofoaga o le a fa’atautaia mai ai aoaoga a le ASIA.”

Na faailoa mai o le amataga o lenei taumafaiga na fa’atula’ia ai na’o le 6 nofoaga fa’apitoa mo aoaoga a le fanau, peita’I I le taimi nei ua tatala le 16 o nofoaga i totonu o le motu ma ua fa’ailoa mai, “Ua aofia fa’atasi atu i ai ma Ekalesia Metotisi ma le AOG i nei ekalesia ua fa’atautaia e faife’au ma faletua aoaoga o le gagana Samoa ma le Numera.” O le amataga mai sa fa’atautaia lea na’o Fa’afeagaiga ma faletua o le EFKAS.

O nisi sa vaaia le auai i lenei tatalaga fa’apitoa o le ASIA.

Na fa’atautaia le fa’atasiga i le faleta’alo fou o le A’oga Maualuga Matata Eseese i Nuuuli, ma sa auai uma lava i ai le vasgea o sui Fa’afeagaiga ma Faletua ua mae’a fa’atulaga mo le 16 o Nofoaga o le Asia fa’apea ai ma faia’oga ma sui fesoasoani mo faia’oga ua mae’a lautogia ma latou sui e fa’amamaina le nofoaga.

O le pau lea o le fa’amoemoe na tuu e faia i le aso Faraile ua te’a, sa le taofia ona o le toe fa’amalosia o le aso malolo fou. O lo ua fa’ailoa mai fo’i sa tatala lava faletupe e lua le ANZ ma le TBAS, i lea lava aso malolo.

O nofoaga uma foi sa fa’atulaga e faia ai tuiga puipuia mo le Covid-19, na tapunia uma lava ma na toe tatala lava nei nofoaga uma e pei ona fa’atulaga ai i le aso Toona’i, ma o lo ua mae’a tatalaina fo’i le nofoaga 8:00am -3:00pm i le CCJS i Fagatogo ma le Hall fo’i a Pavaiai LDS Stake Center.

 O le vasega o fa’amasinoga ma latou fa’amasinoga uma sa fa’atulaga mo le aso Faraile sa toe tolopoina uma lava ae fa’aaoga tatau le aso malolo ua fa’atulaga mai e Peresetene Biden.

SAPAIA ELE ATUNUU LE TAUMAFAIGA E TOE FESOOTA’I  AI MA TATOU SUI VETERENI: 

O le susuga le Fa’atonu o le Veterans Affair Pacific Health Care System, ua ia fa’ailoa mai, o mea uma lava o le a fa’aagaaga mo sui Vetereni o le atunuu i le taimi nei e tusa ai o latou Mental Health Summit, o le toe taumafaiga atili lea a le VA ina ia toe fa’afeso’ota’i lelei sui Vetereni ma latou pelega fa’apea ma le atunuu lautele.

O le susuga le foma’i Dr. Adam Robinson sa ia saunoa mai ai i le tatalaga o le footaga fa’apitoa a le Mental Health Summit, sa faia i luga o ala feso’ota’i tafa’ilagii le taeao o le aso Lulu na te’a nei mai lona ofisa I Honolulu.

Ua fa’ailoa mai e ia, o lo’o ua fiafia tele o ia i le fa’atulagaga o le polokalama ua mae’a fa’auia atu e le tamaitai foma’i o le mafaufau mo Vetereni, Dr Juneta McCutchan o le VA, lea e ta’ita’ia e le susuga le foma’i Dr Fred Uhrle.

Ua fa’ailoa mai e Robinson, o mea ua fofola atu i le fa’atulagaga a le tamaitai foma’i o MeCutchan ua matauina ai le aoga tele o le galuega fa’atino a VA ma latou pa’aga uma i le tatou teritori ina ia mafai ona mautinoa o lo’o tautuaina tatou Vetereni uma, ma ua avea o se mea e fa’ataua uma e le mamalu o le atunuu ae maise i a latou pa’aga o galulue faatasi mo lea fa’amoemoe lelei.

O nisi o nei paaga a le VA e aofia ai aiga o sui Vetereni, Ekalesia ma isi fa’alapotopotoga o lo’o tautuaina fo’i Vetereni e ala i latou tautua, tautua eseese a le Malo ma ia fa’alapotopotoga eseese i le atunuu e aoga mo fitafita tuai.

$14.6MILIONA AUINA ATU I SAMOA E ALA I ALA O FA’AMOMOLI TUPE:

Ua fa’ailoa mai i fa’amamauga o tupe fa’amomoli i ala eseese ua mataituina ai e le tatou nei malo, ua fa’amauina ai lea vaega tupe ua auina atu i Samoa i le ulua’i 10 masina o le Tausaga Fa’aletupe 2020-2021 a’o le’i mae’a lava lea ulua’I 10 masina.

O se fa’amaumauga lea ua fa’amauina ma fa’alauiloa mai e le Central Bank o Samoa i le latou ripoti o le Visitor Earnings & Remittances. O le atina’e fo’i lea e fa’amauina e Samoa o le latou alamanuia poo le atina’e sili lea ona tele toe televave mo le tamaoaiga o Samoa i masina ta’itasi mo tausaga e tele.

Ua fa’ailoa mai fo’i e le Faletupe lea, e le gata i le siitaga ua matauina i tupe fa’amomoli mai Amerika Samoa, ae ua fa’apena fo’i ona siitia le aotelega o tupe fa’amomoli mai Niu Sila ma Ausetalia ma ua fa’apena ona fa’aleleia atili ai le tamaoaiga tausi o Samoa mai le tele o tausaga o lea lava lo latou fa’amoemoega autu.

E tusa lava o fa’amaumauga a le Central Bank le aotelega e $43.4miliona tala na fa’auia atu i Samoa mai Amerika Samoa Ia Aperila 2021 ma ua fa’aititia lea e tusa o le $7.7miliona ua fa’aitiitia ai ma le tupe na auina atu ia Mati 2021.

O tupe maua mai Niu Sila ua fa’ateleina lea e tusa o le $4.8miliona mai Ausetalia ua faateleina lea i le $1.6miliona ao le tupe mai Amerika Samoa ua siitia lea i le $0.2miliona.

O lo ua fa’amauina le siitaga e 9.5% ua fa’ateleina ai lea tinoitupe e tusa o le vaitau lava lea mai le tausaga faaletupe ua te’a.

“O le siitaga o le tinoitupe atoa lava ua fa’amauina nei mo Samoa i le ulua’i sefulu masina  le tausaga o lenei tausaga ua fa’amauina mai lea mai Ausetalia e $29.8miliona lona siitaga, mai Niu Sila e $117.3miliona  ma le tinoitupe mai Amerika Samoa e $14.6miliona.”

Peita’i, o le isi fo’i siitaga ua faamauina nei ona o lo ua fa’aititia le tau o le tala Ausetalia i le 5.6pasene, fa’aititia fo’i le tau o le tala Niu Sila i le 3.5pasene.

O nei fa’amaumauga uma ua fa’auia mai lea kamupani e fa’amomoli atu ai tupe mo aiga, lea e aofia ai le Western Union, Money Gram ma isi.

Ua fa’aaogaina e le mamalu lautele lenei ala ina ia mafai ona vave ma