Ads by Google Ads by Google

Tala I Vaifanua


Solomona Auelua ma nisi o le aiga o le Auelua Reading Program, fa’atasi ai ma sui o le Alliance Against Sexual Violence i le foa’i o kalone vali mo le aoga maualuga a Manu’a i le aso Gafua. [ata: Leua Aiono Frost]

FOAI ACE HOME CENTER, AOELUA FAMILY READING PROG. & ALLIANCE MANU’A HIGH

 

O le foa’i matagofie na fa’atino e pa’aga e toatolu, Nei’s ACE Home Center, le Aoelua Family Reading Program ma le Alliance Against Domestic & Sexual Violence mo le A’oga Maualuga i Manu’a, na fa’ataunu’uina lea i le aso malolo o le Veterans Day i le Neil’s ACE Home Center i Malaeimi.

 

I lea foa’i na tutula’i ai sui iloga o nei pa’aga e toatolu ina ia foa’ia le tele kalone vali mo le Laumua o le Segaula.

 

E tusa ai o le fa’amatalaga a le tama’ita’i Dr Salote Aoelua, sa ia fa’ailoa ai, “Ona o le mana’omia sa matauina a’o i ai i matou i le Manu’atele mo le matou polokalama faitau tusi, atoa ai ma le faalauiloaga o mea taumafa paleni ina ia le toe to’atele nisi e a’afia i le gasegase faigata o le Kanesa ma le Ma’i Suka, o lea ua afua ai lenei foa’i mo le Laumua o le Segaula.”

 

O le tauaofai o lenei foa’i ua fa’atino nei, o Vali ma oloa eseese e mafai ai ona fa’aaoga vali e le a’oga maualuga, pulumu, lola vali ma isi fa’apena, ua fa’ailoa mai e $1,200.

 

O sui o le Alliance Against Domestic & Sexual Violence o le tama’ita’i o Jennifer Tofaeono ma Trudy Mata’utia, mai le Polokalama Faitau Tusi a le Aiga Sa Aoelua, na pa’au atu ai le susuga Solomona Aoelua le fa’atama o le polokalama ma le tama’ita’i foma’i Salote Aoelua ma le auuso, peita’i o le foai sa fa’atautaia lea i le faleoloa tele o le Ace Home Center ma avea ai le susuga Teniseli Ma’ae ma latou fofoga taumolimoli.

 

FOA’I AOELUA FAMILY READING PROGRAM - FANAU E TAUSO MANULELE TAUSALA

 

O le Veterans Day na fa’atino ai fo’i le foa’i aoga tele mo le fanau tauaso, o lo’o auai i le polokalama a le Special Education i le A’oga Tulaga Muamua a Manulele Tausala i Nuuuli.

 

O lea foa’i ua taua’aoina aloa’ia atu ai Tusi Faitau, o mea ta’alo e mafai ona latou tagotago i ai ma iloa patino foliga ina ia silafia e le fanau ua po po’o le a lea manu, po’o se ta’avale po’o se maile fo’i lea meata’alo ua ia umia.

 

O nei ituaiga meata’alo e fa’afiafia atili ai i latou ma silafia ai e i latou mea i lo latou siomaga. O ituaiga meaalofa nei na taua’aoina. Ona e le’i maua mau tusi e mafai ona faitau ai i latou e tauaso, Braille Reading, o lea ua maua ai se foa’i o na ituaiga o oloa mo le fanau. Peita’i, o lo ua foaia tusi e mafai ona faitau leo tele mo i latou ina fa’alogo i ai i latou ma silafia e o latou mafaufau le tala ua faitauina mo i latou e faia’oga.

 

Ua maua fo’i paso, ina ia fa’aaoga i ai latou taimi e taumafai ona tagotago e fa’ailoa ai foliga o le isi vaega o le paso e tatau ona fa’atumu.

 

O le tama’ita’i o Amy Tuiasosopo Epati, faia’oga o le SPED i Manulele ma le tama’ita’i o Suluiga Faatau, o i la’ua ia ua mafai ona aoaoina le fanau tauaso i le Braille Reading po’o le faitau tusitusiga mo tauaso.

 

a auai fo’i le tamaita’i o Suikonesula Falemalama o ia lea o le ovasia o le Polokalama o le SPED i le Manulele Elementary, ma o ia lea sa ia fa’ao’o atu le fa’afetai tele i le Aoelua Family Reading Program ona o le foa’i mo le fanau.