E FAI O LENEI AE O LENA
O OLIVE MA LE LA’AU LAPO’A
Sa iai se teineititi e igoa ia Olive ma e fiafia o ia e taumafa so’o se ituaiga fualaau ‘aina, e pei o apu, o pea, o mago, o melegi ma nisi lava fualaau ‘aina e tele.
E mafai e Olive ona nofo ma se ipu fualaau ‘aina tele lava ae uma na ‘ai e le’i atoa se lima minute.
Ae na o le pau le vaega e le fiafia tele ai Olive, o fatu la’au ‘aina. O le ita ia o Olive, ae maumau fatu o fualaau ‘aina i le va o ona nifo.
I se tasi aso, na saofai ai le teine o Olive ma ‘ai sana pea suamalie lava. Ae tago i le feula ia fatu o le pea i luga o le palapala i tafatafa o le mea sa nofonofo ai.
Na fa’ate’ia Olive ina ua ia va’aia le ola mai o se la’au i lea mea o lo’o ia feulaina ai fatu o lana pea o lo’o ‘ai.
Ua oso atu nei Olive i le tu i luga o le lala o le la’au ma sa ‘ata leotele, ina ua tupu tele le la’au ma toeititi a o’o atu i le lagi ona lala, i le maualuga o le tupu a le la’au.
Na fai sina umi o saofa’i Olive i le lala pito i luga o le la’au ma matamata mai i lalo i tagata, ma ata ona ua pei i latou o ni loi le laity, i lana matamata mai i luga o lenei la’au tele.
Ua o’o loa i le taimi ua toe fia fo’i atu ai Olive i lona aiga ma ua ia tilotilo solo po o fea se auala e mafai ona sau ai i lalo mai i lenei la’au lapo’a.
Ua a’apa atu Olive ma mau i leisi lala o le la’au ona ia taupe mai ai lea ma oso mai i lalo o leisi lala lea e pito mai i lalo.
E tu loa Olive i le lala pito i lalo, ae ona va’aia se manulele ma sa fa’ailoa atu e le manulele ia Olive, o lo’o fia mana’o e fau sona faamoega i luga o le ulu o le teineititi o Olive.
Ua ‘ata Olive ma toe oso faatopetope mai i leis ilala la’au, ae ona va’aia le tautau mai o se pea lapo’a lava i lea lala. Ua oso ai nei i luga ia Olive ma suigi solo i le lue solo o le pea lapo’a ina ua feula e le matagi.
“Olive!? Olive!? O fea oe? Ua o’o i le taimi e te sau ai e ta’ele!” o le tina o Olive lea ua su’e Olive.
“O lea o le ou alu atu!” o le tali valaau mai lea a Olive mai i luga o le la’au.
A’o faasolosolo pea ona agai mai i lalo ia Olive mai luga o le la’au sa oso ifo sona manatu, o le a ia aoina ni fatu o lenei pea lapo’a, atonu o le a toe tupu mai ai nisi la’au tetele.
(IA MANUIA FUAFUAGA UMA O LENEI VAIASO FOU UA O TATOU SAVALIA)