E tolu ni feagaiga ua maea ona sainia i le tapunia ai o le fonotaga sa faia mo le puipuiina o amu ma le gataifale, i le va o le teritori mo le puipuia o latou gataifale.

E mana’omia ona so’otau’au nei malo uma ma Amerika Samoa i le taumafaiga lenei, ia fa’atumauina le sosia ma puna’oa o le gataifale ia mautinoa e tumau nei mea uma mo isi augatupulaga o fai mai o latou malo.

- I le aso Lulu sa mafai fo’i ona toe sainia le isi maliliega e afioga i Kovana uma o Malo e lua na auai, i le fonotaga o lenei tausaga.

O le feagaiga lea e fa’atulaga ai Galuega e fa’atautaia mo le Fesaga’i ai o Amerika Samoa ma Fesuia’iga o le Tau ua i ai nei. O lea Fa’atonuga Tu’usa’o mai le Kovana, ua fa’aaogaina mo galuega uma e saili ma fa’amaumau ai fa’ai’uga o sailiga i afaina o le Gataifale i Amu ma A’au o Amerika Samoa, ina ia mautu galuega tima’i ma galuega fa’atumau ma galuega toe fa’aleleia o le gataifale.

- Mai le Kovana Sili o Amerika Samoa, sa ia faliu ma toe fa’afo’i ana fa’aaloaloga i le vasega o malo na usufono mai i lana fonotaga fa’ai’u ma le Coral Reef Task Force 2012. Na ia saunia “Tanoa Ava” o se fa’ailo o le “Tofamanino ma le Tofa Saili” mo tagata Samoa, lea ua ia fa’asoa atu ai ina ia le motusia pe fa’avaivai i le ala le taumafaiga lenei, “Ia fa’atumauina puna’oa o A’au o le Inaite Setete o Amerila ma le lalolagi atoa!”

- Peita’i na mua lava i malae lana fa’asoa, i se talavou ma ua avea nei ma poutu o galuega tima’i, galuega fa’atino, ma fa’autautaga loloto o Tima’iga e aoga mo le taumafaiga ia fa’atumau puna’oa fa’anatura o Amerika Samoa nei ma tausaga atali - sa ia fa’apineina ai le tofa Peau Lelei, e avea ma sona sui e fa’aauau le tamo’ega umi a le Komiti Fa’afoe o le USCRTF a’o i ai pea lona sui i totonu o lea li’o. “Ou te iloa, e le o vale tu’ulima le tula’i mai o lenei alo o Amerika Samoa, na te fa’aauau galuega lelei uma, ia tumau puna’oa o le gataifale mo isi tupulaga fai mai o le tatou atunu’u ma le pasefika fo’i.”