Ads by Google Ads by Google

Fa’ataunuu fa’au’uga Pacific Horizons School - Me 19, 2020

Pacific Horizons 2020 graduating class
O le ata lea o le vasega fa’aiuaso atoa a le Pacific Horizons Shool i lenei tausaga, ua fiafia ina ua mae’a le latou fa’auuga i le aso Lua, Me 19, 2020. [ata: Leua Aiono Frost]

Pago Pago, AMERIKA SAMOA — Ona o le vasega faauu o lenei tausaga i le Pacific Horizons School e nao le to’a 10 i latou ua talafeagai tonu lea ma le numera fa’atagaina e mafai ona faia ai le latou fa’au’uga ma le pule a’oga i le aso Lua na te’a nei, le latou falea’oga i le lotoa i Ottoville.


O le vasega fa’au’u e to’asefulu i latou e aofia ai: Isa’ako Alo, Tatiana Jackson, Simeng Liu, Michelle Lo, Christian Lorenzo, Kini Mataitini, Suria Milford, Aleki Prescott, Sabrina Tolo ma Elizandrea Tuatoo.

The 10-graduates from Pacific Horizons School pose for a photo after their graduation ceremony for the Class of 2020 held in one of the school’s classrooms, where social distancing was observed. The ceremony was streamed live to monitors set up in other classrooms on the campus where parents and friends witnessed the event and also complied with social distancing of 10-people per room. The graduates are Isa’ako Alo, Tatiana Jackson, Simeng Liu (Valedictorian), Michelle Lo (Salutatorian), Christian Lorenzo, Kini Mataitini, Suria Milford, Aleki Prescott, Sabrina Tolo and Elizandrea Tuatoo. [photo: Leua Aiono Frost]

I le polokalama faasolo o le fa’au’uga lea, e pu’upu’u lava, na’o le fa’afeiloa’iga lava sa saunoa i ai le susuga le alii pule a’oga David Willis, tatalo na si’itia e le sui o le vasega fa’au’u Christian Lorenzo, fai loa ma le lauga a le tama’ita’i tulaga lua i le vasega fa’au’u o Michelle Lo, tufatufa loa ma latou tusi pasi.

O le saunoaga fa’apitoa a le tamaita’i togisilia i lenei tausaga a le vasega fa’aiuaso, Simeng Liu sa soso’o ai, ona tatalo loa lea o sui fo’i o le vasega, Sabrina Tolo i le Gagana Samoa e fa’ai’u ai le sauniga ma pu’e loa le ata fa’atasi o le vasega, ma o le siui fo’i lea o le fa’amoemoe.

Pacific Horizons School’s Class of 2020 Valedictorian, Simeng Liu and her father after Tuesday’s graduation ceremony at the school campus in Ottoville. [photo: Leua Aiono Frost]

O le fa’amoemoe atoa o le fanau, sa usita’ia e i latou le fa’asa o lo’o feagai nei ma le atunuu. Ua fa’ailoa i le pa’ia o aiga, ina ia saunia na’o matua ma nisi toaititi o aiga e oo atu i e faamanuia le fa’amoemoe o le fanau fa’au’u o lenei vaitausaga fiafia mo le ‘au faaiuaso.


O i latou uma nei sa nonofo valavala i le 4 potu aoga i le lotoa, ma sa leoleoina toto’a fo’i le aotelega o tagata auai ia atoa lava le 10, ma fa’asolo i isi potu aoga, ma e maimoa mai ai i le fa’amoemoe e ala i sootaga fa’ainiteneti ma televise.

O le ali’i o Christian Lorenzo ma lona aiga na auai i le fa’auuga a le Pacific Horizons School i le aso Lua o le vaiaso lenei.  [ata: Leua Aiono Frost]

Mai le lisi na fa’alauiloa ai le vasega fa’aiu, sa tuufa’atasia ai fo’i a latou tapenaga mo le isi la’asaga fou o le a savalia e i latou i lo latou soifua taumafai i a’oa’oga i Kolisi ma Iunivesite o le a ulufale i ai.

O Isa’ako Alo, o lo ua fa’amoemoe e ulufale i le Metropolitan State University i Denver Colorado ma o le a tau’avea e ia kosi o le Computer Engineering.  O Tatiana Tausala Jackson, lea na ulufale i le Pacific Horizons i lona vasega lua ma oo mai ai lava ina fa’au’uina nei, o le a ulufale i le Iunivesite o Hawaii i Manoa, Honolulu ma taumafai ai ona fa’ailoga maualuluga.

O Simeng Liu, ma o le togisilia foi lea o le vasega fa’aiuaso, o lo ua fa’amoemoe e ulufale i le Iunivesite o Bloomington i le amataga o le isi afa tausaga o soso’o nei ma tau’avea kosi o le Tausitusi ma le Su’etusi.

O Michelle Lo, le tulaga lua o le vasega fa’aiuaso o lenei tausaga sa aoaoina i le Pacific Horizons i lona level 3, peitai na faamoemoe matua e toe fa’afoi i Taiwan e a’oa’oina i le gagana Mandarin lea e fa’aaogaina e ona tagatanuu, ma e toe taliu mai Michelle Lo i le vasega Level 5, ua matua leai lava se Fa’aperetania o toe manatua.

Pacific Horizons School’s Class of 2020 Salutatorian Michelle Lo and her mother after Tuesday’s graduation ceremony at the school campus in Ottoville. [photo: Leua Aiono Frost]

O lea sa toe fafau mai ai lava i ana vasega uma se’ia oo ina avea nei ma peresetene o le NHS i lona tausaga fa’aiuaso, ma ua fiafia o ia e fa’alauiloa ua gafatia e ia ona tautala ma tusitusi i gagana e lua, Mandarin ma le Igilisi, ae ua lelei fo’i lona malamalama i le Gagana Samoa. O ia e va’aia so’o ana taumafaiga mo le aoga a le Pacific Horizons i le Numera i tausaga uma o aoaoina ai o ia i le PHS.

Ua fa’aiu filifiliga a Michelle Lo i lona lumanai mo ana aoaoga o le a ulufale i le Northeastern University.

O Ratu Kiniviliame Vakacokai Mataitini mai Fiti, na amata ana aoaoga ina ua siitia mai lona aiga Amerika Samoa i le vasega 11, ma ua fiafia tele o ia e toe taliu e fa’aauau ana aoaoga i le Iunivesite o le Pasefika i Saute i Suva Fiji i le amataga o le isi afa tausaga e soso’o nei pe a mae’a le fa’asa o le Coronavirus.

Le ali’i a’oga mai Fiti na fa’ato’a ulufale i le Pacific Horizons School i lona vasega 11 o aoaoga, ma ua mae’a nei ana a’oga ae ua fa’amoemoe e ulufale i le USP Suva mo lona fa’ailoga maualuga i ana kosi o fa’amoemoe e fa’aauau ai ana a’oga. Ua i ai o ia ma ona matua i lona fa’au’uga.  [ata: Leua Aiono Frost]

O Suria Wynona Christine Milford na fa’ato’a lua ona tausaga o aoaoina ai o ia i le Pacific Horizons peita’i ua talua mai o ia i le Iunivesite o Chaminade i Hawaii. Ua ese mai lea ua talia foi o ia i le Brigham University i Idaho ma ua filifilia e ia lona masii atu e sailia lona fa’ailoga maualuluga i mataupu tau Political Science, ma avea o ia ma se Loia i le lumana’i.

O Aleki Prescott o le lona tolu ai lea o i latou le fanau a le latou aiga ua fa’auu mai le Pacific Horizons. O ia lea sa ia matua sii le fa’afetai i ona faiaoga i le fa’asologa mai o lona olaga aoaoina i le Pacific Horizons. Ua ia ave foi le fa’afetai i ona matua ae maise lava i lona tina, ona o le la’ua tausiga fa’amaoni ia te ia, ua maua ai e ia le malosi ma ua i’u ai foi lana aoga i lenei tausaga.

Pacific Horizons School’s Class of 2020 graduate Aleki Prescott (middle) his mother, Esther (left), and brother, Alexander (right) after Tuesday’s graduation ceremony at the school campus in Ottoville.  [photo: Leua Aiono Frost]

O Sabrina Perenise Tolo ua naunau o ia e fia avea ma Pediatrician Cardiologist i le lumana’i ma ua talia mai o ia mai le tolu Iunivesite i fafo, Chaminade, South Oregon ma Saint Martins peita’i ua iu lana filifiliga ina ia nofo pea i Amerika Samoa, tauavea lana lua tausaga i le tatou Kolisi Tuufa’atasi ona fa’ato’a aga’i ai lea i fafo mo ana aoaoga maualuluga i se Iunivesite i Kalefonia mo lana kosi o naunau i ai.

O Elizandrea Rayleen Tuatoo ua atoa lelei le 4 tausaga o lona olaga aoaoina i le Pacific Horizons High. Ua fa’au’u nei o ia ma lona GPA 3.61, o se sui foi o le NHS a lana aoga maualuga. O ia o le faatonu o le puletini a le Pacific Horizons ma o i latou fo’i nei sa latou tuufa’atasia le latou  Year Book o lenei tausaga mulimuli o le latou olaga i le Laumua sa aoa’oina ai i latou.

O le le tamaitai o Elizandrea Tuatoo ma ona matua ua fiafia fa’atasi i lona fa’au’uga ma o le a ulufale i St Martin University i Washington mo lana taumafaiga i le fa’ailoga maualuga o le Civil Engineering. [ata: Leua Aiono Frost]

Ua talia mai o ia i le Iunivesite i le Seattle University ma ua talia mai fo’i o ia i le St. Martin’s University lea ua maua mai ai lana sikolasipi e $80,000 mo ana aoaoga lea o le a taumafai ai o ia mo lona fa’ailoga i le kosi o le Civil Engineering.

O i latou nei o Tatiana jackson, Michelle Lo ma Simeng Liu ua latou tiaia o latou pulou fa’au’u e faailoa ai ua uma lea la’asaga o le soifua aoaoina, saunia mo le isi i le tausaga aoga fou. O le au fa’auu a Pacific Horizons School [ata: Leua Aiono Frost]