E leai se pepe na soifua mai i le aso tonu o le tausaga fou na se’i mavae atu nei, e pei ona fa’amaonia mai e se sui o le LBJ i le Samoa News i le taeao ananafi.

Na taua e lea sui e fa’apea, e tasi le pepe na soifua mai i le po o le aso Lulu na te’a nei, ina ua toe lava o nai minute aulia loa le tausaga fou i le itula e 12:00 i le po.

Mai le tele o tausaga ua tuana’i atu e pei ona taua e le sui o le LBJ, o se taimi muamua lenei ua leai ai se pepe e soifua mai i le aso tonu o le tausaga fou.

O le tausaga fou o le tausaga e 2014, e to’alua pepe tama na soifua mai ai.

O le pepe muamua o le alii o Nathaniel Aidan Torrres o Nuuuli, lea na soifua mai i le itula e 3:22 i le vaveao, ma le pepe lona lua o le alii o Jayvin Wayne Vaasoaia Ae o Pago Pago, lea na soifua mai i le itula e 8.35 i le po.