Ads by Google Ads by Google

TALA I VAIFANUA


O isi ia laina o lo’o ua mae’a fa’atutupu talosaga ae ua fa’aoo atu nei mo le failaina e sui o le Ofisa o Faigafaiva ma le Vaomatua ma ua mae’a ona uma umia e I latou pepa fa’amaoniga o lo ua molimauina e nisi o I latou o nisi o faifaiva o le atunuu. [ata: Leua Aiono Frost

Pago Pago, AMERIKA SAMOA

 

TOE VAIASO E FA’ATUMU AI PEPA MO ALAMANUIA MO LE AUFAI FAIVA:

 

I le taimi nei ua matua tutumu lava laina o i latou ua gasolo atu e fa’atumu a latou pepa talosaga mo se alamanuia e maua mai le tinoitupe e $2.5 miliona lea ua toina i le vaega a le aufaifaiva o le atunuu e talosaga I ai, ona ua a’afia a latou alagamanuia i le vaitau lenei ua fa’amamalu ai le fa’asa o le Covid-19.

 

Ina ua fesiligia i se aofaiga ua mae’a ona latou fa’atumuina talosaga mo lea alamanuia, ae ua fa’ailoa mai e nisi i le laulau, “Masalo o le va’aiga lea e te va’ai atu i ai i laina uumi nei, e fa’asefuluina i le vaiaso muamua na tatala ai lenei alamanuia, lea ua te’a atu lena vaiaso, ae ua manatu o le a tuumamaina le tumutumu, ae leai o lea lava e fa’asolo mai pea. E le o mafai ona maua atu se aotelega o i latou ua mae’a fa’atumulia talosaga, sei mae’a aotelega atoa i latou nei i le taimi lava e maea ai i le aso Faraile a sau nei avanoa uma, ona tuufa’atasia lea ma maua atu ai se aotelega o i latou uma ua fa’atumulia talosaga o lenei fesoasoani.”

 

Se’e mai e fia malamalama i pepa e ao ina taua’aoina mo lenei alamanuia, ae fa’ailoa mai, “E fa mea muamua lava e tatau ona tu I le laina e fa’atumu ai sau pepa talosaga, ae ua mae’a ona e umia. O lou saogalemu ma lau ID o lo’o aoga pea. A uma loa ona mana’omia lea o le tusi ua mae’a sainia i luma o le Loia e fa’ailoa ai ua e tauto sa e fagota mo le tausiga o le fofoga taumafa o lou aiga, ma e to’alua ID o nisi e ao ina latou fa’amaonia sa va’ai o e faia lena faiva, ae ua taofia ona o le fa’asa o le Covid-19.”

 

O mea na e fa e tatau ona e sau loa o le a fa’atumu lau talosaga mo lenei alamanuia, ae ua mae’a e tula’i i le laina ma oe. Pe o se tasi fo’i sa molimauina lava oe o lou lea faiva o le alu e fagota mai se I’a e fai ai le tausamiga a lou aiga, ae ua le toe faia talu ai le fa’asa o le Covid-19.

 

Pe a uma ona fa’atumu lau lea talosaga, o le faiva o fa’atalitali ma le onosa’i e ao ina la’ei ai le atunuu, ae se’i fa’atalitalia le tali mai ona fa’ato’a maua fo’i lea o le fesoasoani mo aiga. 

 

E le’i i ai se fa’alauiloaga aloaia na tuuina mai i Nusipepa ma Leitio fa’asalalau o lenei alamanuia, ae sa faia se fa’atalanoaga i luga o le Teevise KVZK, ma o le fa’alogo a isi ua tuutala i ai nisi sa mua’i laina mo lea alamanuia, ua fa’apea fo’i  ona matua gasolo mai le atunuu o e ua tauto o nisi o le aufaifaiva, ina ia talisapaia lea manuia ua atofa mai e le CARES Act o le Covid -19.

 

Ua fa’ailoa mai, ua pei lava o le faiga o le Food Stamps lea sa maua mo aiga talu ai le Afa o Gita le faiga e tagata o lenei talosaga, ua le fa’avasegaina na’o matua ae ua alu fa’atasi ai ma fanau ua mafai ona o e fagota.

 

Fa’amalo fo’i i le aufaigaluega a lea Matagaluega mo le tele o le onosa’i i le tautuaina o le atunuu o gasolo atu. O nisi e va’aia lava e le o toe agava’a e o e fai ni faiva, ae ona o le agaga lava e alofa atu i le taumafai mai ua talia pea a latou talosaga ma fa’aulu, atonu lava e tau ane ai le filifiliga ma maua se vaega tupe mo le fofogataumafa i lenei vaitau fiafia o le tausaga.

 

TOLOPO 30 ASO - MALAGA VA’ALELE & TAGATA O LE ATUNUU

 

E lua ataupu o le fonotaga fa’apitoa a le Komiti Fa’afoe o le Covid-19 lea na faia I le aso Faraile talu ai. O le talanoaina lea o le fuafuaga fa’ataoto o le Malaga mai a le Va’alele ua toe fa’afo’ia mai ai tagata o le atunuu o lo’o opea i fafo, ma le fa’ataotoga o se fuafuae fa’asolo ai le tuiga o le vaila’au e puipuia mai ai i le Covid-19.

 

Na muamua lava fa’ailoa mai e le taitaifono le fa’aiuga a Kovana Lolo Moliga, ua talia e ia le fa’aaogaina o le Pfizer ma le Modema vaccines fo’i. O lo ua talia le vaccine Pfizer e fa’aaoga mo le vasega o e ta’imua mai i glauega o lo’o puipuia ai le mamalu lautele mai le a’afia i le Covid, afai lava e totoe mai ai nisi vaccine ona fa’aaoga muamua loa lea i le vasega o le atunuu o lo’o soifua ma gasegase e vave ai ona a’afia i le covid-19.

 

O le vaila’au o le Modema e mulimuli mai o le a fa’aaoga lea mo tuiga o le mamalu lautele o le atunuu.

 

“O le taimi lava o le a maua ai le vaccine Modema, o le taimi foi lea o le a amata ai tuiga mo le mamalu lautele o le atunuu, o le a muamua fo’I ona faia tuiga mo i latou e ao ina vave puipuia ona o lo’o I ai gasegase tumau, ma le fanauiti,” o se fa’amalamalamaga fo’i lea a le komiti. 

 

Ua oo lava fo’i ia i latou o le a aumaia e le Malo mai mea o lo’o opea ai ona o le Covid-19, ua mae’a talanoaina e I latou le faiga o nei tui puipuia, e faia pe a tulaueleele mai, pe faia I setete ma teritori o lo’o opea ai nei.

 

O lo ua fa’atonuina fo’I e Kovana Lolo Moliga sui taitaifono e to’alua, CEO o le LBJ Medical Center, Faumuina John Faumuina ma le Fa’atonu sili o le DOH, Motusa Tuileama Nua, ina ia la’ua saunia lelei le aiaiga faataoto o le Tuiga o Vaila’au e puipuia ai le atunuu mai le Covid-19, ina ia tuuina atu lona taliaga o lea fo’i fuafuaga fa’ataoto.

 

Pe a oo loa ina pasia lelei e ia lea fa’atulagaga ona tuu ai loa lea e fa’amalosia e ta’ita’i o le a soloa’i mai mo le faigamalo fou a le atunuu.

 

O lo ua fa’afofogaina fo’i e nisi e to’atele le saunoaga a se tasi o le Komiti Fa’afoe o le sailiga o vaila’au e puipuia ai le lautele mai le Covid, James Hildreth, lea ua ia fa’ailoa atu I le NBC’s Weekend Today, ma ua ia fa’ailoa mai, e tauau e mafai e i latou ona fa’ataga mai le vaila’au e fa’aaoga e pei lava o le aso Faraile nei.

 

Peita’i i le mataupu tau le ulua’i malaga ua foufou nei e aumaia ai nisi o le atunuu o lo’o opea i fafo ua faailoa mai e Iulogologo ua ia talia le fa’aiuga ina ia toe tolopo le aso e faia ai lea malaga, e tusa o le 30 aso mai ia Ianuari 18, 2021. O lona uiga e fa’ato’a faia lea malaga ia Fepuari 19, 202, ia lava le taimi e fa’aaoga ma mita’i ai, po’o le a se aoga o le vaccine e puipuia ai tagata mai le fa’ama’i Covid-19.

 

TULAI MAI AFIOGA SATELE ALIITAI LILIO – I LE SENATOA MO LE VAIFANUA

 

Ua ma’ea soalaupule le itumalo o Vaifanua ina ia latou filifili se taitai o le Itumalo e seei I le nofoa o le itumalo i le Maota maualuga o le fono faitulafono. Ua maua le fa’aiuga ma ua filifilia ai le afioga Satele Aliitasi Lili’o ina ia avea ma senatoa o le itumalo.

 

O le fa’aiuga lea a le itumalo sa faia lea i le Maota o le afioga Satele i Alao i le fa’aiuga o le vaiaso na te’a nei.

 

Ma o Satele o le a suia le afioga Gaoteote Palaie Tofau i le itumalo. O Gaoteote o lo’o avea ma peresitene o le Senate. 

 

I le fonotaga sa faaalia lava e Gaoteote lona naunauta’iga ina ia fa’aauau pea le finagalo o le Itumalo e tulai ai pea o ia i le tofi Senatoa ma fa’aauau sana tautua mo le itumalo. Ona ua atoa le 8 tausaga o lana auaunaga.

 

I le avanoa o le afioga Satele, sa ia fa’afetaia le afioga le Tamaitaioleao ona o lona siitia fo’i o le tofi o le Vaifanua i le isi la’saga maualuga ua ia tu’ua ai nei, ma o se fa’ailo lea o lana tautua iloga i le atunuu ma le fono faitulafono lava ia.

 

Ona o le avanoa lenei ua maua mo ia ma lona fo’I aiga e tautua ai i le nofoa o le itumalo, o lea ua ia lagona ai ua tatau fai fo’i sona aoga i le itumalo i mataupu fai a le fono faitulalafono. Na fa’ailoa fo’i e Satele ua leva fo’i o tatalia e lona sui se taimi o le a maua ai e ia lea avanoa.

 

I le taimi nei o lo’o galue pea Satele o se fa’amasino i le Vaega o Fa’amasinoga a le tatou Malo ma nonofo nei i la’ua ma le faletua ma le aiga i Alao.