TETELE TATAGA MULIMULI O LE PALOLO:

Na matua fa’amama’i le to’atele ina ua iloa, na sau lava le manuia, le i’a e fa’ananau i ai le mata’ai, ae le to’atele na latou taina. Ua ta nei, ae ua le lava le tapenaga mo le o’o mai o le i’a. O Alega lea na fa’amanuiaina tele, ua iloga le to’atele na ta ai, ua o lava ma le mama ua lomi ma le va’a ua goto, tutumu a latou kula ma paelo ma mea uma na latou tapena e ta i ai le i’a.

E to’a 20 i latou na ta i Alega, le Tisa’s Barefoot Bar, ma ua fa’amanuiaina fo’i le taliga o le au o le i’a latou. Fa’ailoa mai e nisi o i latou e matua sau poloka. E to’a fo’i le i’a ua le tatafe mai i uta aua ua tau leai se matagi i lea teao.

O nisi o fa’amatalaga e fa’aoso le fiafia ai le to’atele, ua fa’ailoa mai le mea moni ua tupu.

“E moni lava o le taimi lava e le magafagafa ai, e sau ai le i’a, ae le to’atele nisi na latou fa’atalia. O fea uma o i ai le ‘au mata’a’ai ma le fiafia e ta le palolo, lea ua a’e mai le i’a, ae na’o le to’a 20 i latou ua fa’atalitalia? O le matua tele lava o le palolo 2019, tataga mulimuli ia Novema.” O se tala ata lea a Tisa aua o lona itu o le si’omaga lea ua fa’alauiloa mai, e matua tele lava le i’a i lenei tausaga.

Na fa’atau nisi o tataga a aiga sa mana’omia le seleni, ae le’o manatu i latou ina ia fa’atau uma atu, fa’afetai fo’i ua tali ai le mata’ai ina ua fa’atau atu. “I le taimi nei ua na’o na mana’ona’o, ae ua leai ua tatalia fo’i 2020 ma ona ‘ai,” ose tala ata lea a se tasi o tautai.

LATA INA TATALA LE ITU O MASINI E FA’ASE’E MAI AI ATOPA’U & UTA

I le malae va’alele i Tafuna o lo’o ua fa’aauau pea galuega toe fa’aleleia atili le itu o i ai masini e fa’ae’e i ai atopa’u ma uta, ma fa’asolosolo mai ai, ina ia sailia e le tagata o le pasese a latou atopa’u ma uta.

Ua fautuaina le mamalu o e femaga’iga, ina ia tautuana ia, la’ei tagata uma i le onos’i a’o taumafai si aufaigaluega a le tatou Malae va’alele ina ia fa’amae’a lelei lea itu taua o le malaeva’alele.

I le taimi nei o lo’o la’u mai lava e le aufaigaluega a le Kamupani Va’alele le tele o uta ma aumaia i lea itu o le malae vaalele, aua o lea e le’i mae’a lelei, ae a o’o ina lelei, ona galo fo’i lea o nei omiga ma tiga, ae fiafia i le tautua o le a siitia le Malae  Va’alele i Tafuna.

Fa’ailoa a le ali’i Pule i le Malae Va’alele o David Fuimaono, “Ia lava le onosa’i a le mamalu o le atunu’u, a lelei lava mea ua fa’aleleia i le malae vaalele, e le po pea Samoa, e toeititi lava ona mae’a fo’i lea o lenei tautua, toe tatala atu ua si’itia fo’i le tulaga ua tautuaina ai oe.”

LE ATOA ITUAIGA FUALA’AU ESEESE - AUMAIA MAI NIU SILA TOGAFITIA AI MEAOLA

Ina ua toe siakia le lisi o fuala’au eseese na aumaia mai Niu Sila i le Oka a le ali’i foma’i manu Dr. Kenn Lameta, ua fa’ailoa mai ai e le Matagaluega o le Puipuiga Lotoifale (ASDHS), ua le atoa vaila’au na aumaia, ma mea ua fa’ato’a siakia nei e lea matagaluega.

O lisi o lipoti o le aofai o fuala’au eseese na oka atu a le ali’i foma’i manu mai Amerika Samoa, Matagaluega o Fa’ato’aga, ua fa’amautu ai, e i ai ituaiga o fuala’au ua avea atoa ma ua sailia nei po’o ai ua avea nei fuala’au.

Ua fa’aioa mai e Samana Veavea, ua fa’atautaia nei le suesuega mae’ae’a lelei a lana matagaluega , po’o ai ua ave’esea nei fualaau po’o vaila’au. O ituaiga nei e le tatau ona fa’atagaina ona auina mai i totonu o le atunu’u, ae maise ai o lo’o auina mai Niu Sila, ae le’i mua’i pasia mai e le USDA.

Ua fa’ailoa mai fo’i, e le o fa’aaogaina vaila’au nei mo meaola e pei ona mua’i talosagaina ai e aumai mo le fa’amoemoe e fa’aaoga i ai.

O le tau aofai o nei vaila’au e $10,000. ma ua latou mauaina fo’i le fa’amaumauga, o le susuga lava i le foma’i manu Ken Lameta, o ia fo’i lea sa fa’atuatusi mai i ai lenei fo’i oka.

Ua fa’ailoa mai fo’i e Samana, o le mea mautinoa ua fa’ailoa mai e Dr Kenn Lameta, ae ua faailoa mai e ia, e na te le’i siakia mea sa i totonu o le pusa na aumai ai le oka lenei mai Niu Sila.