O LE AFU NATIA

A’o ta’a’alo Lili, Aleki ma Mareko i le togavao i se tasi o aoauli, i le susulu manaia o le la, sa faapea atu Aleki ia Lili,
Ta mili po o ai e mafai ona pe’a i luga o le la’au pito sili ona maualuga.”

“Ou te peti ia Lili,” o le vala’au mai lea a Mareko.

A’o latou ta’a’alo, na iloa atu e Mareko ia se manu i le va o la’au.  “E, vaai!” o lana valaau atu lea ia Lili ma Aleki.  “O fea e alu ai le auala lale?”

Ua tamomo’e atu Lili ma Aleki ma salu ese ia laula’au sa kava ai ia se auala.  “O fea e alu iai le auala lea?” o le fesili lea a Lili.

“Tatou o e va’ai!” o le valaau atu lea a Aleki.

Ua amata loa ona savali atu le to’atolu lea e va’ai po o fea e alu iai le auala i le togavao ma o latou tau atu ai i se afu.

“Oka se manaia!” o le tala lea a Lili.  “Vaai atu foi i le vaitafe lale.”

Ua tamomo’e atu nei ia Lili, Mareko ma Aleki i le afu, ma tu tu i autafa o le afu ma sioa atu i le matagofie o lea nofoaga natia.

“Oka se matagofie o lenei nofoaga,” o le tala lea a Aleki.

Ua faasino atu nei Aleki i se fa’aupuga o tusia i luga o se ma’a.  “Fai mai e a ia faaupuga na?”

Ua to’otuli Lili i autafa o le ma’a ma faitau upu nei, “O tua atu, o iai se mea ofoofoiga”.

“O le a le uiga o lena faaupuga?” o le fesili a Mareko.

“Ia ta’ilo,” o le tali mai a Lili.

“Ai o fai mai, o tua o le afu, o iai se mea ofoofogia,” o le faapea mai lea a Mareko.

“Tatou o e va’ai!” o le oso mai lea a Aleki.

Ua savalivali atu nei ia le to’atolu lea i totonu o le vaitafe o lo’o pa’u mai ai le afu ma ‘a’au atu i lalo o le afu.  Ina ua o latou o’o atu i tua o le afu, sa o latou va’aia ai se ana tele lava, o lo’o fepulafi mai ai ni ma’a ‘ese’ese.

Ua feosofi atu nei le to’atolu lea i le fetagofi i nei ma’a emoemo.  “O mea ofoofogia ia?” o le fesili leo lemu lea a Lili.

Na fai si umi o feoa’i ia le to’atolu lea i totonu o le ana.  Ma ina ua o’o i le taimi o le a latou toe fo’i ai, sa tonu ia i latou, o le a latou le ta’uina i seisi ia le ana.

A’o latou agai atu i o latou aiga, sa faia le tonu a le toatolu lea, o le a toe o mai e asi le latou afu natia ma le ana lea o lo’o iai mea ofoofogia.