LALELEI OE

Na te'i ae i luga se alii faifeau sa moegase i lana taotoga i le falema'i, e tilotilo ane o loo saofai se teine aulelei i ona tafatafa, ae galo ia te ia, o lana toalua, sa pulapula a'e i luga ma fai atu loa i le teine 'aulelei lea, "Your beautfuuuuul….!!!!.".

Ia toe moe, sefulu minute na moe ai ae toe ala a'e i luga vaai atu i le teine 'aulelei i lana vaai, "Your a BABBBBBBBYYYYY….." toe moe foi.

Ala a'e i luga ua te'a le niniva i le vailaau, ua te'i i le tilotilo mai i le fafine, o lana faletua lea ua nofo atu, fesili mai loa i lana toalua, "Ua leva ona e sau ?." iloa lelei e le faletua, o le niniva la lea na alai ona fai mai 'beautiful ma baby mai ia.'

Ua leva tele aso e le'i faalogo i lona faletua e nei ituaiga tala mananaia,  o le isi mea o le faletua sa teine tausima'i ae le'i avea ma faletua.

La'ala'a atu loa le faletua i totonu o le potu lena e tuu ai tui o le 'ward' lea, sau loa i fafo ma le tui, tui loa le faifeau lea, ua toe niniva foi le faifeau ma moe loa.

Na ala a'e a i luga, fai mai loa i le teine lea e nofo i talane o lona moega  "You're "BEAUTIFUUUUUULLLL…..!!!!!!." toe moe, sefulu minute ala a'e i luga, "BABBBBBBBYYYY….!!!!!." ia toe moe, fai mai loa le faletua, "Ia o lena ua faato'a sao mai ou tala e tatau ona fai mai ia te 'au."

O OU TOALUA

O loa i le faaipoipoga i le Ekalesia e faapapalagi le faiga na uma loa le lotu o le faaipoipo, o mai tamaiti ia o Aleki ma Oba talatalanoa mai i le auala,

"E fia ou toalua e mafai ona e faaipoipo i ai a alii Aleki?.  "E sefuluono…!!!!." fai atu loa Oba,

"Oka o lena e fiu le mea e sue mai e isi toavalu e oo mai lava le oti e le'i maua lava."

Ae fai mai loa Oba, "Manatua le tala a le faifeau papalagi lea na fai i le tama Samoa lea na faaipoipo, lea na fai mai '4 better, 4 worse, 4 richer, 4 poorer……lona uiga e sefuluono ona toalua e mafai ona fai."

Ua le iloa e Aleki pe a fai i ai pe tuu ai pea e fai lona faavalevalea lea.