E LE SA'O TOALUA

Na o i totonu o le faleaiga le ulugalii lea e 'aai ai, na saofafa'i loa ia sau loa le teine o le faleaiga, na fai loa le oka ma le vaai atu o le teine, ua amata lava ona sese'e malie ifo le tamaloa i lalo.

Ma ua vaai atu le teine o le faleaiga, ua totolo atu i lalo o le isi laulau ma toe totolo atu i lalo o le isi laulau ma alu atu lava i fafo, fai mai le teine, "Oi tina, o le la ua oo atu i fafo lou toalua." ae fai mai le fafine, "Shhhhh…aua e te pisa o lou toalua lena e savali mai."

Oo mai loa le toalua sao o le fafine lea, fai atu loa le fafine, "E matua ai e faiaga tele ua leva ona faatali atu le mea'ai na ou okaina." fai mai le tamaloa, "Oute le 'ai supo na e te iloaina ua faasa e le fomai, e le mafai ona ou aiina se supo se'i uma lou taatoga."

Fai mai loa le tamaloa, "O le fiafia ia o Fereti e 'ai supo ia." ae o le taimi lena ua leva ona alu Fereti i fafo o le tamaloa teu laau lena o le ulugalii lea.

OH MY GODDDDD…..

Na i ai isi toeaiina Italia na fai le latou mea'ai i totonu o le isi faleaiga, ia o le 'au vaega e lotu Katoliko uma, fai mai loa le isi toeaina na, "O lou atalii ua faauuina nei o le faifeau, o le mea lava e alu i ai, e faaaloalo uma tagata i ai, e faaigoaina o le 'Father'."

Ae 'oso mai le isi toeaina na, "O lou atalii ua maua lana tofi o le Bishop, e savali mai i luma o tagata, e faaigoaina 'Your Crace…" ia ua taufai gugutu ai lava lea o nei toeaiina i totonu o le faleaiga.

Ia fai loa le isi toeaina, "O lou atalii matua ua faauu nei e avea ma Katinale, o le taimi lava e Afio mai ai i luma o tagata e matuai mamalu lava, fai mai tagata, "Your Eminence" ae lea e 'ata'ata lava le isi toeaina lena, fai mai loa le toeaina lena, "O lou atalii lea ua Pope nei o le Ekalesia, e Afio mai loa e ua taufai ifo uma ulu o tagata i lalo ma latou fai atu i ai, "Your Highness'."

Ia ua malo le atalii o le toeaina lea o Iefeta, ia fesili loa i le loomatua o Elisapeta, "E leai sau tama o faifeau alii Elisapeta ?." ia fai mai loa le loomatua, " Ia e leai sa'u fanau tama, ae e na o lou tama teine lea e toatasi lava, e DD 38" lana fatafata, e 24" lana fika, e 34" ana hip, ae o le mea la outou fai atu ai, a savali mai e oo i le Pope ma le Bishop ma le Father ua taufai fai mai uma, 'OH MY GODDDDDD……."