Ua toe manumalo fo’i le au basketballa tama’ita’i i lana ta’aloga lona lua i le aso ananafi, ina ua fa’ato’ilalo e tama’ita’i Amerika Samoa le au malosi mai Niu Kaletonia i ‘ai e 79-62 i se ta’aloga mataina ma le finau.

Na matua laulogo totonu o le fale matamata i le malae lona lua i le pisapisao o le tapuaiga a Amerika Samoa atoa ai ma le fa’alealea solo o le tagai a Amerika Samoa, a’o fa’atino e tama’ita’i le galuega fita o le sailiina lea o se latou avanoa e la’a ai pea i luma mo le sailiga siamupini i le ta’aloga o le basketball.