FAASASALAU LE AVANOA O LE CIA

Faasalalau le avanoa a le CIA ae maua mai le iuga, na o le toatolu lava tagata ua pasia, lua tamaloloa tasi le fafine sa o atu lou le toatolu lea ma le latou suega mulimuli, fai atu loa le tamaloa o le CIA e muamua mai le isi tamaloa

Alu atu loa i totonu o le potu e uamea uma, fai atu loa le CIA, "O lou toalua la e i totonu o le potu…..e filifili la oe, pe ete tago e faga pe leai ?" ae fai mai le tamaloa, "O le a avane lava le galuega ma mea o le o fana ai fua si fafine…e leai."

Ia alu atu foi le tamaloa lona lua, fai atu ai le tamaloa o le CIA, "O lou toalua le la i totonu o le potu lena, alu nei i ai e fana…!!!!!" ae tagi le tamaloa lona lua ma fai mai, "Ou te le mafaia…..".

O o loa i le fafine, na fai atu loa le CIA o lana toalua lea e i totonu, tatala loa ma le faitotoa faalogo atu ia sui o le CIA, ua pa mai le fana, toe faalogo atu ua pa soso'o mai le fana.

Le'i umi a ae faalogo atu o patia-pata mai solo totonu o le potu, le'i umi lava ae masau mai le fafine i fafo ua afu uma ma fai mai i le tamaloa o le CIA, "Sole matuai e faaletonu alii, poo le a mea na ave fua ai nei pulu pepelo i totonu o le fana…ia ua laki o le nofoa lea na faauma ai le tamaloa."

NA O AMERIKA SAMOA

Na o Amerika Samoa lava e maua ai taavale o tuu ai saini o le 'handicap' ae paka i luma o Bingo.

Na o Amerika Samoa lava e te maua ai tagata e oka le 'double cheese burgers', 'large fry' ma le DIET coke.

Na o Amerika Samoa lava e tatala uma faitotoa o le Bank ae i ai maea e tautau ai e amata mai i totonu o 'counters' e oo i le faitoto'a ae o la talanoa mai fafo Security i tua o taavale. Ana sau se tagata leaga e sau lava a faasiilima uma tagata i totonu ae o le la e 'ata mai i fafo le sekulaki.

Na o Amerika Samoa lava e tutu i taavale e fafo ae tuu le anoano e atigi pusa i totonu o fale taavale.

Na o Amerika Samoa lava e ave i totonu o latou taifau ma pusi i fale ae tuu i fafo tamaiti e taalo ai.

Na o Amerika Samoa lava e ola uma ili, moli, ae o la e nofonofo ma tafafao mai i fafo.

Na o Amerka Samoa lava e faaola le TV ma le 'computers' ae o le la e o i Fagatogo.

Na o Amerika Samoa lava e iloa ai e vaai e le isi tamaiti isi tamaiti i le afiafi, ma fai le latou lotu ae la e o uma le ulugalii i le Bingo, ae leai foi e inu pia le tamaloa i lalo o le fau, ae alu le fafine i le Bingo.

LELEI TELE LAU NUMERA

Ua vaavaai atu le faiaoga o alu lava le ulu a Esau i le latou vasega numera i le tasi aso, valaau atu loa le faiaoga e sau, "Ua ou vaai atu lava ua alu tele lou ulu i le numera alii Esau, ou te iloa foi o oe o se tama e atamai tele."

Fai mai loa Esau, "E le taitai ona maua e lou mafaufau pe afai ou te le faalogo lelei i ai." fesili atu loa le faiaoga, "Esau o le a le mafuaga e maua ai le 4, 2, 28 ma le 44 ." sa fai se leva o tutu ai le tama o Esau, fai atu loa le faiaaoga, "O lou fesili o le a le mafuaga e maua ai 4, 2, 28, 44 ?." ae sau loa ma le tali a le tama o Esau, "NBC, CBS, HBO ma le Cartoon chanel."

MANUIA LE ASO SA O TAMA