Ads by Google Ads by Google

Lauga

O TAGATA NA O MAI MUAMUA E IFO I LE MESIA

 

E moni ea o tagata e le amanaia ia tagata o i latou na, na muamua i le Mesia i le taimi na fanau mai ai ?.

 

E fai mai le au Kerisiano uma, o le Mesia ua leva ona valoia mai e le Feagaiga Tuai, ae faataunuu atu i le Feagaiga Fou.

 

Na soifua mai le Mesia ia Maria le tamaitai-sa (virgin Mary) e le'i iloa e ia o se tama tane i lona olaga ao laitiiti, se'i ia avea o ia ma tamaitai e ala mai ai le Alo o le Atua Soifua.

 

Ia tuu ia le na mau mea, ua iloa uma e tagata le tina o Iesu pe a tuu ifo i le tama ma le tina, ia atoa ai le valoaga i le afio mai o le Faaola.

 

E pei ona valoia mai i le Numera 24:17 ma le Mika 5:2 i le mea e afio mai ai le Mesia ma faailoaga e te vaaia muamua ona afio mai ai lea o le Mesia.

 

Ae peitai, o i talofa e, ua muamua mai le 'au Makoi mai i Sasae toe soso'o mai ai tagata leoleo mamoe sa leoleo mamoe i le vao.

 

O tagata e toaaga le leoleo mamoe, ae o le mea e faia e nei tagata a le leai se tagata o le aiga lea e ona le fanua e ave lava i ai o latou mamoe e tataa ai, vagana ua tau atu i ai se tagata o le aiga, ona tutuli mai lea o ana mamoe i le fanua o le aiga.

 

O tagata e toa'aaga e ave mamoe i uta, ae le faamaoni i le mea e tata'a ai ona lafu mamoe.

 

O le la latou galuega na e fai, o le faiga o mamoe e maua ai le vao lelei ma ola e faatata'a ai a latou lafu mamoe.

 

Ae o lenei, o lona uiga o tagata o nu'u 'ese ma tagata e amio pi'opi'o i le fanau e faatata'a ai o latou lafu mamoe, pe a leai se tagata o le aiga, ua pule le tagata e faatata'ina ma e ua soaloto ai le lafu mamoe i fanua.

 

O tagata tonu lena na afio mai le Alii Faaola e faaolaina e amata ai lana faaolataga, o tagata e mama loto, ae sese le mea na ola ai i le amataga.

 

O tagata lea na matua'i naunau i ai le Mesia ina ia alu i ai lana talaiga, o tagata e mama loto, e toa loto i le talaina o le Tala Lelei.

 

O tagata e le fefefe, e faatuatua i le feagaiga fou lea ua oo mai ia latou le faaolataga. Amene.