O AI NAOMI?

Ina ua tupu le oge tele o Iuta, na o loa Naomi ma lana tane ma ana fanau tama toalua i Moapi. O le igoa o le tamaloa o Elimeleka, le igoa a lana ava o Naomi, ma lana fanau o Maalona ma Kiliona.

O sa Efarata i latou e o mai i Peteleema o Iuta. Ua o atu ma nonofo i le nuu o Moapi, ma ua maliu ai Elemeleka, ona totoe ai o lana fanau tama e toalua, ua fai ava foi le fanau a Naomi e teine Moapi.

Ua sefulu tausaga ua nonofo ai, ia ae te'i foi ua maliliu Maalona ma Kiliona, ua totoe ai o le tina ma nofotane nei e toalua.

Ua talanoa atu i toalua a lona fanau tama, e toe foi atu i laua i Moapi i aiga o le la tina, aua nei faatalitali mai ia te ia, aua ua oti lana tane, e leai se mea e faatalitali mai ai, aua o ia o le tagata ua matua.

Le mea lena na fautua i ai Naomi, o ia ua le toe fanau e mafai e maua ai nisi a toalua, ona alu loa le isi fafine lea o Orepa e iloa ma malamala i le mea lea na fai atu ai Naomi.

Ao o Ruta, o le tasi toalua o le isi o lana fanau tama ua maliliu, e 'ese le mea lea e manao ai le fafine lea o Ruta, ua faaalia lona alofa moni ia Naomi pei a o sona tina moni.

E ui ina le taulia tele i latou i le aganu'u a Isaraelu, e pei a na'o tama e tuu i ai le vaaiga o le aiga, o le gafa, o mea uma lava, aemaise le ulumatua, e pei lava o ia le tagata e tuu uma i ai fanua, o mamoe, o povi ma asini a le tama.

Ae o le tala lenei i le fafine e igoa ia Naomi, o le tasi lea mea e ta'u mai ai le aumaiga o le gafa o le faaola, pei ona tatou iloa lelei le lelei a Ruta, lea na tauia ina nonofo ma Poasa.

O  Poasa o le tausoga o le tane a Naomi, ma fai ai e Naomi le auala e alofa ai ia Ruta, ia lea na faia loa ma toalua a Poasa ma fanaua e i laua o Iese. Lea na fanaua ai lea o Tavita le tupu lona lua o Isaraelu lea na tupuga mai ai le gafa o Ie Faaola.

O le tasi foi lenei o fafine e lavea uma i le gafa o le Faaola, ia viviia le Atua ona o ana faiga o lona auina mai o le tagata uma o le lalolagi, e ta'u mai ai ia tatou, o le Faaola e afio mai na o Isaraelu, ae na afio mai mo lalolagi atoa. Amene.