Ads by Google Ads by Google

Tala I Vaifanua


[ata: foa'i]

Pago Pago, AMERIKA SAMOA - 

 

FALEMA’I E TOGAFITIA AI TAGATA A’AFIA VAILA’AU OONA MA FUALA’AU FA’ASAINA

 

Ona o le to’atele o le fanau talavou ma tagatanuu o Amerika Samoa ua matauina ua molia fo’i i soligatulafono ona o a’afiaga tau vaila’au o’ona ma fuala’au fa’saina, ua manatu ai le malo o le a amatalia loa ona fausia e i latou vaega o le falema’i ina ia togafitia ai fa’aletonu uma tau le soifua maloloina e aafia ai i latou sa tagofia ma ua le mafai ona tu’ua vaila’au oona ma fuala’au fa’asaina.

 

Ua fa’ailoa mai e le Fa’atonu o le Soifua Maloloina, Motusa Tuileama Nua, o lea vaega o le falema’i, ua talanoaina so’o ma ua fa’ailoa mai fo’i e le fa’amasinoga i le Matagaluega o le Soifua Maloloina, ua leva ona tatau ona fa’atuina lea itu o le tautua, aua ua fa’ateleina lava le aotelega o tagata e a’afia i nei ituaiga o fa’aletonu tau le mafaufau ma le soifua laulelei.

 

“Ua tatau lava ona fa’amautu loa lea vaega mana’omia tele o le tautua ma le auaunaga a le tatou matagaluega o loo puiouia le saogalemu o le soifua Maloloina o tagata lautele o le atunuu.”

 

Ua faia soo fonotaga a komiti ina ia mafai ona fa’atula’ia lenei galuega ma ua fa’apea fo’i ona faia le fonotaga i le fa’aiuga o le masina ua te’a. 

 

Ua fa’ailoai fo’i e Motusa ua i ai vaega o le Matagaluega ua siitia nei e fa’amautu i le Halecks Business Building i Tafuna, le maota sa fa’amautu ai le Argosy University. O le vaega lea o le Helping Hands, ma le Behavioral Helath Clinic.

 

$17.8 MILIONA NOGATUPE SBA MO PISINISI I AMERIKA SAMOA

 

I le tuufa’atasiga o tupe nono ua talosagaina e le mamalu o le atunuu mai le Small Business Administration ua siitia mai nei le na’o le $2.6miliona i le $17.81+miliona ma o se fiafiaga fo’i lea o le tamaitai faipule o Amerika Samoa i le Konekeresi a le malo tele.

 

O le aoteelega lea o le tupe ua mafai ona maua mai i le tu’ufa’atasiga o nogatupe e 321 mai polokalama e lua o lo’o fa’atautaia nei. O le 189 o tupe toina mai lea ua fa’atulaga le ta’i $5,613. mo le talosaga fa’aulu e tasi.

 

O le fesoasoani tupe ua fa’atulaga mai le SBA e aofia ai le Paycheck Protection Program [PPP] lea ua toe soso’o mai e le Konekeresi le taimi e talosagaina ai mo le isi vaiaso atoa lenei, ma le EIDL poo le Economic Injury Diaster Loans Program, po’o le polokalama ua fa’atulaga e fesoasoani i le a’afia o le tamaoaiga e fa’atautaia ai pisinisi pe tausia ai tagata ta’ito’atasi ona o le taofia ma le fa’asa o galuega ona o le Covid-19.

 

O le toe soso’oga lea ua i ai nei i le polokalama a le EIDLP ua toe fa’ao’o atu ai lea polokalama se’ia oo ia Aukuso 8, 2020.

 

O nogatupe mo le PPP e 26 ua maua ai le aotelega e $1,771,293. ua taliaina nei ma ua oo ai le aotelega o nogatupe ia i le 223 mo le aotelega o le tinoitupe e $10,506,811.

 

Mo le polokama o le EIDL, e le o ni nogatupe la vaega tupe ia, ua talia nei le 189 o talosaga nei mo le aofai o le seleni e $1,061,000. Mo le vaega tupe o le EIDLP e fa’aalu mo Pisinisi ma o nogatupe la ia feagaiga mautu, ua fa’aulu fo’i le vaiaso ua te’a nei talosaga uma, ua toe fa’aopoopo ai le isi $665,300. ma ua oo ai le aotelega o nogatupe nei i le 98, ae o le tinoitupe ua tula’i mai i le $6,242,600.

 

O le polokalama o le PPP ua tatau ona mae’a le taimi e talosagaina ai, peita’i ua toe soso’o mai e le Konekeresi ma ua fa’aauau nei se’ia oo ia Aukuso 8, 2020. Peita’i o le EIDL ua fa’ailoa mai e tatala lava se’ia oo ia Tesema 2020.

 

Saunoa fo’i le afioga le Faipule i le Konekeresi, Tali Aumua Amata, “O lo ua mana’omia tele e tatou pisinisi i le teritori le fesaosoani tau tupe i le tapunia ai o fefa’ataua’iga i le tele o taimi sa masani ona maua ai i latou le tupe e sapaia ai fefa’ataua’iga, ma e mana’omia e le atunuu pisinisi uma lava ae maise o pisinisi laiti.”