Ads by Google Ads by Google

Tala I Vaifanua

FA’AMAE’A VAVE FAUSAGA NOFOAGA MO SUESUEGA O GASEGASE

 

Ua toe alo atu nei le vasega o tagata kamuta i le Matagaluega o Galuega Lautele a le tatou Malo, e toe fa’amae’a lelei le fausaga o le isi fale i talaane o le Falema’i Fa’apitoa mo i latou ua togafitia fa’apitoa o latou mafaufau i Faga’alu po’o le “Behavorial Health Center.”

 

Pe a mae’a lea fale ua toe fa’atulaga nei, ona se’e lea i ai o le vasega o e o taooto i le Beahavorial Health ae fa’aavanoa lea nofoaga mo le togafitiga o gasegase ua masalomia o lo’o iua a’afia i le Coronavirus.

 

O le a fa’aopoopo lea nofoaga i le isi nofoaga ua mae’a tapena mo le Covid-19 ua mae’a i ai i le falema’i i LBJ.

 

Ua fa’ailoa e le fa’atonu o Galuega Lautele, Faleosina Voigt, “Ua tatalaina nei le avanoa i so’o se kamupani faufale ina ia fa’aulu mai a latou ofo mo le tauofoga e fausia ai lea galuega fou.”

 

Peita’i na fa’auilavea le saunoaga a le Kovana ma fa’ailoa atu, “Afai e fa’atalia le kosi lena o le galuega e fa’ataunuu, e uma ane loa lea tauofoga ma le fa’agasologa tonu o galuega ae ua mae’a mai ona mal oa maliliu nisi i le Coronavirus.

 

Ua fa’aalia fo’i lagona le fiafia o Dr Saleapaga ona ua faitau masina ae ma’ea lava ona tapena ni nofoaga e mafai ai ona faia suesuega ma ni taofia tagata e to’atele o le a maua i lenei fa’ama’i pe a oo mai i le atunuu.

 

Ua fa’ailoa mai e le fa’atonu o Galuega Lautele o lo’o ua ofo mai fo’i le tautua a le USArmy Corps of Engineers ina ia fesoasoani atili i le fausaga o nei poloketi fa’apitoa, ma ua fa’ailoa mai fo’i le vaitaimi tonu e mafai ai ona latou galulue fa’atasi ma le matagaluega o galuega i nei galuega fa’apitoa mo le 30 aso.

 

Ua maea ona tali atu i ai le Kovana i nei saunoaga uma, aua afai ae tuai, e oo atu i le vaitau e tatala ai femalaga’iga i le va o Hawaii ma i tatou i Amerika Samoa, ae le’i mae’a lava nei nofoaga.

 

O lana saunoaga, e na’o le 2 i le 3 vaiaso lea e totoe mo nei galuega e ao ai ona fa’amae’aina uma.

 

Ua fa’ailoa mai fo’i e le ali’i CEO o le falema’i tele i Faga’alu, Faumuina John Faumuina, “O lo ua maea fa’ailoa mai o le a taunuu mai le ituaiga o faleie tetele lea e mafai ona fa’amautu i ai nisi e suesuea fa’apitoa i le Covid-19 ma o se tasi lea

 

O Faumuina sa ia talosagaina le Kovana ina ia avea le nofoaga tuai o le FAA i Tafuna e avea ma ofisa tutotonu o le EMS e tautuaina ai le itu i sisifo o le Motu i le vaitau tonu lea o le a oo mai ai le coronavirus i le atunuu.

 

FA’AUIA E LE INITERIA $1.6 MILIONA MO LIPEA MV MANU’ATELE

 

O le Matagaluega a le Initeria ua latou fa’auia nei le $1.6 miliona o le tinoitupe mo galuega tetele, Capital Improvement Projects, ua mae’a ona fa’atula’ia ina ia faia ai lipea o lo’o mana’omia mo le MV Manuatele, le va’a o lo’o fa’amoemoe i ai femalaga’iga ma fela’ua’iga i le va o Tutuila ma Manu’a.

 

O lea va’a na fa’aleagaina ina ua taia i le Uafu i Ofu a’o taula ai i vaitau o matagi malolosi na a’afia ai le atunuu ia Iunairi 18, 2020.

 

O lo’o tatalia lea taimi e avatu ai i Honolulu Hawaii lenei va’a ina ia  toe fa’aleleia ai mea ua fa’aleagaina o lenei va’a la’u pasese ma uta mo le Manu’atele. E ui ina e le o afaina lona afi, ae ua manatu e le tatau lava ona toe fa’aaogaina mo se isi malaga ona e le tatau ona toe femalaga’i se’ia vagana ua mae’a faia ona galuega lipea o tatau ona faia.

 

Fa’aalia e le Mataluega o Uafu ma Malae Va’alele fa’amoemoe e malaga atu le va’a i Honolulu mo lipea ae ua le mafai lea tulaga tulafono a Hawai’i i le taimi nei ona o le coronavirus.

 

Ua fa’ailoa mai fo’i e le o mafai lava ona faia ni galuega lipea tau va’a folau i le tatou Mea Toso Va’a i Satala. Ua oo fo’i le sailiga avanoa i Niu Sila mo le faia o lipea i le MV Manu’atele.

 

Talu mai ona le toe fa’aaogaina le Manu’atele i femalaga’iga i le va o Tutuila ma Manu’a, ua fa’alua ona totogipau mai le va’a o Samoa, e o isi ua faia kiliva uma e fa’aaogaina ai vaa fagota o aiga ma o le taimi nei. Ua tula’i mai le va’a fou o le Paramount Builders lea ua na’o sapalai lava e mafai ona avea ai i Manu’a, le MV Pago Pago.