Ads by Google Ads by Google

Tala I Vaifanua

MANAOMIA TELE O LE SAPALAI I MANU’A

 

Fa’afetai mo fesoota’iga fa’ainiteneti lea e maua mai ai tala ma ata fa’asolo o le afaina o i ai le motu o Olosega, lea e iloga ona afaina tele i le lologa ma matagi malolosi i le vaiaso ua te’a.

 

Ua iloga ua le o toe tele se kesi o i ai mo le sapalai o le Eletise i lea motu, ao Ofu o lo’o ola nei i le Solar peitai ma tape ina ua tetele matagi ma e ao ina siaki fa’ato’a toe fa’aola ai. Ua fa’afetaia fo’i le tetele o le la i le aso Lua na te’a nei, ua iloga ua lava se isi sapalai fa’aopoopo mo lea malosi’aga e fa’aaoga e lea afio’aga.

 

Ua fa’ailoa mai e i ai le malaga a le va’a ua foufou mo se aso o lenei vaiaso, ma e tatau lava ona matu’u ese atu le tele o sapalai mo le Manu’atele, ae maise lava  i le kesi ma le suauu, o uta fo’i ma fa’amomoli mo aiga ma faleoloa o lo’o a taumafai lava e auina atu ai i nei malaga a le va’a o Fotu o Samoa lea e totogi pau mai Samoa.

 

Talu mai le ogatotonu o Ianuari 2020, e le’i toe malaga lava se va’a mo le Manu’atele, ae ua i ai va’a fagota a nisi o aiga o lo’o taumafai lava e auina atu ai sapalai i nai o latou aiga.

 

O malaga fa’apitoa a le Fotu o Samoa mo le Manu’atele o lo’o fa’amoemoe mo se aso o lenei vaiaso.

 

TOAI TAUNUU VA’ALELE MA UTA - UA TELE FOI MELI I LE FALEMELI

 

O le afiafi o le aso Gafua ua to’ai taunuu mai ai le Va’alele o lo’o la’u mai ai le Cargo ma ua fa’ailoa mai, o le a tele fo’i le meli e tufatufaina atu e tatou falemeli i le atunuu.

 

Ua fa’ailoa mai ua faigaluega ova taimi fo’i le aufaigaluega a le Falemeli ina ia mautinoa ua mae’a soti ma fa’aoo meli i totonu o pusa meli mo le mamalu o le atunuu.

 

Ua ese mai lea ae ua fa’ailoa mai fo’i o lo ua i ai fo’i le meli fa’aopoopo ua malaga mai ma le Va’alele a le Hawaiian Air i le po o le aso Gafua ma ua fa’ateleina ai le meli e soti e le aufaigaluega.

 

O le aofaiga o le mamafa o le meli ua fa’ailoa 20,000 pauna ma ua faigaluega sifi e lua a le falemeli mo le sokaina o lea tele o le meli mai le 4:00 i le afiafi i le 2:00 i le vaveao, ma le isi i le 4:00 i le vaveao se’ia oo i le 3:30i le afiafi o le aso Lua. E tatala lava le falemeli tele i ona itula masani i le aso Lua: 8:00 i le taeao se’ia oo i le 3:30 i le afiafi. Peita’i mo le pikia o afiafi mai le potu i tua o le falemeli, e fa’ato’a tatala lea i le itula e 10:30 i le taeao, ma e mafai fo’i ona fa’afesiligia luma o le falemeli pe a loka tua.