Ads by Google Ads by Google

Tala I Vaifanua


Faipisinisi o Pyo o le Family Mart i Nuuuli ma le Aiga Mart i Pago Pago lea ua ia la’u uta Kukama sa fuafua mo le Polokalama o Meaai a le fanau a’oga, peita’i ona ua tapunia aoga, ua foa’i mo le Falema’i i le Fale’aiga. Ave foi isi uta i le Falepuipui, ao le uta lea ua ave i le Hope House i Fatuoaiga. O le pule o lea nofoaga Cassandra Block Mageo lea ua ia taliaina ma lana aufaigaluega lea meaalofa taua i le taeao ananafi. [ata: Leua Aiono Frost]

O le vasega e toa 8 lava latou ua si’itia o latou tulaga i le Major, ma ua fa’afiafiaina fo’i i latou i fa’amanuiaga o le faigaluega ma le fa’amaoni, e le fa’alogologo tiga. Fa’afetai mo la outou tautua. [ata: Leua Aiono Frost]

SIITIA TOFIGA LEOLEO MATAGALUEGA PUIPUIGA O LE SAOGALEMU LAUTELE

 

O le aso na fa’au’u ai le vasega lona 27 o Leoleo fou na a’otau fa’apitoa mo le 5 masina, i le masina ua te’a, na fa’alauiloa ai fo’i ma le si’itaga o tulaga o le to’atele o Leoleo i le Matagaluega o le Puipuiga o le Saogalemu Lautele.

 

E to’a 8 Major na tolaulauina, e to’afitu o i latou o galuega fa’aleoleo ae to’atasi o le vaega a le Tinei Afi. O i latou nei e aofia ai: John Cendrowski, Pierre Clemens, Pouuamea Supapo, Lima Pu’e Togia, Pele Uia, Tautalasoo Moliga, Kelemete Sunui ma le sui mo le Tinei Afi o Aloalo Olo.

 

To’a 15 ua si’itia tofiga i le Kapeteni ma e to’a 5 Kapeteni mo le Tinei Afi, ae to’a 10 i latou o Kapeteni i galuega fa’aleoleo: Ruta Letuli, Faimasasa Malaefono, Paniani Ta’afua, Fautua Maiava, Preschool Talaeai, Fusitele Fano, Allen Velega ma Mike Tipoti.

 

To’a 21 siitia tulaga i le Lutena, ma e aofia le to’atolu mo le Tinei Afi: Margie Alofaituli, Jackline Lagai, Alfred Te’o, Abel Penitusi, Ioane Paselio, Polo Pese, Galu Ioane, Filemini Amituana’i, Poutoa I’amanu Jr., Aukuso Lafaele, White Sonny, Sianava Nuusila, Savelio Vaofanua Jr.,Annielyse Coffin, Fagafua Mauga, Iakopo Apineru, Maualuga Misioka, Siaosi Siuloa Jr. ma le to’a 3 o Lutena mo le Tinei Afi: Puipui Faiva, Penuamina Ta’ase ma Tunu To.

 

To’a 19 ua avea ma Satini: Talialetatalo Seloti, Vaivasa Wells, Claudia Mamea, Samantha Lam Yuen, Tolu Mareko, Christmas Toia, Gaui Seanoa, Devon Mata’u, Joseph Lauofo, Iapani Tiumalu, Fiailioa Moafanua, Richard Sagapolutele, Maria Penitusi, Poe Leapai, Leuma Pua’auli, Taotao Toala, ma le to’atolu mo le Fire o Onoiva Tafaese, Michael Taase, ma Tanielu Fa’amoimoi.

 

To’avalu siitia tulaga e avea ma Corporal: Latarah Ah See, Byron Saifoloi, Patrick Tuvale, Levi Tafaovale, Aukuso Paolo, Joseph Lumana’i ma Frank Pa’aga, ae toatasi lava le mo le Falepuipui o Mokiana Yandall.

 

FOAI KUKAMA FAMILY MART - TOESE, HOPE HOUSE & FALEMA’I

 

Ona o le tapunia o A’oga ona o a’afiaga i le pepesi mai o le Misela i Amerika Samoa, ua fa’aletonu ai ma le avanoa e fa’atau atu ai fua o fa’ato’aga i le Polokalama o Mea’i a le Fanau A’oga.

 

O le Family Mart le susuga le Faipisinisi Pyo, ua ia la’uina lana Kukama e 7,000 pauna le mamafa i nofoaga nei e tolu: Falema’i o le LBJ i le Fale’aiga e sapalai ai mea taumafa a le falema’i; Hope House; ma le toese i Tafuna.

 

Ua fa’alua lona faia o nei foa’i, ma o le tinoitupe e masani ona maua e lea faipisinisi ma faifaato’aga Kukama i le Polokalama o Mea’ai a le Fanau A’oga, e $3,450 i le 1,500 pauna. O lona uiga e latalata i le $20,000 lea ua fa’asalafa nei ona foa’i atu e fa’aaogaina e lenei ali’i faipisinisi ma ana faifa’ato’aga mo nofoaga nei.

 

O le agaga fa’afetai sa fa’ailoa e le tama’ita’i o lo’o va’aia lle gaosiga o mea taumafa i le LBJ, Ianeta Ah Ping ona o le agalelei. “E leai se tasi e na te te’ena fa’amanuiaga fa’apenei. Lona lua o mea nei o fua o fa’aeleeleaga, e le tatau lava ona fa’atamala i tatou uma, e ao ina taumafaina aua o mea ua fa’atupu e le Atua, e le maua ai fo’i se tasi i se ma’i, o mea’ai paleni nei e mana’omia ona tausasami ai o tatou tagata i aso uma. Fa’afetai tele i le Family Mart, Aiga Mart.”

 

Tama’ita’i Pule fo’i o le Hope House, Casandra Block Mageo ma le aufaigaluega na la’uina le isi 1,500 pauna o le Kukama i le taeao ananafi, sa fa’ao’o mai fo’i le latou fa’afetai. E ui ina o lo’o loka le nofoaga ona o le pepesi a le misela i Amerika Samoa, ae ua tatala lava ona o le foa’i taua.

 

O le nofoaga o le Toese sa fa’ao’o lea i le faitoto’a i ali’i “Malu o le Malo” o lo’o leoleoina le Toese lea foa’i ma ua fa’ao’o mai fo’i le latou fa’afetai.