Ads by Google Ads by Google

Tala I Vaifanua

PESEGA, TAULOTO MA FA'ATINOGA - "LEAI SE ISI ALOFA E SILI ATU!"

 

O le aso Faraile ua te’a na fa'atautaia ai le sauniga a le A'oga Samoa Baptist Academy i Happy Valley e taualoa ai le tautua a Fitafita Taui o le atunu'u ua maliliu a'o fa'atino le latou auaunaga.

 

O le lona tolu ai lenei o tausaga talu ona fa'atautaia pea e le Samoa Baptist Academy lea polokalama, ma ua latou taulotoina nisi o solo tusia e fa'atatau i le olaga o le fitafita tau, o le latou tofi ma le tele o pagatia e latou te feagai ai a'o tautua i tafa o taua ma nofoaga o vevesi.

 

O nei solo e taulotoina e le fanau o vasega 4 se'ia o'o i le valu, ae o pesega e usuina e le fanau laiti o vasega K5 se'ia o'o ile vasega 3.

 

Sa i ai le pulega a le US Army Reserve i Tafuna i lea fo'i polokalama, o nisi o fitafita tuai fo'i sa latou iloa lea polokalama.

 

Sa latou tofia fa'apitoa Miss Tuato'o e avea ma se fofoga fa'apitoa o le aso. O ia sa avea ma Faia'oga mo le latou laumua i lona toe taliu mai i Amerika Samoa. Sa fa’ailoa e Miss Tuato’o lagona moni e fa'aautu i le fitafita mo tiute e puipuia lona atunu'u mai le fili.

 

"O lo'u ulufale atu e avea ma se fitafita e koleni fa'apitoa i tomai e mafai ai ona fa'asaogalemu lo'u atunu'u ma o'u tagata e pele ia te a'u, e le faigofie lea ala. Ua moni ma le fa'amaoni e tu'uina lou ola ina ia ia aoga e fa'asaogalemu ai ona soifua se tasi e le faigofie. Peita'i o le auaunaga ua e manatu e te faia, ma lou loto atoa, e mafai lava ona fai."

 

"E toa'tele nisi ua le toe fo'i mai i le mafutaga fa'aleaiga ona o lea tautua tuavae mai tafa o taua ma nofoaga o vevesi, ae po'o tatou fa'aaogaina uma le 100% sa ia taumafai ai e fa'amautu lou soifua saogalemu e te soifua ai pea i o tatou laufanua nei? E mautinoa sa ia tu'uina mai lana auaunaga atoatoa mo lea fa'amoemoe, ae afai o e ola fa'apa'ole ai i lou soifuaga o e soifua ai, alofa toe liuliu sou taofi, ma e fa'aaogaina le 100% o lana auaunaga e te selesele ai le atoaga o lou saogalemu."

 

O ia o se tamaita'i ua ulufale atu nei i le USArmy ma ua ia iloa ai le faigata o lea fo'i tautua, e le faigofie ona fa'atino i taimi uma, ae o le manatu ua fa'atauaina, "Ia aoga le ola e fa'asaogalemu ai le soifuaga o tagata lautele o lona malo!"

 

Na faasolosolo atu fo'i e uma o aiga ma pelega o nei fitafita ua maliliu ina ia tutuina moli ga'o e fa'amanatu ai pea lo latou nonofo aualofa mo i latou, ae maise o le latou fa'afetaia o lo latou faiva i le tafa o taua.

 

E moni ai lava le mau mai le Tusi Pa'ia, - ‘E leai se alofa e sili atu i lenei alofa, ua ia tu'uina lona ola e sui a'i ana uo’. O le fetalagai sa'o lava lea e fa'atatau i le togiola sa faia e Iesu Keriso mo i tatou uma. O ia fo'i lea ua avea ma fa'amalosi'au, os e talita malosi i le olaga o fitafita uma i so'o se taimi e auai ai i so'o vevesi ma taua. E malu lava i a'ao o le ali'i Fa'aola,” o sana toe upu lea.

 

I le latou fa'atinoga sa si'omia ai e vasega matutua uma o le SBA le Ma'a Fa'amanatu mo i latou uma na maliliu i tafa o taua sa tolaulauina, fa'atasi ai ma fitafita tuai uma fo'i ua maliliu.

 

FA'AALIGA GALUEGA FA'ASAEANISI - A'OGA MAUALULUGA 2019

 

O i latou na mafai ona ausia togi maualuluga mo le fa'aaliga Poloketi Fa'asaeanisi mo lenei tausaga i aoga maualuluga, ua fa’ailoa mai le tulaga muamua e o'o i le tolu i vaega sa tauva ai:

 

• Behavioral Science - togisilia Nellie Lisala Tafuna High level 11, tulaga lua o Aaliyah Shalhout mai Kanana Fou High level 11 ae tulaga tolu Min Jae Kwon mai le SPA Level 12.

 

• Biochemistr: togisilia Matavai Auapa'au mai Tafuna High Level 9, tulaga lua Avril Regis mai Fa'asao Marist High level 10, ae tulaga tolu Grace Lee mai Pacific Horizons Level 10.

 

• Botany - togisilia Carl Daniel Balauro mai le Fa'asao Marist High Level 12, tulaga lua Kutori Temese mai le Manumalo Baptist Academy Level 10, ae tulaga tolu Sophie Young mai le South Pacific Academy Level 11.

 

• Chemistry - togisilia Gloria Park mai le Pacific Horizons School Level 12 , tulua Koneferenisi Purcell mai Manumalo Academy Level 12 ma le tulaga tolu Judith Liu mai le Fa'asao Marist High Level 12.

 

• Earth & Space - togisilia Victor Chen mai le Pacific Horizons Level 10, tulaga lua He Yao Yang mai le SPA level 12, ma le tulaga tolu Hewlett Andrei DE Lara mai Manumalo Level 12.

 

• Engineering - tulaga muamua Georgina Alofa mai Manumalo Baptist Level 9, tulaga lua Jade Cox mai Pacific Horizons Level 10 ae tulaga tolu Vincent Maverick Jagon mai Fa'asao Marist High Level 11.

 

• Enviromenta Science - togisilia Angela Chen mai le Pacific Horizons Level 9, tulaga lua William Spitzenburg Jr. mai Tafuna High Level 9, ae tulaga tolu Princess Schwenke mai Manumalo Baptisst Academy level 10.

 

• Marine Science - togisilia Tasi Pereira mai Samoana High School  level 10, tulaga lua Yasminna Sanchez mai Samoana High Level 11 ae tulaga tolu Sinva Aneterosa mai Tafuna High Level 11.

 

• Mathematics - togisilia Alia Tuiolosega mai le Pacific Horizons Level 12, tulaga lua Michael Sun mai le SPA level 9 ma le tulaga tolu Katherine  Kim mai le Manumalo Babptist Academy Level 9.

 

• Medicine & Health - togisilia DaIn Myung mai el SPA level 12, tulaga lua Evelini Suani mai le Manumalo Baptist Academy Level 11 ma le tulaga tolu Jewel Kruse mai le Tafuna High Level 10.

 

• Micro Biology - togisilia Adrianne Adriano mai le SPA Level 10, tulaga lua  Chloe Joan Villorente mai le Manumalo Baptist Academy level 10 ae tulaga tolu Andrea Amor de Guzman mai le Fa'asao Marist High Level 9.

 

• Physics - togisilia Kristen De Lara mai le Manumlo Baptist Academy Level 9, tulaga lua Philip Liang mai Manumalo Baptist  Level 11, tulaga tolu Dion Feng mai le SPA Level 12.

 

• Technology - togisilia Michael Jericho Balbuena mai le SPA Level 12, tulaga lua WenHao Hou ai le pacific Horizons Level 12,  ae tulaga tolu Wilene Joy Parungo mai Fa'asao Marist High Level 11.

 

• Zoology - togisilia Akenese Saleutogi mai Tafuna High Level 12, tulaga lua Kimberly Mendoza mai Manumalo Baptist Level 9, ae tulaga tolu James Liu Kuey mai le SPA Level 9.

 

Ua fa'atulaga mai ia te'i latou uma na togisilia a latou poloketi mo le tulaga muamua e oo i le tulaga fitu, i lona fa’asologa: 1/ Da in Myung; 2/ Carl Daniel Balauro; 3/ Gloria Park; 4/ Georgina Alofa; 5/ Akenese Saleutogi; 6/ Angela Chen; ma le tulaga fitu o Victor Chen.

 

O le to'atolu mai le togisilia se'ia o'o i le tulaga tolu o le a fa'aalia ma tauva latou poloketi i le fa'aaliga tele a le Iunaite Setete i Phoenix Arizona ia Me, 2019, ae o le tulaga fa se'ia o'o i le tulaga 6 e malaga fo'i i latou ae na'o le maimoa o i latou uma e le fa'aalia latou galuega fa'atino. Ia manuia o outou faiva ia i latou o le a tauva.