Ads by Google Ads by Google

Sailia USCG - Mafuaga suesue’a tatou vaa fagota Atu Kuki


[ata: foa'i]

Ua fa’amaonia mai e le vaega a le US Coast Guard lo latou suesuea toto’a o le mafuaga ua taofia ai e le Va’a Suesue o le Gataifale a le Atu Kuki se tasi o tatou va’a fagota a le Tautai Longline Services, le Princess Karlinna ll.

 

Fa’ailoa e le susuga le ali’i faipinisi o Carlos Sanchez, lea e ona le Tautai Longline Services Inc. “O le taimi muamua lenei ua taofia ai a’u mai le fagota i le sone lea o le gataifale, ou te mautinoa lava o le sone fagota a Amerika Samoa, 180 maila le mamao mai ia te’i tatou iinei.”

 

Ua faailoa fo’i e Sanchez, “E tolu va’a suesue o le gataifale a le Atu Kuki, Samoa ma Tokelau lea na latou o’o atu ma taofia mai le Princess Karinna ll ao fagota.”

 

E tusa ma le fa’amatalaga a Sanchez o ana tama fagota sa latou fa’ailoa maia, na fa’ailoa atu e sui nei sa o atu i o latou va’a e tolu, ua sopoia e le latou faigafaiva gataifale fagota o le malo o Atu Kuki.

 

Peita’i, i le susuga Sanchez, ua ia fa’ailoa ai, o lea sone fagota sa i ai ona va’a, o le sone tamau a Amerika Samoa.

 

O le susuga Lt Ryan Junod o le US Coast Guard i Amerika Samoa nei, ua ia fa’ailoa mai e le’i mae’a talanoaga ma suesuega toto’a i lea mataupu ae mo le taimi nei, o le a leai sana fa’amatalaga aloa’ia e tusa o le sone, seia mae’a le suesuega auiliili i le sone tonu lava sa fagota ai le Princess Karlinna ll, po’o sa’o lelei le tatou au fagota, pe o sa’o ai le fua a le malo o le Atu Kuki.