Pago Pago - AMERIKA SAMOA

O le aso 26 o Aukuso, na o’o atu ai se valaau i le Ofisa a Leoleo i Tafuna, e tusa ai ma se misa i le va o ni aiga se lua.

Ina ua taunu’u leoleo i le nofoaga na tupu ai le misa, sa vaaia se faalapotopotoga a ni tagata ma na fa’afeso’ota’i e leoleo ia le vaega a le EMS lea o lo’o i Tafuna, ona o se tasi o lo’o manu’a.

Sa faatalanoaina e leoleo ia le tina matua lea sa valaau atu i le ofisa a leoleo, e suafa ia Sosefina Ta’ala ma na ia fa’amatalaina e faapea, na alu atu ia Falaniko Vehitike i luma o le latou pa ma faatonu le tama a lana tama teine, e fai i lona tina, ina ia ave’ese lana taavale, a lea, o le a ia so’aina i lana (Falaniko) taavale.

Na ta’ua e Sosefina, le alu atu o lana tama teine ia Falaniko ae palauvale mai iyi Falaniko.

E le gata i lea, ae na ta’ua e Sosefina lona ita tele, ina ua fasi e le atalii a Falaniko ia lana tama e igoa ia Sameli.  O lea na tau’ai ai e Sosefina le faamalama o le taavale ma nuti ai.

O lo’o ta’ua foi i faamaumauga a le malo, le taumafai o sui malu a le mało e fa’ato’ato’a aiga e lua, ae peitai, e le’i faamanuiaina lea tulaga.  O le mea lea na faatonuina ai loa alga uma e lua, ina ia agai atu i le ofisa a leoleo, mo le fa’aauauina o su’esu’ega a leoleo.

 Ae na aveina atu Sameli i le taavale a leoleo mo le togafitia o ona manu’a e le vaega a le EMS ma aveina atu ai o ia i le LBJ mo le fa’aauauina o ana togafitiga.  Ae fa’afeao atu e isi leoleo ia le susuga ia Falaniko.

I le faamatalaga a Falaniko i leoleo, sa ia ta’ua ai lo latou aga’i atu i le latou fale, ae o lo’o poloka mai le latou auala e se taavale.  Sa ia talosagaina se tasi o le aiga, e aveese le latou taavale, ae peitai, e leai seisi na sau e ave’ese le taavale.  O le mafuaaga lea na ia taumafai ai e alu atu lana taavale i autafa o le taavale lea na tu.

O le taimi lea, e pei ona faamatala e Falaniko, na alu atu ai le alo a Sosefina, o Maryanne Saitaua ma fesiligia o ia po o le a lana faalavelave.  Ae tali mai iai Falaniko, e ave’ese lana taavale mai luma o le latou auala.  Sa ta’ua e Falaniko le palatale atu o Maryanne ia te ia, ma lona aiga ma lu’iina o ia i se fusuaga.  

Ma o le mafua’aga lea na oso mai ai I faro ma fufusu ma le tuagane a Maryanne, le alii o Sameli.

Ina ua mae’a ona fa’atalanoaina e leoleo ia Falaniko, na o latou liliu loa i le fa’atalanoaina ia se molimau na iai i le taimi na tupu ai le faalavelave, i le va o aiga nei e lua.

Ma na fa’amatalaina e le molimau e faapea, sa taumafai o ia e vaovao le misa a aiga ia e lua, ae ona va’aia se alii talavou o tu ma se agaese, lea na se’i eseina e le molimau.

Sa faamatalaina foi e le molimauina lona va’aia ma faalogoina, le valaau a Maryann I lona aiga, ina ia o mai ma ni fana e tafana ai le aiga a Vehikite.  Ma na ta’ua e le molimau e faapea, ina ua lagona mai e lona atalii (AJ) ma le atalii a Falaniko (Epeli Vehitike) ia le tala a Maryanne, na feosofi mai loa ma ni paipa u’amea ma amata ona fasi ai Sameli.

Na ta’ua e le molimau ia lona taumafai e taofiofi mai ia lona atalii ma Epeli, ae ua le mafai.  Ina ua mae’a ona sasa e le to’alua lea ia Sameli, na le toe va’aia loa i la’s.

O le tagata na soso’o ona fa’atalanoaina e leoleo, o le tina matua ia Sosefina ma sa ia toe faamatalaina foi le tala lea sa ia faamatalaina muamua i le to’ai taunu’u atu a leoleo i le nofoaga na tupu ai le faalavelave, na aofia ai ma lona tau’aia o le faamalama a le taavale a Falaniko.

O lo’o ua ta’ua I totonu o fa’amaumauga a le malo, le tu’uina atu o Sosefina e toe fo’i i lona aiga, ona o lona gasegase (toto maualuga), ae sa faatonuina o ia ina ia o’o atu i le Faamasinoga Faaleitumalo i le aso faatonuina mo lona iloiloga.

I le fa’atalanoaga o Maryanne, sa ia ta’ua lona alu atu ia Falaniko ona o lana tala taufa’afefe e so’aina lana taavale, ae na palauvale mai ia Falaniko ia te ia.  Ma amata ai se la tauga upu.  

Ina ua taunu’u atu łona tuagane (Sameli), na fesiligia o ia e Falaniko po o fia fusu.  Ae tali mai iai Sameli, na pau le mafuaaga na alu atu ai, o le fia siaki łona tina ma va’ai po o le a le mea ua tupu.

Ae peitai, sa ta’ua e Maryanne le oso atu o Falaniko ma fufusu ma Sameli.  O le taimi lea na feosofi mai ai AJ Malaga ma Epeli Vehitike ma a la la’au u’amea ma sasa ai Sameli.  Ma na ta’ua e Maryanne, ona o lona ita tele, sa mafua ai ona ia vala’au atu i le latou aiga, e o mai ma aumai ia ni fana.  Sa ta’ua foi e Maryann le tau’ai e lona tina o Falaniko i ni ma’a laiti.

O leisi na faia sana molimau i lea aso, o Rachael Vehitike ma sa ia ta’ua lona fa’aleagaina o le pa uga a Ta’ala.

I le molimau a Sameli, sa ia ta’ua ai le vala’au atu o łona tina, a’o iai o ia i le fale ma fa’ailoa atu se faalavelave o tupu i le va o łona tuafafine, o Maryanne ma Falaniko.  Ma na ta’ua e Sameli, lo la o atu ma łona atalii e 16 tausaga, i le fale o łona tina.  I lona taunu’u atu, na ‘e’e mai Falaniko ia te ia, ma lu’i o ia la te fufusu.

O i’ina lea na ta’ua e Sameli, na faapo ai o ia e AJ ma Epeli i paipa u’amea.

I le faamatalaga a le atalii 16 tausaga a Sameli, sa ia ta’ua ai lona molimauina o le sasaina o lona tua’a e AJ ma Epeli, ma ia a’apa atu loa I se laupapa 2x4 lea sa i tua o le t’avale, ma ta fa’alua ai foliga a AJ.

Sa lokaina uma i latou ia, i lea lava afiafi, se’ia vagana ai le tina matua ia Sosefina.  Ae o le taimi lea, na tau saili ai AJ ma Epeli.

O moliaga o Vehitike, e Sofia ai Faitauga 1 & 2, o le Faatupu Vevesi i Nofoaga Faitele, o se vaega ‘B’ o soligatulafono mama, lea e mafai ona nofosala ai i le falepuipui i le ono masina, po o se sala tupe e $500; po o faasalaga uma e lua.

E $500 le vaegatupe sa faatulagaina e mafai ona tatalaina ai i tua ia le ua molia, e faatalitali ai ona faamasinoga. 

O Sosefina Ta’ala, na molia i le Faitauga e 1 o le Faatupu Vevesi i nofoaga faitele faapea le Faitauga e 2 o le Faaleagaina o meatotino, i lona tulaga e lua.

I le Faatupu vevesi, e mafai ona nofosala ai i le falepuipui, i le o’o atu i le ono masina, po o se sala tupe e $500; po o faasalaga uma e lua.  Ae i le moliaga o le faaleagaina o meatotino, e mafai ona nofosala ai i le tausaga, po o se sala tupe e $1,000; po o faasalaga uma e lua.

E $1,000 le vaegatupe fa’atulagaina, e mafai ona tatalaina ai i tua le ua molia, e faatalitali ai lona faamasinoga.

Sameli Ta’ala, na molia i le Faatupu Vevesi i Nofoaiga Faitele, o se vaega ‘B’ I soligatulafono mama, e mafai ona nofosala ai i le falepuipui i le o’o masina, po o se sala tupe e $500; po o faasalaga uma e lua.

E leai se tupe faatulagaina mo Sameli e tatalaina ai i tua.

O Rachael Vehitike, na molia i le Faitauga e 1 o le Faatupu Vevesi i Nofoaiga Faitele ma le Faitauga e 2, o le Faaleagaina o meatotino, i lona tulaga e tolu.  

I nei moliaga uma e lua, e mafai ona nofosala ai i le falepuipui, i le o’o atu i le ono masina, po o se sala tupe e $500; po o faasalaga uma e lua mo le moliaga e tais.

E leai foi se tupe sa faatulagaina e tatalaina ai i tua Rachael, e faatali ai lona faamasinoga.

O Epeli Vehitike, na molia i le faao’olima i lona tulaga e tolu, o se vaega ‘A’ o solitulafono mama, e mafai ona nofosala ai i le falepuipui mo le tausaga atoa, po o se sala tupe e $1,000; po o faasalaga uma e lua.

E $2,000 le tupe faatulagaina e mafai ona tatalaina ai Epeli mai i le falepuipui, e faatali ai lona faamasinoga.

O AJ Malaga, ua molia i le moliaga foi o le Faao’olima mă o se vaega ‘A’ i soligatulafono mama, e mafai ona faafalepuipui ai i le tausaga e tass, po o se sala tupe e $1,000; po o faasalaga uma e lua.

E $2,000 foi le vaegatupe na faatulagaina mo le tatalaina i tua o AJ e faatalitali ai lona faamasinoga.