Ads by Google Ads by Google

GALULUE PEA MA MAUA TOTOGI O LE AUFAIGALUEGA MEA TOSOVA’A


[ata: LF]

Ua fa’ailoa mai e le susuga le Taitaifono o le Komiti Fa’afoe o le Mea Toso Va’a i Satala, Liu Siakisone Liu, “O lo’o tele galuega o lo’o fa’aaoga tatau i ai le taimi o e o faigaluega i le mea toso va’a i Satala. E tusa lava pe o lo’o taofia le toe fa’afouina mai o ni va’a mai le tatou Mea Toso Va’a ona o lona filifili tele lea e mafai ai ona siligia i luga va’a ina ia mafai ona toe galueaina e faaleleia atili mo folauga ma le fela’ua’iga o mea totino faatasi ai ma pasese ma uta.”

 

I le taimi nei, ua taumafai le pulega le tumau o i ai nei i le mea toso va’a, ina ia fa’afaigaluega se tasi o inisinia o va’a femalaga’i i le sami, e fa’ailoa maia i le pulega, le mea e ao ina faia e mafa ai ona fa’aleleia le filifili tele lea e siligia i luga va’a ina ia lipea. O le tala mai e tusa ma le $1-2 miliona le tupe lea sa tatau ona maua mai e le Mea Tosova’a ua le toe maua mai ona o le le mafai ona toe fa’atino o galuega lipea a i latou talu ai le fa'aletonu lea filifili tele e mafai ai ona lifi i luga va’a o so’o se ituaiga o mamafa.

 

O le fa’aletonu lea sa tupu ia Oketopa 1st, 2019 na tupu ai lea fa’aletonu ma motusia mai ai le toe faia o ni galuega toe fa’aleleia a le Mea Tosova’a.

 

Na se’e ese fa’anifo mai le fa’asologa tonu e tatau ona ta’avili ai e aunoa ma se mea e iloa ai o le a fa’apea ona ola mai i lena taimi. O se lipoti lea ua fa’ao’o ane mai lea fa’afitauli na tupu i lena aso. Peita’i e i ai nisi na sefea lava le ala e se’e mai ai va’a i luga o le Mea Tosova’a, ma ua tele fo’i se sefe ona o tagata faigaluega ua masani na vave oso atu ai ma ua le tele ai se leaga e toe faaleleia.

 

O lo ua faatalitalia nei le o’o ane o lea Inisinia fa’apitoa sei vaai le faiga e toe fa’aleleia ai le mea ua fa’aleagaina, ae toe fa’aauau galuega masani mo le tamaoaiga fo’i e se’e mai lea itu o le tatou malo.

 

 O lo ua fa’asaoina le tele o mea sa tatau ona fa’aleagaina i lea aso, peita’i ua sefe uma i le mata’alia o le aufaigaluega ma ua le tele na’ua ai se galuega o mea e toe fa’aleleia ona fa’aaoga loa lea o le tatou Mea Tosova’a.